1 Samel 2:24 - Maktub gə́ To gə Kəmee

²⁴ Wah! ŋganəmje, ta néje gə́ m’oo lé to majel. Seḭ arje dəwje lə Njesigənea̰ ra kaiya ya.

1 Samel 2:24 ပူးပေါင်းရင်းမြစ်များ

1 Mbaije 15:26

Yeḛ ra né gə́ majel kəm Njesigənea̰’g, yeḛ un dɔ gɔl bɔbeeje ya̰ ne rəa yag dan kaiya gə́ bɔbeeje ar Israɛlje ra tɔ.

1 Mbaije 15:30

gə mbata kaiyaje gə́ Jeroboam ra ləm, gə́ yeḛ gə́ ar Israɛlje kara ra ləm tɔ ndá, ar mee Njesigənea̰, Ala lə Israɛlje ḭ ne səa pu dɔ dee’g tɔ.

2 Mbaije 10:31

Lée togə́bè kara Jehu unda kəmkàr dɔ rəa’g njaa ne gə meendakaḭ goo godndu Njesigənea̰, Ala lə Israɛlje’g el, kaiyaje lai gə́ Jeroboam ar Israɛlje ra lé yeḛ ya̰ goo dee el tɔ.

Teḛ-Raga 32:21

Moyis ula Aaro̰ pana: See ɗi ɓa dəwje neelé ra səi ɓa i ɔr dee ɔm dee ne dan kaiya gə́ boi gə́ bèe wa.

Malasi 2:8

Nɛ seḭ lé seḭ ubaje rəbee ya̰je ləm, seḭ arje godndu lé tel to nétuga gɔl lə dəwje bula kar dee d’oso ləma, seḭ tujije manrɔ ka̰ Ləbi ləm tɔ. Njesigənea̰ gə́ njeboo-néje lé pa bèe.

Matiyo 18:7

Némeeko̰ a ra dəwje dɔ naŋg nee mbata némeekɔsgelje lə dee. Lé riri kara némeekɔsgelje lé d’a to ya nɛ meeko̰ a ndər di-di dɔ njekunda ginee’g.

Néra Njékaḭkulaje 6:3

Bèe ndá ŋgako̰ síje, maji kar sí ɔrje diŋgamje siri mbuna sí’g, deḛ gə́ dəwje d’ɔr ta lə dee maji ləm, gə́ Ndilmeenda taa meḛ dee pəl-pəl ləma, gə́ to gə́ njékəmkàrje ləm tɔ lé mba kar sí j’ɔm kula neelé ji dee’g.

2 Njé gə́ Kɔrḭtə 6:8

Jeḛ nduba rɔ sí kà əsé jeḛ ndəm rɔ sí səm ləm, deḛ ɓar ri sí gə́ majee əsé majel ləm tɔ. Jeḛ n’to kankəm dəwje ya nɛ deḛ d’oo sí gə́ njéŋgɔmje ləm,

1 Timote 3:7

Maji kar dəwje gə́ to njétaamee-Kristije el kara d’ɔr ta ləa maji ɓa, nà banelə d’a kila rɔkul dəa’g karee oso ne dan gumje’g lə njekurai lé.

2 Piɛrə 2:18

Deḛ d’un ta beeléje pa ne ta gə goo kaiya ra dee gə́ ula pər meḛ dee’g ɓa su ne kəm deḛ gə́ d’unda loo rad dan dəwje gə́ d’isi ndəm lé teḛ ya.

3 Ja̰ 1:12

Dəwje lai d’ɔr goo ta lə Demetriyus maji ləm, néreaje lai gə́ wa bua kankəmta lé ɔr ta ləa maji ləm tɔ. Jeḛ kara jeḛ j’ɔr goo ta ləa gə́ majee ya ndá i gər gao takɔr lə sí lé to kankəmta ya.

Loo gə́ killa rea kəm Ja̰’g 2:20

Nɛ né kára gə́ ɓee ləi gə́ taa kəm el lé m’ila taree dɔi’g, i ar Jejabel nai rɔi’g ɓəi, to dené gə́ ɓar ria gə́ njekɔrgoota lé, i yá̰ keneŋ aree ndoo kuraje ləm ləm, aree sula dee ləm tɔ, ar dee d’ya̰ rɔ dee d’ar mɔdkaiya ləm, ar dee d’usɔ da gə́ d’inja gə́ məs d’ar magəje ləm tɔ.

1 Samel 2:17

Basaje neelé d’ar ta kaiya gə́ boo wa dɔ dee no̰ Njesigənea̰’g mbata néra dee ar dəwje d’ə̰ji ne nékarje lə Njesigənea̰ gə́ kḛji.

1 Samel 2:22

Eli ɓuga yaa̰ ndá yeḛ oo ta néra ŋganeeje gə́ dee ra kəm Israɛlje’g bura lé ya. Yeḛ oo to gə́ deḛ to gə denéje gə́ mbo̰ dɔ na̰ tarəw kəi-kubu-kiŋga-na̰’g tɔ.

1 Samel 2:23

Yeḛ pa sə dee pana: See gelee ban ɓa seḭ raje ne néje gə́ togə́bè lé wa. Mbata m’oo taree ta dəwje’g bula gə́ pata néra majelje lə sí lé ya.