1 Samel 2:29 - Maktub gə́ To gə Kəmee

²⁹ Nékinjaməsje gə nékarje ləm gə́ m’un ndum m’ar dee ree ne mee kəi-sim’g lé see ban ɓa seḭ tuba deeje gə gɔl sí wa. See gə mba ɗi ɓa i ula rɔnduba dɔ ŋganije’g undam-ma, ar sí taaje ne néje gə́ doŋgɔr gə́ dəwje ləm gə́ Israɛl d’un lé d’ar sí-seḭ ərje ne ndɔl-ndɔl wa.

1 Samel 2:29 ပူးပေါင်းရင်းမြစ်များ

2 Mbaije 12:6

maji kar njékinjanéməsje lé taa ji nana kara gə́ deḛ gəree gə mba gɔl ne mee kəi gə́ to gə kəmee, loo gə́ né gə́ kəm gɔl a to keneŋ ya.

Pakɔsje 26:8

Njesigənea̰, kəi-sii gə́ i si keneŋ lé Ma m’unda dan kəm’g, To loo gə́ rɔnduba ləi to keneŋ.

Ejekel 13:19

Seḭ ulaje sul dɔ neḛ’g rɔ koso-dəwje’g ləm, tɔlje ne dəwje gə́ kəm kar dee d’wəi el ɓəi ləm, nɛ ya̰je dəwje gə́ kəm kar dee d’isi kəmba el lé kəmba ləm tɔ mba kiŋga ne nduji kó-blé as ŋgo ji dəwje ləm, gə goŋ muruje ba ya ləm tɔ. Bèe ɓa seḭ ərje ne kəm koso-dəwje lə neḛ ar deeje tuga ne mbi dee gə́ dɔ taŋgɔm’g.

Ejekel 34:10

Mbaidɔmbaije gə́ Njesigənea̰ pa togə́bè pana: Aa ooje, n’aw gə njékul dəwje gə ta. N’a tel taa dəwje lə neḛ ji dee’g ləm, n’a kar dee d’ul dəwje lə neḛ el ŋga ləma, deḛ nja kara d’a kul rɔ dee-deḛ el ŋga ləm tɔ, n’a kɔr dəwje lə neḛ ta dee’g ndá d’a to nékwa lə dee el ŋga.

Ejekel 34:2

I ŋgon-dəw lé tegginta wɔji ne dɔ njékul Israɛlje! Maji kari tegginta ula njékul deeje lé pana: Mbaidɔmbaije gə́ Njesigənea̰ pa togə́bè pana: Meeko̰ a koso dɔ njékul Israɛlje gə́ d’ul rɔ dee-deḛ nja ba. See njékulbadje lé lé riri kara kəm kar dee d’ul badje el wa.

Ojee 4:8

Kaiya ra koso-dəwje ləm lé Deḛ telee gə́ nésɔ lə dee ləm, Deḛ d’ar mal néra gə́ kori-korije lə koso-dəwje ləm lé Ra dee-deḛ ya ləm tɔ.

Ləbije 19:15

Seḭ a raje né gə́ lal najee loo-gaŋg-rəwta’g el ləm, seḭ a kɔrje kəmta lə njendoo ɓəd el ləma, seḭ a ndigije ta lə dəw gə́ boo el ləm tɔ, nɛ seḭ a kɔrje kəmta lə mar síje gə goo rəbee ya.

Misee 3:5

Ta gə́ Njesigənea̰ pa Dɔ njéteggintaje gə́ d’ar koso-dəwje lə neḛ ndəm lé ɓa nee: Loo gə́ nésɔ to ŋgaŋ dee’g mba kar deḛ to̰ ndá D’ila mber meekulɔm Nɛ loo gə́ nésɔ godo ta dee’g ndá Mber rɔ ɓa d’ila tɔ.

Matiyo 10:37

Yeḛ gə́ ndigi bɔbeeje əsé kea̰je undam-ma ndá ḭ ɓee ləm el ləm, yeḛ gə́ ndigi ŋgonee gə́ diŋgam əsé ŋgonee gə́ dené undam-ma kara ḭ ɓee ləm el ləma,

Matiyo 22:16

Deḛ d’ula njékwakila deeje ləm, gə herodiḛje ləm tɔ rəa’g d’ar dee d’ulá pana: Mbai, jeḛ n’gər gao to gə́ i lé to kankəm dəw ya ləm, i ndoo dəwje kankəmta lə Ala gə goo rəbee, ɓəl ne kəm dəw kára el ləm tɔ mbata i lé rɔ dəwje gə́ raga ɓa kəmi wəi dɔ’g el.

Lugu 14:26

Ɓó lé nana ɓa gə́ ree rɔm’g ɓa yeḛ oo bɔbeeje gə kea̰je gə dené ləa gə ŋganeeje gə ŋgakea̰je gə́ diŋgam gə njé gə́ dené gə rəa-yeḛ nja kara oo dee gə́ né gə́ to kḛji el ndá yeḛ a kaskəm to njekwakilam el tɔ.

Njé gə́ Rɔmə 16:18

Mbata dəwje neelé ra kula gə́ wɔji dɔ meḛ dee-deḛ ɓó deḛ ra kula gə mba kar Mbaidɔmbaije lə sí lé el. Ta gə́ rii ləm gə ta lèbè ne kəm dəwje ləm tɔ ɓa deḛ pəl ne meḛ njémeekwɔilɔje.

2 Njé gə́ Kɔrḭtə 5:16

Togə́bè ɓa un ginee ɓasinè lé jeḛ n’gər dəw kára kara gə goo darəa el. Kristi kara ɓó lé jeḛ n’gəree gə goo darəa kédé lé ndá ɓasinè j’a gəree togə́bè el tɔ.

Tel tura Godndu 32:15

Israɛlje lé tel d’ər ndɔl-ndɔl ndá Deḛ gad kudu dee gə́ gogo ləm Deḛ tel boo ləm Gə tel d’ər ndɔl-ndɔl ləm tɔ! Ndá deḛ d’uba Ala d’yá̰ Yeḛ gə́ to njekunda dee ləm Mbal gə́ to gin kaji lə dee lé Deḛ d’ée gə́ né el ləm tɔ.

Tel tura Godndu 33:9

Ləbije pata lə bɔ deeje gə ko̰ deeje pana: Jeḛ j’oo deeje el! Deḛ d’ɔr kəm ŋgako̰ deeje ləm, Deḛ gər ŋgan deeje el ləm tɔ, Mbata deḛ lé d’aa dɔ taje ləi ləm, D’aa dɔ manrɔ ləi kər-kər ləm tɔ.

Maktub gə́ Jak ula ne ar ngan-Allaje 3:17

Kəmkàr gə́ ḭ dara lé njea a to dəw gə́ àr ləm, mée a kul lɔm ləm, yeḛ a kaw yururu ləm, a kɔm na̰’d gə mareeje ləm, meemaji a taa mée pəl-pəl ləma, a kinja gə ka̰dee gə́ maji gə́ raga ləm tɔ. Mée a tɔ joo el ləm, a to gə́ njehulai el ləm tɔ.

Jujé 18:1

Koso-dəwje gə́ Israɛl lai mbo̰ dɔ na̰ Silo ndá la kəi-kubu-kiŋga-na̰ keneŋ. Deḛ dum dɔ dəwje gə́ mee ɓee’g neelé.

1 Samel 3:13

Ma m’ulá təsərə to gə́ m’a gə kar bo̰ néra njémeekəije ləa ɔs ta dee’g gə no̰ mbata yeḛ oo néra gə́ kərm-kərmje lə deḛ gər gao, to néra ŋganeeje gə́ ar dəwje d’ə̰ji dee ne gə́ kḛji nɛ yeḛ lal ndaŋg dee dɔ’g lé.