1 Samel 2:14 - Maktub gə́ To gə Kəmee

¹⁴ Ndá yeḛ tɔs ne né mee jo-pər’g ləm, mee ŋgoro-pər’g ləm, mee jo-muru’g ləma, gə mee jo gə́ boi’g ləm tɔ. Né gə́ rara gə́ karmbi-lar gə́ təa tɔ jàn ɔs un ndá njekinjanéməs lé taa gə́ né kea̰-yeḛ nja. Yee ɓa gə́ néra gə́ deḛ ra kəm Israɛlje’g lai gə́ ree loo gə́ Silo’g lé.

1 Samel 2:14 ပူးပေါင်းရင်းမြစ်များ

Esai 56:11

Deḛ lé to gə́ bisije gə́ mal sɔ né ra dee Nɛ nésɔ as dee el, Deḛ to gə́ njékulbadje gə́ gər né kára el, Deḛ lai njaa goo torndu dee-deḛ’g ya, Ar nana kara ra né gə mba kiŋga ne né Gə́ wɔji dəa-dəa ya goo kára ba kiao.

Ləbije 7:34

Mbata mbuna nékinjaməs gə́ ka̰ kɔm na̰’d gə́ Israɛlje d’a gə kinja lé ma nja m’un ndum mba kar kaar daje gə́ d’ula gə́ yo gə́ nee ləm, gə biŋgee gə́ deḛ d’ula ndiŋ gə́ tar ləm tɔ lé d’a to ka̰ Aaro̰ gə́ to njekinjanéməs gə ŋganeeje gə goo godndu gə́ to gə no̰ gə́ Israɛlje d’a ra lé ya.

Misee 3:3

Deḛ d’usɔ dakasrɔ koso-dəwje ləm ləm, Deḛ tusu ndar dee ləm, Deḛ təd siŋga dee ləma, Deḛ gaŋg dee dana ɗuguru-ɗuguru To gə́ naḭ gə́ ndiri mee ŋgoro’g bèe ləm To gə́ da gə́ d’ɔb gə əb bèe ləm tɔ.

Malasi 1:10

See na̰ ɓa mbuna sí’g a kudu tarəwje mba kɔg sí kar sí yelje pər loo-nékinjaməs’g ləm wa. Ma m’iŋga rɔlel kára kara rɔ sí’g el, Njesigənea̰ gə́ njeboo-néje lé pa bèe. Nékarje gə́ to ji sí’g kara taa kəm el ŋga.

1 Samel 2:13

Aa ooje, goso néra lə dee-deḛ njékinjanéməsje gə́ ra gə koso-dəwje lé ɓa nee: Loo gə́ dəw aar inja nékinjaməs ndá léegəneeya kura lə njekinjanéməs lé ree loo gə́ d’aar ndiri dakasee lé. Yeḛ wa karmbi-lar gə́ təa tɔ munda jia’g tɔ.

1 Samel 2:15

Kédé ɓa gə mba kar dee roo ubu nékinjaməs lé ɓəi kara kura lə njekinjanéməs ree dəji yeḛ gə́ ree gə nékinjaməs lé pana: Am dakas da gə́ ka̰ nuŋga kar njekinjanéməs lé. Mbata yeḛ lé a taa dakas da gə́ ndiri jii’g el nɛ dakasee gə́ lal ndiri ɓa.

1 Samel 2:29

Nékinjaməsje gə nékarje ləm gə́ m’un ndum m’ar dee ree ne mee kəi-sim’g lé see ban ɓa seḭ tuba deeje gə gɔl sí wa. See gə mba ɗi ɓa i ula rɔnduba dɔ ŋganije’g undam-ma, ar sí taaje ne néje gə́ doŋgɔr gə́ dəwje ləm gə́ Israɛl d’un lé d’ar sí-seḭ ərje ne ndɔl-ndɔl wa.