1 Samel 2:12 - Maktub gə́ To gə Kəmee

¹² Ŋgalə Eli lé to njéra néje gə́ kori-kori ləm, deḛ gər Njesigənea̰ el ləm tɔ.

1 Samel 2:12 ပူးပေါင်းရင်းမြစ်များ

1 Mbaije 21:10

Tɔɓəi undaje dəwje gə́ njémeeyèrje joo nea̰’g mba kar dee d’ɔm ta dəa’g no̰ koso-dəwje’g pa ne pana: Yeḛ ila ndɔl dɔ Ala’g lé ləm, gə ila ndɔl dɔ mbai’g ləm tɔ! Tɔɓəi oreeje gə́ raga, tiláje gə kɔri-ər tɔleeje.

1 Mbaije 21:13

Dəwje gə́ njémeeyèrje gə́ joo lé ree d’isi no̰ Nabot’g ndá deḛ d’ɔm ta dəa’g kəm koso-dəwje’g pana: Nabot ila ndɔl dɔ Ala’g lé ləm, gə dɔ mbai’g ləm tɔ. Bèe ɓa deḛ ndɔree d’aw səa gir ɓee-boo’g tilá gə kɔri-ər tɔlee ya tɔ.

Jeremi 2:8

Njékinjanéməsje kara dəji ta bèe pana: See Njesigənea̰ si ra wa el ləm, Njégər gin godnduje gərm el ləm, Njékɔrno̰ dəwje to majikojije el ləm, Njéteggintaje tegginta gə ri magə-Baal ləma, Deḛ d’aw goo deḛ gə́ D’askəm la sə dee el ləm tɔ.

Jeremi 22:16

Yeḛ gaŋg rəwta lə njenékəmndoo Gə yeḛ gə́ né lalee gə goo rəbee, Ndá yeḛ si ne dan rɔlel’g. Njesigənea̰ pana: See néra gə́ togə́bè ɓa gə́ gər neḛ el wa.

Jeremi 9:3

Maji kar nana kara unda kəmkàr dɔ rəa’g Rɔ baokura’g ləa ləm, Maji kar dəw ɔm mée Dɔ ŋgokea̰’g kára kara el ləm tɔ, Mbata ŋgako̰ na̰je lai saŋg loo su kəm na̰ ləm, Baokuraje lə na̰ lai To gə́ njétəd ta kunda ta na̰’dje ləm tɔ.

Jeremi 9:6

Gelee gə́ nee ɓa Njesigənea̰ gə́ njeboo-néje Pa ne togə́bè pana: Aa ooje, m’a kur meḛ dee Gə mba naa dee. See ɗi gə́ raŋg tɔɓəi ɓa M’a ra gə koso-dəwje ləm ɓəi wa.

Ejekel 22:26

Njékinjanéməsje lə dee d’al dɔ godnduje lə neḛ d’ila ne ndɔl dɔ looje’g lə neḛ gə́ to gə kəmee ləm, deḛ d’ɔr kəm né gə́ to gə kəmee gə né gə́ ndɔl wa dəa ɓəd el ləm, deḛ d’ar dəwje gər loo to ɓəd lə né gə́ mina̰ gə né gə́ àr lé el ləm, deḛ d’un kəm dee rəw dɔ ndɔ-kwa-rɔ’g lə neḛ ləma, d’ar neḛ n’to né gə́ ndɔl wa dəa mbuna dee’g ləm tɔ.

Tagə́maji gə́ Ja̰ ndang 16:3

D’a ra togə́bè mbata deḛ gər Bɔ-dəwje lé el ləm, deḛ gərm-ma lé el ləm tɔ.

Tagə́maji gə́ Ja̰ ndang 17:3

Gər ndaai-i Ala gə́ gəd kára ba kiao ləm, gə gər ndaa Jeju Kristi gə́ i ulá lé yee ɓa gə́ kəmə gə́ gə no̰ lé ya.

Tagə́maji gə́ Ja̰ ndang 8:55

nɛ seḭ lé seḭ gəreeje el. Ma lé ma m’gəree gao, ɓó lé ma m’pana: Ma m’gəree el ndá m’a to gə́ njeŋgɔm to gə́ seḭ bèe tɔ. Nɛ ma m’gəree gao ləm, m’aa dɔ ta ləa kər-kər ləm tɔ.

Njé gə́ Rɔmə 1:21

mbata deḛ gər Ala lé gao ya nɛ rɔnduba gə́ wɔji dəa lé d’ula dəa’g el ləm, deḛ rəa oiyo el ləm tɔ. Takə̰ji lə deḛ gə́ gə mḭdé ba lé uru dee wala ləm, kəmkàr gə́ godo meḛ dee’g lé ar meḛ dee ndul ne njudu-njudu ləm tɔ.

2 Njé gə́ Kɔrḭtə 6:15

See Kristi a kɔm na̰’d gə Belial’g loo gə́ ra wa. Majikojije gə deḛ gə́ to gə́ majikojije el lé see né lə dee a to gə́ na̰’d loo gə́ ra wa.

Tel tura Godndu 13:13

Ɓó lé seḭ ooje ta gə́ wɔji dɔ ɓee-boo kára mbuna ɓee-booje’g Ala lə sí gə́ Njesigənea̰ ar sí gə mba kar sí síje keneŋ lé pana:

Tel tura Godndu 13:14

Dəwje gə́ njéra né kori-korije d’unda loo mbuna sí’g teḛ gə mba su kəm dəwje gə́ ɓee-boo’g lə dee pana: Ar sí j’awje j’aw m’poleje magəje gə́ seḭ gər deeje kédé el ndá

Njéga̰g-Rəwtaje 19:22

Loo gə́ d’isi d’al rɔ dee bèe-bèe ndá aa ooje, dəwje gə́ mee ɓee-boo’g nee gə́ to njéra nékɔbje ree gugu dɔ kəi sub d’unda tarəwkəi d’ula bai-diŋgam gə́ njekəi lé pana: Teḛ gə dəw gə́ andə kəi ləi neelé mba kar sí n’toje səa.

Njéga̰g-Rəwtaje 2:10

Tɔɓəi Israɛlje gə́ to ginkojije gə́ d’isi dɔ naŋg nee mee ndəa gən lé d’wəi lai ndá njékorè goo deeje gə́ gər Njesigənea̰ el ləm, gə gər né gə́ yeḛ ra mbata lə Israɛlje el ləm lé tɔ ɓa d’ḭ taa tor dee.

1 Samel 10:27

Nɛ lé bèe kara dəwje gə́ njémeeyèrje gə́ d’isi keneŋ pana: Yen gə́ ɗi bèe wa. Dəw gə́ nee ŋga a taa dɔ sí wa! Yee ɓa deḛ d’ə̰jee ne bəḭ-bəḭ ndá d’un né kára kara d’wa ne səa noji el. Nɛ Sawul oo gə́ né el tɔ.

1 Samel 25:17

Ɓasinè, maji kari ə̰ji maji oo né gə́ kəm kari ra mbata tuji lə ɓée síje gə njémeekəije ləa lai lé to né gə́ d’wa dɔ gɔlee mba̰ nɛ yeḛ lé to njemeeyèr gə́ dəw oo loo kulá ta el.

1 Samel 3:13

Ma m’ulá təsərə to gə́ m’a gə kar bo̰ néra njémeekəije ləa ɔs ta dee’g gə no̰ mbata yeḛ oo néra gə́ kərm-kərmje lə deḛ gər gao, to néra ŋganeeje gə́ ar dəwje d’ə̰ji dee ne gə́ kḛji nɛ yeḛ lal ndaŋg dee dɔ’g lé.

1 Samel 3:7

Samel gər Njesigənea̰ el ɓəi ləm, ta lə Njesigənea̰ ya kara inja kəmee’g el ɓəi ləm tɔ.