1 Samel 2:18 - Maktub gə́ To gə Kəmee

¹⁸ Samel ra kula no̰ Njesigənea̰’g. Ŋgon neelé ula kubu gə́ ŋgal gə́ d’ṵji gə kúla palégal rəa’g.

1 Samel 2:18 ပူးပေါင်းရင်းမြစ်များ

2 Samel 6:14

Dabid ndam gə siŋgarea bura no̰ Njesigənea̰’g ləm, yeḛ tɔ kubu gə́ d’ṵji gə kúla palégal ɓa rḛgee’g ləm tɔ.

1 Sôrta Gḭka-Israɛlje 15:27

Dabid ula kubu gə́ d’ṵji gə kúla palégal rəa’g, Ləbije lai gə́ d’odo sa̰duk-manrɔ ləm, gə njékɔspaje ləma, gə Kenania gə́ to njekɔrno̰ njékim néje mbuna njékɔspaje’g ləm tɔ kara d’ula kubuje gə́ togə́bè rɔ dee’g tɔ. Dabid ula kubu gə́ d’ṵji gə kúla palégal gə́ wɔji dɔ njékinjanéməsje rəa’g tɔ.

Teḛ-Raga 28:4

Aa oo, kubuje gə́ d’a ra ɓa to nee: ɓɔl kubu gə́ tɔ kaar dee’g ləm, épod ləm, kubu gə́ ŋgal yududu ləm, gə kubu gə́ gel maree’d gə́ d’ɔs gə ŋgaŋgee béréré-béréré ləm, gə dɔgugu ləma, gə gagəra ləm tɔ. D’a ra kubuje gə́ to gə kəmee mbata lə ŋgokɔḭ Aaro̰ gə ŋganeeje gə́ diŋgam mba kar dee ra ne kula gə́ wɔji dɔ nékinjaməs lé kam.

Ləbije 8:7

Yeḛ ula kubu gə́ ŋgal yududu rɔ Aaro̰’g ndá yeḛ wa dɔ kubu lé gə ndar ləm, yeḛ tel ula kubu gə́ ŋgal yududu dɔ maree’g rəa’g ləm, yeḛ ula kubu gə́ ɓaree épod rəa’g ndá wa dəa gə gagəra gə́ wɔji dɔ épod gə́ yeḛ ula rəa’g ləm tɔ.

1 Samel 14:3

Akija, ŋgolə Akitub, ŋgoko̰ I-Kabod gə́ to ŋgolə Pines gə́ to ŋgolə Eli, njekinjanéməs lə Njesigənea̰ loo gə́ Silo’g lé ula kubu épod rəa’g. Njérɔje lé gər to gə́ Jonatan teḛ aw el.

1 Samel 2:11

Elkana tel aw mee kəi’g ləa gə́ Rama ndá ŋgon lé ra kula lə Njesigənea̰ no̰ Eli’d gə́ to njekinjanéməs lé.

1 Samel 2:28

To ma nja m’ɔree mbuna ginkoji’g lə Israɛlje lai mba karee to njekinjanéməs ləm ləm, mba karee aw loo-nékinjaməs’g ləm ləm, mba karee roo né gə́ ə̰də sululu ləma, mba karee ula kubu épod kaar ne no̰m’g ləm tɔ. Tɔɓəi ma nja m’ar ŋgaka bɔbije lé nékinjanéməsje lai gə́ ka̰ roo gə́ Israɛlje d’un d’ar lé tɔ.

1 Samel 22:18

Togə́bè ɓa mbai tel ula Doɛg pana: Tel kəmi tɔl njékinjanéməsje lé. Ndá Doeg, dəw gə́ Edɔm lé tel kəmee ndá yeḛ nja tɔl njékinjanéməsje lé. Mee ndəa’g neelé yeḛ tɔl dee rɔ-jinaijoo-gir-dee-mi gə́ d’ula épod gə́ ra gə kúla palégal rɔ dee’g lé.

1 Samel 3:1

Samel, ŋgon basa lé ra kula lə Njesigənea̰ no̰ Eli’g. Mee ndəaje’g neelé Njesigənea̰ ula dəwje ta ta-ta el ləm, némḭdije kara teḛ ta-ta el ləm tɔ.