1 Samel 2:27 - Maktub gə́ To gə Kəmee

²⁷ Dəw lə Ala kára ree rɔ Eli’g ulá pana: Njesigənea̰ pa togə́bè pana: See to ma nja ɓa m’riba dɔ rɔm pərəg m’ar kaije-je loo gə́ d’isi ne Ejiptə mee ɓee gə́ lə Parao̰ lé el wa.

1 Samel 2:27 ပူးပေါင်းရင်းမြစ်များ

1 Mbaije 13:1

Aa ooje, dəw lə Ala kára ḭ Juda ree Betel gə goo ndukun lə Njesigənea̰, loo gə́ Jeroboam tuga loo aw dɔ loo-nékinjaməs’g gə mba roo né gə́ ə̰də sululu keneŋ lé.

1 Mbaije 2:27

Togə́bè ɓa Salomo̰ ɔr Abiatar loo kulaje’g ləa gə́ wɔji dɔ kinja néməs kar Njesigənea̰ lé gə mba kar ta gə́ Njesigənea̰ pa wɔji ne dɔ njémeekəije lə Eli mee ɓee gə́ Silo lé aw ne lée’g béréré tɔ.

Teḛ-Raga 12:1

Njesigənea̰ ula Moyis gə Aaro̰ ta mee ɓee gə́ Ejiptə pana:

Teḛ-Raga 12:43

Njesigənea̰ ula Moyis gə Aaro̰ pana: Aa ooje, godndu gə́ wɔji dɔ ra naḭ Pag ɓa to nee: Dəw-dɔ-ɓee gə́ rara kara a sɔ née el.

Teḛ-Raga 4:27

Njesigənea̰ ula Aaro̰ pana: Ɔd aw dɔdilaloo’g aw tila kəm Moyis. Aaro̰ ɔd aw ndá yeḛ iŋga Moyis mbɔr mbal’g lə Ala ndá yeḛ il ɓɔlee.

Tel tura Godndu 33:1

Aa ooje, ndutɔr gə́ Moyis, dəw lə Ala tɔr dɔ Israɛlje’g kédé ɓa wəi ɓəi lé ɓa nee:

1 Timote 6:11

I dəw lə Ala lé sa rɔi dɔ mal néje neelé gə́ ra dee ya nɛ ndolè goo meekarabasur ləm, gə rəw kwa Ala məəi’g gə goo rəbee ləm, gə meekun ləm, gə meenoji ləm, gə meekila ləma, gə kaw yururu ləm tɔ.

2 Piɛrə 1:21

mbata ta gə́ pa lé ḭ mee dəw’g tel el. Ndilmeenda ɓa uru meḛ dəwje’g ar dee pa ne tapa Ala lé ya.

Njéga̰g-Rəwtaje 13:6

Dené lé aw ula ŋgabeeje pana: Dəw lə Ala ree rɔm’g ndá kəmee to tana gə kura lə Ala gə́ dara ləm, rɔndɔḭ ləa to ɓəl kədm-kədm ləm tɔ. Ma m’oo loo dəjee pana: See i ḭ ra wa kara bèe el ləm, yeḛ kara ulam ria am m’gər el ləm tɔ.

Njéga̰g-Rəwtaje 6:8

ndá Njesigənea̰ ula njetegginta kára rɔ Israɛlje’g. Yeḛ ula dee pana: Njesigənea̰, Ala lə Israɛlje lé pa togə́bè pana: Neḛ n’ar sí undaje loo mee ɓee gə́ Ejiptə teḛje ləm, neḛ n’ar sí undaje loo mee kəi kula ɓər’g teḛje ləm tɔ.

1 Samel 3:12

Mee ndəa’g neelé ta néje lai gə́ m’pa m’wɔji ne dɔ Eli gə dɔ njémeekəije ləa lé m’a kar dee d’aw lée’g béréré ya. M’a kun kudu ra ləm, m’a tɔl taree bém ləm tɔ.

1 Samel 9:4

Yeḛ dəs kaar mbal gə́ Eprayim ndá unda ɓee gə́ Saliska dana gaŋg lal kiŋga dee, deḛ dəs ɓee gə́ Skaalim nɛ d’iŋga dee keneŋ el. Sawulje lé d’ula loo wɔr-wɔr mee ɓee’g lə Bḛjamije nɛ deḛ d’iŋga dee el tɔ.

1 Samel 9:6

Kura lé tel ulá pana: Aa oo, dəw lə Ala kára si mee ɓee-boo’g nee. Yeḛ to dəw gə́ dəwje lai d’ila riɓar dəa’g. Ta néje lai gə́ yeḛ pa ndá néeje lé aw lée’g béréré-béréré ya. Ar sí j’awje keneŋ j’oo. Banelə yeḛ a tɔji sí rəw gə́ kəm kar sí j’unje ya.