1 Samel 2:36 - Maktub gə́ To gə Kəmee

³⁶ Nana ɓa gə́ nai mee kəi’g ləi ndá a ree kɔs kəjee naŋg nea̰’g ɓa gə́ mba taa ne ŋgon larnda əsé goŋ muru, tɔɓəi a pana: M’ra ndòo rɔi’g mba kari am kula mee kəi nékinjaməs’g mba kam m’iŋga ne goŋ muru m’o̰ ya.

1 Samel 2:36 ပူးပေါင်းရင်းမြစ်များ

1 Mbaije 2:27

Togə́bè ɓa Salomo̰ ɔr Abiatar loo kulaje’g ləa gə́ wɔji dɔ kinja néməs kar Njesigənea̰ lé gə mba kar ta gə́ Njesigənea̰ pa wɔji ne dɔ njémeekəije lə Eli mee ɓee gə́ Silo lé aw ne lée’g béréré tɔ.

2 Mbaije 23:9

Nɛ njékinjanéməsje gə́ wɔji dɔ looje gə́ ndəw lé d’aw loo-nékinjaməs’g lə Njesigənea̰ gə́ to Jerusalem lé el nɛ muru gə́ nétiee godo keneŋ ɓa d’o̰ gə ŋgako̰ deeje na̰’d ya.

Gosota-Kəmkàrje 14:19

Njéramajelje d’ula dɔ dee no̰ njéramajije’g ləm, Njémeeyèrje d’ula dɔ dee tarəwkɔg’d lə njémeekarabasurje ləm tɔ.

Malasi 1:13

Seḭ pajena: Seḭ daoje ne yaa̰! Tɔɓəi seḭ unje kəm sí dəa’g rəw, Njesigənea̰ gə́ njeboo-néje lé ɓa pa bèe. Nɛ lé bèe kara seḭ reeje gə daje gə́ seḭ ɓogoje ləm, əsé gə́ d’oso məd ləma, əsé gə́ rɔ dee to dee ləm tɔ, yee ɓa gə́ nékinjanéməsje gə́ seḭ reeje ne! See m’askəm taa ji sí’g wa. Njesigənea̰ gə́ njeboo-néje lé ɓa dəji sí togə́bè.

Njéga̰g-Rəwtaje 17:10

Mika ulá pana: Maji kari si səm nee. Maji kari tel to bɔmje ləm, gə njekinjanéməs ləm ləm tɔ, ləb kára-kára ndá m’a kari larnda dɔg-dɔg ləm, gə kubuje gə́ i a kaw ndée ləma, gə nésɔi ləm tɔ. Bèe ɓa Ləbi neelé andə aw ne mee kəi’g ləa.

1 Samel 2:35

N’a kunda njekinjanéməs lə neḛ gə́ to majikoji keneŋ, yeḛ gə́ a ra né to gə́ mee neḛ wɔji. N’a kar ŋgakeaje d’ɔs goo na̰ gə́ kédé-kédé ndá yeḛ a njaa no̰ yeḛ gə́ n’wa dəa gə ubu’g lé ta-ta ya.

1 Samel 3:1

Samel, ŋgon basa lé ra kula lə Njesigənea̰ no̰ Eli’g. Mee ndəaje’g neelé Njesigənea̰ ula dəwje ta ta-ta el ləm, némḭdije kara teḛ ta-ta el ləm tɔ.