1 Samel 2:10 - Maktub gə́ To gə Kəmee

¹⁰ Njéba̰je lə Njesigənea̰ lé D’a kunda bala. Yeḛ a kar ndi ḭ mee dara gə́ tar Mba ndaŋ dɔ dee’g: Njesigənea̰ a gaŋg rəwta Kun ne rudu naŋg nee lad. Yeḛ a kar mbai ləa siŋgamoŋ, Yeḛ a kar siŋgamoŋ lə yeḛ gə́ yeḛ wa dəa gə́ ubu lé Ḭ dɔ maree’d gə́ kédé-kédé.

1 Samel 2:10 ပူးပေါင်းရင်းမြစ်များ

2 Samel 22:14

Njesigənea̰ ar ndi ndaŋg mee dara’g, Njekurdɔloo’g ar ndia ɓar wəl-wəl.

2 Samel 7:13

Yeḛ nja ɓa a ra kəi gə mba rim ləm, tɔɓəi m’a kar kalimbai ɓeeko̰ ləa to njaŋg saar gə no̰ ləm tɔ.

2 Samel 7:8

Ɓasinè i a kula kura ləm Dabid pana: Njesigənea̰ gə́ njeboo-néje pa togə́bè pana: To ma ɓa m’ɔri goo badje’g loo-ko̰-mu’g lə dee mba kari to mbai dɔ koso-dəwje ləm gə́ Israɛl ya.

Maktub gə́ wɔji dɔ Jɔb 40:9

See kag-jii ɓar mèr-mèr to gə́ ka̰ Ala wa. Esé see ndui ɓar to gə́ kea̰-yeḛ wa.

Pakɔsje 132:17

Lée neelé n’a kar siŋgamoŋ lə Dabid ḭ dɔ maree’d gə́ kédé-kédé ləm, N’a kwa dɔ gɔl pərndɔ kar yeḛ gə́ n’wa dəa gə ubu lé ləma,

Pakɔsje 148:14

Yeḛ ar siŋga koso-dəwje ləa tel ḭ dɔ maree’g, Yee ɓa gə́ népidi mbata lə majikojije ləa lai ləm, Mbata lə Israɛlje gə́ d’isi mbɔree’g dəb ləm tɔ. Maji kar sí pidije Njesigənea̰ ya.

Pakɔsje 2:2

Mbaije gə́ dɔ naŋg nee d’wa dɔ gɔl rɔ dee ləm, Njéko̰ɓeeje kara d’ɔm sə dee na̰’d ləm tɔ D’ḭ ne gə Njesigənea̰ gə yeḛ gə́ yeḛ wa dəa gə ubu lé.

Pakɔsje 2:6

Yeḛ pana: Yeḛ gə́ n’undá gə́ mbai lé Neḛ nja n’wa dəa gə ubu. Dɔ mbal’g lə neḛ gə́ Sio̰ gə́ to gə kəmee doi!

Pakɔsje 2:9

M’a təd dee rém-rém gə kag-lar ləm, M’a tɔ dee pɔs-pɔs to gə́ tɔ ne jo lə njékubajoje bèe ləm tɔ.

Pakɔsje 20:6

Jeḛ j’a kal rɔ sí mbata kaji ləi, Nékun-baŋga lé j’a kun tar gə ri Ala lə sí tɔ, Néje lai gə́ i ndiŋga lé Njesigənea̰ a ndigi səi dɔ’g.

Pakɔsje 20:7

Ɓasinè ma m’gər gao, Njesigənea̰ aji yeḛ gə́ yeḛ wa dəa gə ubu, Yeḛ a koo ndia mee dara gə́ to loo-siée gə́ to gə kəmee doi ləm, Yeḛ a la səa gə jikɔl siŋgamoŋ ləa ləm tɔ.

Pakɔsje 21:1

Pa lə Dabid gə́ ar bao-pa mba karee ɔs sə dee lé.

Pakɔsje 28:8

Njesigənea̰ to siŋga koso-dəwje ləa ləm, Yeḛ to biri mbal gə́ njetaa dɔ yeḛ gə́ yeḛ wa dəa gə ubu lé ləm tɔ.

Pakɔsje 45:7

Ǝi Ala, kalimbai ləi lé to saar gə no̰, Kag-mbai gə́ ka̰ ko̰ɓee ləi lé to kag-mbai gə́ ka̰ meekarabasur lé.

Pakɔsje 89:17

Deḛ d’al rɔ dee gə rii gə́ kédé-kédé ləm, Ta ləi gə́ to gə dɔ najee lé kara Deḛ nduba ne rɔ dee ká ləm tɔ.

Pakɔsje 89:24

Deḛ gə́ d’oma̰ səa lé N’a rəd dee naŋg nea̰’g ləm, N’a kunda deḛ gə́ d’ə̰jee bəḭ-bəḭ lé ya ləm tɔ.

Pakɔsje 89:25

Meenda londoŋ lə neḛ gə meemaji lə neḛ a nai səa ya, Ri neḛ lé ɓa a kar siŋgá ḭ ne dɔ maree’g.

Pakɔsje 96:13

No̰ Njesigənea̰’g mbata yeḛ si ree ya, Yeḛ ree gə mba gaŋg rəwta dɔ naŋg nee, Yeḛ a gaŋg rəwta gə dɔ najee dɔ naŋg nee ləm, Yeḛ a gaŋg rəwta lə dəwje gə goo meenda londoŋ ləa ləm tɔ.

Pakɔsje 98:9

No̰ Njesigənea̰’g ya, Mbata yeḛ ree gə mba gaŋg rəwta dɔ naŋg nee ya. Rəwta-gaŋg gə́ yeḛ a gaŋg dɔ dəwje gə́ dɔ naŋg neelé Yeḛ a gaŋg gə goo meekarabasur ya ləm, Ka̰ koso-dəwje lé kara Yeḛ a gaŋg gə dɔ najee ya ləm tɔ.

Teḛ-Raga 15:6

Ǝi Njesigənea̰, jikɔli tɔji loo-siŋgamoŋ ləi ləm, Ǝi Njesigənea̰, jikɔli ɓa rəd njéba̰je ləi lé naŋg mbə̰ji-mbə̰ji ləm tɔ.

Njekillamber 11:9

I basa lé maji kari al rɔi loo nai basa’g ləi ləm, ya̰ məəi ar rɔlel mee ndɔje lai gə́ i to ne gə́ basa lé ləm, njaa gə goo rəwje gə́ məəi wɔji ləma, gə goo loo gə́ kəmi oo lé ləm tɔ. Nɛ maji kari gər gao to gə́ néje lai neelé Ala a gə kar dee ree dɔi’g loo-gaŋg-rəwta’g ya ɓəi.

Njekillamber 12:14

Mbata Ala a ree gə kula ra síje lai loo-gaŋg-rəwta’g kwɔji ne dɔ néje lai gə́ to loo-ŋgəḭ’g lé, lé to né gə́ maji əsé né gə́ majel ya kara ləm tɔ.

Esai 29:6

Ndá Njesigənea̰ gə́ njeboo-néje a ree rɔi’g Gə ndije gə́ ndaŋg ləm, Gə́ naŋg gə́ yə ɓugu-ɓugu ləm, Gə kaa né gə́ ɓar gə́ to ɓəl kədm-kədm ləm, Gə ko̰ ndi gə lel-boo ləma, Gə ndo̰ pər gə́ roo loo dula-dula ləm tɔ.

Esai 32:1

Togə́bè mbai a ko̰ɓee gə néra gə́ gə dɔ najee ləm, Mbaije kara d’a ko̰ɓee gə goo rəbee ləm tɔ.

Esai 45:24

Dəwje d’a kulam pana: Néra gə́ danasur gə siŋgamoŋ lé To rɔ Njesigənea̰’g ya kára ba ɓa. Deḛ lai gə́ meḛ dee ḭ sə dee pu dəa’g lé D’a tel ree rəa’g ndá Rɔkul a ra dee.

Ejekel 29:21

Mee ndəa’g neelé n’a kar siŋga gel-bɔje lə Israɛl ḭ dɔ maree’g ləm, n’a kari teḛ tai pata dan dee’g ləm tɔ. Bèe ɓa d’a gər ne to gə́ neḛ n’to Njesigənea̰ lé ya.

Matiyo 25:34

Yen ŋga, mbai a ree kula deḛ gə́ d’isi dɔ jikɔlee’g lé pana: Seḭ gə́ Bɔm tɔr ndia dɔ sí’g lé ree taaje ɓee o̰je, to ɓeeko̰ gə́ d’wa dɔ gɔlee d’wɔji ne dɔ sí ndɔ gə́ d’un kudu tum ne gin naŋg neelé ya.

Matiyo 28:18

Jeju ree pər gə́ rɔ dee’g ula dee pana: Ma lé d’ula dɔmoŋ dɔm’g mba karm m’to dəw dɔ néje lai dara gə dɔ naŋg nee tɔ.

Lugu 1:69

Yeḛ nja ɔr njekaji sí gə́ njesiŋgamoŋ Mbuna ŋgaka Dabid gə́ to kura ləa lé ar sí,

Lugu 19:27

Ges ta gə́ nai ɓa nee: Njéba̰je ləm gə́ ndigi karm m’o̰ ɓee dɔ dee’g el lé wa deeje gə́ nee amje ndá tɔl deeje kəm’g nee ya.

Néra Njékaḭkulaje 10:38

Seḭ gərje gao, Ala lé ar siŋgamoŋ lə Ndilmeenda ɔm dɔ Jeju gə́ Najaret’g lé aree aw gə loo-loo ra ne néje gə́ maji ləm, aree aji ne deḛ lai gə́ d’isi gin ɓee’g lə njekurai’g lé ləm tɔ mbata Ala lé nai səa ya.

Néra Njékaḭkulaje 4:27

Tɔgərɔ ya Herɔdə gə Po̰sə Pilatə d’ɔm na̰’d téréré gə ginkoji dəwje gə raŋg gə Israɛlje gə́ mee ɓee’g neelé mba kḭ gə kura ləi Jeju gə́ i wa dəa gə ubu ɔree unda ne gə kəmee doi lé ya

2 Njé gə́ Kɔrḭtə 5:10

Mbata lé riri kara jeḛ lai j’a kaarje loo gaŋg-rəwta’g lə Kristi, ɓó gə mba kar nana kara a kiŋga né gə́ wɔji dɔ maji əsé gə majel gə́ yeḛ ra loo gə́ yeḛ nai ne gə darəa ɓəi lé.

Njéga̰g-Rəwtaje 5:31

Ǝi Njesigənea̰, ar njéba̰je ləi lai d’udu togə́bè ya. Deḛ gə́ d’undai dan kəm dee’g lé Ar dee to d’asəna gə kàr bèe Loo gə́ yee teḛ ɔs keḭ-keḭ. Yen ŋga ɓee lé to lɔm as ləb rɔ-sɔ ya.

1 Samel 12:13

Ɓasinè aa ooje, mbai gə́ seḭ oreeje ləm, dəjije ləm tɔ lé aa’n. Aa ooje, Njesigənea̰ unda gə́ mbai dɔ sí’g ya.

1 Samel 12:17

See jeḛ j’isije naḭ kinja koje’g ŋga el wa. M’a dəji Njesigənea̰ ndá yeḛ a k’ar ndi ndaŋg ləm, gə ndi a kər ləm tɔ. Maji kar sí gərje, maji kar sí ooje to gə́ dəji gə́ seḭ dəjije mbai lé to né gə́ kəm ra kəm Njesigənea̰’g el.

1 Samel 12:18

Samel dəji Njesigənea̰ ndá Njesigənea̰ ar ndi ndaŋg ləm, gə ndi ər ləm tɔ mee ndəa gən ya. Koso-dəwje lai ɓəl Njesigənea̰ gə Samel kədm-kədm.

1 Samel 12:3

Ma ya m’aar nee! Ɔrje goo néramje no̰ Njesigənea̰’g ləm, gə no̰ yeḛ’d gə́ yeḛ wa dəa gə ubu lé ləm tɔ. See na̰ ɓa m’taa maŋg ləa əsé na̰ ɓa m’taa mulayḛ̀je ləa wa. See na̰ ɓa m’ula kəmee ndòo əsé m’ra səa né gə́ kədərə wa. See na̰ ɓa m’taa né jia’g ɓa m’un ne kəm dəa’g wa. Ndá m’a tel ne kar sí ya.

1 Samel 15:28

Ndá Samel ulá pana: Ɓogənè, Njesigənea̰ wa ɓeeko̰ lə Israɛlje jii’g wɔgədɔ ɔr ndá yeḛ ar mari gə́ raŋg gə́ maji undai lé gə́ né kea̰ yeḛ ya tɔ.

1 Samel 16:1

Njesigənea̰ ula Samel pana: See ndɔ gə́ ra ɓa i a kəw rɔi no̰ gə mba Sawul wa. Ma m’ubá m’yá̰ gə mba karee o̰ ɓee dɔ Israɛlje’g el ŋga. Ɔm ubu ku-gaji-da’g ləi aree rusu ndá aw: m’a kulai ɓee lə Isai, dəw gə́ Betlehem, mbata ma m’oo ŋgon kára gə́ mbuna ŋganeeje’g, yeḛ gə́ ma m’ndigi karee to mbai lé.

1 Samel 7:10

Loo gə́ Samel si inja nékinjaməs gə́ ka̰ roo lé bèe-bèe ndá Pilistije d’ɔr rɔ d’aw ɓee lə Israɛlje kaw rɔ sə dee. Njesigənea̰ ar ndi ndaŋg dɔ Pilistije’g mee ndəa gən ar dee d’ila rima-rima rəw kaw dee’g. Bèe ɓa Israɛlje dum dee ne ya.