1 Samel 2:35 - Maktub gə́ To gə Kəmee

³⁵ N’a kunda njekinjanéməs lə neḛ gə́ to majikoji keneŋ, yeḛ gə́ a ra né to gə́ mee neḛ wɔji. N’a kar ŋgakeaje d’ɔs goo na̰ gə́ kédé-kédé ndá yeḛ a njaa no̰ yeḛ gə́ n’wa dəa gə ubu’g lé ta-ta ya.

1 Samel 2:35 ပူးပေါင်းရင်းမြစ်များ

2 Samel 7:11

mee ndəa gə́ m’unda ne njégaŋ-rəwtaje dɔ koso-dəwje ləm gə́ Israɛl lé el ŋga ləm tɔ. Ma m’ari loo-kwa-rɔi loo gə́ m’ɔri ji njéba̰je’g ləi lai ləm tɔ. Tɔɓəi Njesigənea̰ ulá pana: Ma Njesigənea̰ ya m’a ra kəi kari tɔ.

2 Samel 7:27

Mbata i Njesigənea̰ gə́ njeboo-néje lé ya, Ala lə Israɛlje lé ɓa riba dɔ rɔi ar kura ləi pana: I a ra kəi kam! Gelee gə́ nee ɓa ma kura ləi m’wa ne rɔm kɔgərɔ m’ra ne tamaji nee tai’d gə mbəa.

1 Mbaije 1:45

Sadɔk, njekinjanéməs gə Natan, njetegginta d’wa dəa gə ubu d’undá ne gə́ mbai mee ɓee gə́ Giho̰. Lée neelé deḛ d’ḭ keneŋ d’al rɔ dee, tɔɓəi koso-dəwje gə́ mee ɓee-boo’g d’aḭ yao-yao, yee gə́ nee ɓa seḭ ooje ne ndu dee lé tɔ.

1 Mbaije 1:8

Nɛ Sadɔk, njekinjanéməs ləm, gə Benaja, ŋgolə Jeojoda ləm, gə Natan, njetegginta lə Ala ləm, gə Simei, gə Rei ləma, gə bao-rɔje lə Dabid ləm tɔ lé ndigi gə Adonija el.

1 Mbaije 11:38

Ɓó lé i ila ŋgonkoji dɔ néje lai gə́ m’a kun ndum dɔ’g kari ləm, ɓó lé i njaa dan kila-rəwje’g ləm ləma, ɓó lé i ra néje gə́ danasur kəm’g, k’aa ne dɔ godndumje gə torndumje to gə́ Dabid, gə́ to kura ləm ra bèe ləm tɔ ndá m’a nai səi ləm, m’a ra kəi gə́ ŋgəŋ ŋgəŋ-ŋgəŋ kari ləm tɔ, to gə́ ma m’ra ne m’ar Dabid ndá m’a kɔm Israɛlje jii’g ya.

1 Mbaije 2:35

Mbai unda Benaja, ŋgolə Jeojoda gə́ ɓé-njérɔje taa ne tor Joab ləm, yeḛ ar Sadɔk to njekinjanéməs tor Abiatar’g ləm tɔ.

1 Sôrta Gḭka-Israɛlje 29:22

Deḛ d’usɔ gə d’ai no̰ Njesigənea̰’g gə boo-rɔlel ndá deḛ d’wa dɔ Salomo̰, ŋgolə Dabid gə ubu no̰ Njesigənea̰’g d’undá gə́ mbai gə́ njekɔm’g gɔl joo ləm, d’wa dɔ Sadɔk gə ubu d’undá gə́ njekinjanéməs ləm tɔ.

Pakɔsje 18:50

Ǝi Njesigənea̰, gelee gə́ nee ɓa M’a pidii ne mbuna ginkoji dəwje gə raŋg’g ləm, M’a kɔs pa kula ne rɔnduba dɔ rii’g ləm tɔ.

Pakɔsje 2:2

Mbaije gə́ dɔ naŋg nee d’wa dɔ gɔl rɔ dee ləm, Njéko̰ɓeeje kara d’ɔm sə dee na̰’d ləm tɔ D’ḭ ne gə Njesigənea̰ gə yeḛ gə́ yeḛ wa dəa gə ubu lé.

Teḛ-Raga 1:21

Gə goo ɓəl gə́ njétaa-ndóoje neelé ɓəl Ala yeḛ ar ŋgaka deeje d’ɔs ne goo na̰ gə́ kédé-kédé ya.

Ejekel 34:23

N’a kunda njekul dee kára ba dɔ dee’g karee ul dee, yee ɓa to kura lə neḛ Dabid, yeḛ a kar dee d’o̰ mu ləm, yeḛ a to njekul dee ləm tɔ.

Bula lə Israɛlje 25:13

Yee ɓa a to manrɔ gə́ to gə no̰ gə́ wɔji dɔ kula nékinjaməs mbata ləa ləm, gə mbata lə ŋgakeaje gə́ gée’g ləm tɔ, mbata mal Ala ləa rəa ŋgwɔd-ŋgwɔd ləm, yeḛ ra né uga ne dɔ kaiya lə Israɛlje ləm tɔ.

Ǝbrəje 2:17

Togə́bè ɓa, rəa gə́ yeḛ tel tana gə ŋgabɔbeeje, tana sə dee pai-pai lé gə́ kuma̰ mba karee to ne ŋgɔ-njekinjanéməs gə́ njemeekɔrjol ləm, gə njemeenda londoŋ mba ra kula no̰ Ala’g ləm tɔ mba kuga ne kaiya lə dəwje lé.

1 Samel 10:10

Loo gə́ deḛ teḛ Gibea ndá aa oo, kudu-njéteggintaje ree tila kəmee d’iŋgá. Ndil Ala dəb dəa’g ndá yeḛ tegginta mbuna dee’g tɔ.

1 Samel 10:9

Loo gə́ Sawul turu giree mba kya̰ Samel ndá Ala ar mee Sawul lé tel to ɓəd ndá nétɔjije lai neelé d’aw lée’g béréré mee ndəa gən ya.

1 Samel 12:3

Ma ya m’aar nee! Ɔrje goo néramje no̰ Njesigənea̰’g ləm, gə no̰ yeḛ’d gə́ yeḛ wa dəa gə ubu lé ləm tɔ. See na̰ ɓa m’taa maŋg ləa əsé na̰ ɓa m’taa mulayḛ̀je ləa wa. See na̰ ɓa m’ula kəmee ndòo əsé m’ra səa né gə́ kədərə wa. See na̰ ɓa m’taa né jia’g ɓa m’un ne kəm dəa’g wa. Ndá m’a tel ne kar sí ya.

1 Samel 16:13

Samel un ubu gə́ ku-gaji-da’g lé ndá yeḛ wa ne dəa mbuna ŋgakea̰je’g tɔ. Ndil Njesigənea̰ dəb dɔ Dabid’g un kudee mee ndəa’g neelé saar gə́ kédé tɔ. Samel ḭ tel aw Rama.

1 Samel 2:36

Nana ɓa gə́ nai mee kəi’g ləi ndá a ree kɔs kəjee naŋg nea̰’g ɓa gə́ mba taa ne ŋgon larnda əsé goŋ muru, tɔɓəi a pana: M’ra ndòo rɔi’g mba kari am kula mee kəi nékinjaməs’g mba kam m’iŋga ne goŋ muru m’o̰ ya.

1 Samel 25:28

M’ra ndòo rɔi’g, ar məəi oso lemsé dɔ néra gə́ majel’g lə kura ləi gə́ dené mbata Njesigənea̰ a kar kəi lə mbai ləm kiriŋ naŋg kiriŋ-kiriŋ ya. Ar məəi oso lemsé ya mbata i mbai ləm tɔ njekɔs gel rɔje lə Njesigənea̰ ndá dəw a kiŋga néra gə́ majel məəi’g nda̰ el.

1 Samel 3:1

Samel, ŋgon basa lé ra kula lə Njesigənea̰ no̰ Eli’g. Mee ndəaje’g neelé Njesigənea̰ ula dəwje ta ta-ta el ləm, némḭdije kara teḛ ta-ta el ləm tɔ.

1 Samel 7:9

Samel wa ŋgon badə gə́ ta mbà’g, ḭjá bura gə́ nékinjaməs gə́ ka̰ roo ar Njesigənea̰. Yeḛ no̰ ɓar Njesigənea̰ mbata lə Israɛlje ndá Njesigənea̰ ilá keneŋ ya.

1 Samel 8:3

Ŋgalə Samel njaa gə goo rəw gə́ bɔ deeje njaa keneŋ el. Deḛ d’ya̰ rɔ dee dan kəmkəḭ’g ləm, deḛ taa nétɔstaje d’al ne dɔ rəwta gə́ gaŋg gə dɔ najee ləm tɔ.

1 Samel 9:12

Deḛ d’ila dee keneŋ pana: Oiyo, yeḛ si no̰ sí gən ya. Nɛ ɔsje rɔ sí ɓad mbata ɓogənè yeḛ ree mee ɓee-boo’g mba kinja nékinjaməs gə́ wɔji dɔ koso-dəwje dɔdərloo’g tar.

1 Samel 9:13

Loo gə́ seḭ a ka̰dje mee ɓee-boo’g ndá seḭ a kḭgáje kédé ɓa yeḛ a kal kaw dɔdərloo’g tar mba sɔ né ɓəi. Koso-dəwje d’a sɔ né kédé ɓa karee-yeḛ ree el, mbata yeḛ ɓa a gə tɔr ndia dɔ nékinjaməs’g ɓa gée gə́ gogo deḛ gə́ ɓar dee ɓar nésɔ lé d’a sɔ ɓəi. Awje ɓasinè ndá a kḭgáje ya.