1 Samel 2:25 - Maktub gə́ To gə Kəmee

²⁵ Ɓó lé dəw ra kaiya ɔs ne maree rəw ndá Ala a gaŋg rəwta dəa’g ya. Nɛ ɓó lé yeḛ ra kaiya ɔs ne Njesigənea̰ rəw ndá see na̰ ɓa a ra rəwta ləa wa. Nɛ deḛ ndigi koo tapa bɔ deeje lé el mbata Njesigənea̰ ndigi kar dee d’wəi.

1 Samel 2:25 ပူးပေါင်းရင်းမြစ်များ

Gḭ-Néje 38:10

Nérea lé taa kəm Njesigənea̰ el ndá Njesigənea̰ tɔlee ya tɔ.

Gḭ-Néje 38:7

Er gə́ ŋgondər Juda lé to njemeeyèr kəm Njesigənea̰’g ndá Njesigənea̰ tɔlee.

1 Mbaije 8:31

Ɓó lé dəw kára ra kaiya ɔs ne maree rəw ɓa deḛ ndigi karee pata ubu ne rəa nɛ ɓó lé yeḛ ree ubu rəa no̰ loo-nékinjaməs’g ləi gə́ to mee kəi’g nee ndá,

1 Mbaije 8:32

maji kari oo ta ləa mee dara’g, ra ne né ləm, gaŋg-rəwta lə kuraje ləi ləm tɔ. Dəw gə́ taa wa dəa lé ila ta dəa’g ləm, ar bo̰ nérea ɔs təa’g ya, dəw gə́ ta wa dəa el lé maji kari ra səa gə goo ta gə́ wa dəa lé el ya tɔ.

2 Sôrta Gḭka Israɛlje 10:15

Togə́bè ɓa mbai oo ne ta lə dəwje el mbata Njesigənea̰ ɓa ra togə́bè mba kar ta gə́ yeḛ pa gə ndu Akija, dəw gə́ Silo aree ula Jeroboam, ŋgolə Nebat lé aw ne lée’g béréré ya.

2 Sôrta Gḭka Israɛlje 25:16

Loo gə́ yeḛ aar pata bèe ɓəi ndá Amasia ulá pana: See jeḛ j’undai gə́ njekwɔji-takəmkar lə mbai wa. Ɔd tam’g! See gelee ban ɓa i ndigi kar dee tɔli wa. Njetegginta lé ɔd təa’g ndá pana: Ma m’gər gao Ala wɔji-kwɔji tujii mbata né gə́ i ra neelé ləm, mbata i ndigi koo takwɔji-kəmkàr ləm el ləm tɔ.

Maktub gə́ wɔji dɔ Jɔb 9:33

Dəw gə́ to njekaar dan sí’g Gə́ ila jia dɔ sí’g joo bɔr lé godo.

Pakɔsje 51:16

Ǝi Ala gə́ to Ala gə́ njekajim lé Maji kari ɔr ta kila məs dəw lé dɔm’g Ndá tam a teḛ kila mber ta meekɔrjol ləi.

Pakɔsje 51:4

Néra kori-korije ləm lé Maji kari togo ɔr ndɔs-ndɔs ləm, Maji kari ɔr kaiya ram ndɔs-ndɔs ləm tɔ.

Gosota-Kəmkàrje 13:1

Ŋgon gə́ kəmee àr lé taa tandoo lə bɔbeeje, Nɛ njebeelé lé taa ta gə́ pa ne səa nda̰ el.

Gosota-Kəmkàrje 15:10

Yeḛ gə́ uba kila-rəw gə́ dana ya̰ lé Ndəi a kwá yaa̰ Yeḛ gə́ ə̰ji ta gə́ pa səa bəḭ-bəḭ lé A kwəi.

Gosota-Kəmkàrje 29:1

Dəw gə́ kəm kar dee ndaŋgee nɛ yeḛ uba gwɔbkelkwɔi lé A təd njigi-njigi gə́ léegəneeya kar loo gɔlee a godo.

Njekillamber 3:3

ndɔ tɔl dəwje to keneŋ ləm, ndɔ kaji dəwje to keneŋ ləm tɔ, ndɔ tɔ kəi to keneŋ ləm, ndɔ tel kunda kəi gogo to keneŋ ləm tɔ.

Bula lə Israɛlje 15:30

Nɛ ɓó lé dəw kára, lé’d kojiɓee əsé dəw-dɔ-ɓee ɓa ra né gə́ bɔsɔsɔ unda ne kaaree ndá yeḛ ra bèe ndɔl ne Njesigənea̰, yeḛ neelé d’a kɔree mbuna dəwje’g ləa gə́ kɔr ya.

Tel tura Godndu 1:17

Seḭ a kɔrje kəm dəwje gə mbata lə maji lə dee loo gaŋg rəwta’g lə sí el, seḭ a kooje ta lə dəw gə́ əḭ el gə dəw gə́ boo asəna-na̰: seḭ a ɓəlje dəw kára kara el mbata rəwta-gaŋg lé to ka̰ Ala ya. Tɔɓəi loo gə́ seḭ iŋgaje ta gə́ kədərə yaa̰ gə́ dum sí ndá seḭ a reeje ne rɔm’g gə mba kam m’oo sə sí gée.

Tel tura Godndu 2:30

Nɛ Siho̰, mbai gə́ Esbon lé ndigi kya̰ loo kar sí n’dəsje mee ɓee’g ləa lé el, mbata Ala lə sí gə́ Njesigənea̰ ar ndilee ndəb yèr el ləm, ar mée ndər ləm tɔ gə mba kɔm dee ne ji sí’g to gə́ seḭ ooje ne ɓogənè bèe lé tɔ.

1 Timote 2:5

Tɔgərɔ ya, Ala lé kára ba kiao ləm, gə njekaar dana kára ba kiao ləm tɔ, yeḛ nja ɓa aar ŋgaw dan Ala lé gə dəwje lé,

Ǝbrəje 10:26

Jeḛ gə́ kəm sí inja dɔ kankəmta’g mba̰, ɓó lé jeḛ n’sula rɔ sí sɔgɔ dan kaiya’g lə sí gogo ndá nékinjaməs gə́ raŋg gə́ ka̰ kuga kaiya lé godo.

Ǝbrəje 10:27

Nɛ néngina gə́ to ɓəl kədm-kədm gə́ to rəwta-gaŋg lé ləm, gə pər gə́ o̰ bilim-bilim gə́ a gə kuba njékaltaje naŋg bus roo dee ne ləm tɔ.

Ǝbrəje 7:25

Yee gə́ bèe ɓa, yeḛ askəm kaji ne deḛ gə́ mbɔl dəa ɓa rəm pər gə́ rɔ Ala’g lé, a kaji dee ne kɔr njal mbata yeḛ to njesikəmba saar-saar gə no̰ mba ra rəwta lə dee-deḛ kar dee ya.

Jujé 11:20

Mbata Njesigənea̰ ar meḛ koso-dəwje gə́ neelé ndər siŋ-siŋ mba kar dee rɔ ne gə Israɛlje mba kar Israɛlje tuji dee pugudu-pugudu ɓó d’a koo kəmtondoo lə dee el, to gə́ Njesigənea̰ un ne ndia ar Moyis lé tɔ.

1 Samel 3:14

Gelee gə́ nee ɓa ma man ne rɔm m’ar njémeekəije lə Eli to gə́ nékinjanéməsje əsé nékarje kara d’a kɔr ta néra gə́ kərm-kərm lə njémeekəije lə Eli lé dɔ dee’g pai godo.