1 Samel 19:5 - Maktub gə́ To gə Kəmee

⁵ Yeḛ ila rəa da tɔl ne dəw gə́ Pilisti ar Njesigənea̰ ra ne né gə́ boo taa ne dɔ Israɛlje. I oo gao, i ra rɔlel dɔ’g ya tɔ. See gelee ban ɓa i a ra kaiya kila ne məs yeḛ gə́ ta wa dəa el ləm, a kar dee tɔl Dabid lal né gə́ bèe ləm tɔ ɓəi wa.

1 Samel 19:5 ပူးပေါင်းရင်းမြစ်များ

2 Samel 23:10

Yeḛ lé ḭ ndá tɔl Pilistije saar ar jia wəi pirig ləm, ar jia tia̰ kul-kiambas’g ləa ləm tɔ. Njesigənea̰ ra né gə́ boo ɔm dee ne tar mee ndəa’g neelé. Koso-dəwje tel ree goo Eləajar’g mba kodo nébanrɔje ba.

1 Sôrta Gḭka-Israɛlje 11:14

Deḛ d’aar naŋg ŋgaw dan loo-ndɔ’g lé d’aḭ bada dɔ’g ləm, deḛ tɔl Pilistije ləm tɔ. Ndá Njesigənea̰ aji dee ar dee dum dɔ dee gə boo-siŋgamoŋ ləa ya.

1 Sôrta Gḭka-Israɛlje 11:18

Yen ŋga bao-rɔje munda dəs dan mee loo-si njérɔje’g lə Pilistije d’aw to mán gə́ to mee bwa-mán gə́ to tarəwkɔg’d lə ɓee gə́ Betlehem lé. Deḛ tel ree ne d’ar Dabid. Nɛ Dabid ndigi kai mán lé el ndá yeḛ tər naŋg no̰ Njesigənea̰’g tɔ.

Pakɔsje 109:5

Deḛ ra səm majel godə maji gə́ m’ra sə dee’g ləm, Deḛ d’ḛjim bəḭ-bəḭ tor kunda gə́ m’unda dee dan kəm’g ləm tɔ.

Pakɔsje 119:109

M’isi ta tuji’g ta-ta Nɛ m’ar məəm wəi dɔ godndui’g lé el.

Pakɔsje 25:3

Deḛ lai gə́ d’unda meḛ dee yel dɔi’g lé Rɔ dee a kul el, Deḛ gə́ d’un dɔ mar deeje gə́ sḭ lé Deḛ nja rɔkul a dəb dɔ dee’g.

Pakɔsje 69:4

Ma lé m’no̰ m’sané siŋgam ləm, Rəw gwɔsm gə́ kəi tudu kurum-kurum ləma, Kəm kara tel ndul kɔl-kɔl ləm tɔ Loo gə́ m’aa ne loo gə́ par gə́ rɔ Ala’g lé ləm lé.

Pakɔsje 94:21

Deḛ lé d’wa dɔ na̰ mba tɔl njemeekarabasur ləm, Deḛ gaŋgta dɔ yeḛ gə́ ta wa dəa’g el lé ləm tɔ.

Teḛ-Raga 14:13

Moyis ila koso-dəwje keneŋ pana: Ɓəlje el, aarje loo kaar sí’g mba kooje ne kaji lə Njesigənea̰ gə́ yeḛ a gə kaji sí kɔm sí ne tar mee ndɔ gə́ ɓogənè lé, mbata njé gə́ Ejiptə gə́ seḭ oo deeje ɓogənè neelé seḭ a koo deeje gogo el ŋga.

Jeremi 26:15

Nɛ ooje maji, ɓó lé seḭ tɔlmje ndá seḭ taaje məs yeḛ gə́ ta wa dəa el lé ilaje dɔ sí-seḭ’g ya ləm, gə dɔ ɓee-boo’g nee ləma, gə dɔ njé gə́ d’isi keneŋ ləm tɔ, mbata tɔgərɔ ya, Njesigənea̰ ulam rɔ sí’g mba karm m’ila taje lai neelé mbi sí’g ya.

Matiyo 27:24

Loo gə́ Pilatə oo ndá lé dumee təs mbata dəwje d’unda bula yi-yi ndá yeḛ taa mán togo ne jia kəm boo-dəwje’g neelé tel ula dee pana: Məs njemeekarabasur neelé ma m’ɔr dɔm’g mbɔji mba̰. To ta gə́ dɔ sí-seḭ’g ya ŋga.

Matiyo 27:4

ula dee pana: Ma lé m’ra kaiya, ma m’ila ne məs njemeekarabasur naŋg. Deḛ tel d’ilá keneŋ pana: See ta ri lə síjeḛ ɓəi ɓa to keneŋ wa. To ta ləi i nja ŋga.

Tagə́maji gə́ Ja̰ ndang 15:25

Nɛ yee gə́ neelé teḛ togə́bè gə mba kar ta gə́ ndaŋg mee maktub godndu’g lə dee lé aw ne lée’g béréré ya, mbata ndaŋg pana: Deḛ d’ə̰jim bəḭ-bəḭ lal né gə́ bèe tɔ.

Néra Njékaḭkulaje 20:24

M’ra né kára kara gə mba taa ne rɔm el ləm, m’oo rɔm gə́ né gəd kəm dɔ’g el ləm tɔ. Né gə́ wa məəm lé kɔr suna rəw ləm gə meendakaḭ ləm, gə tɔl ta kula gə́ Mbaidɔmbaije Jeju ɔm jim’g, am m’ula dee ne tagə́maji gə́ wɔji dɔ noji lə Ala lé ləm tɔ lé yee ɓa gə́ né gə́ wa məəm ya.

Njé gə́ Pilibə 2:30

Mbata kula lə Kristi ɓa ta yée nai ne tebdé bèe gə mbəa, yeḛ ya̰ rəa ar yoo mba nai ne gə́ darɔ sí-seḭ rɔm’g, tɔl ne ta kula lə sí gə́ seḭ ooje loo rəa el lé tɔ.

Ǝbrəje 2:3

ndá ɓó lé jeḛ ndoo bao dɔ boo-kaji gə́ Mbaidɔmbaije ila mberee kédé ləm, deḛ gə́ d’oo ta ləa təa’g d’ɔr ginee d’ar sí j’oo ləm tɔ ndá see j’a kiya rɔ sí ra ɓa mba kar ta wa dɔ sí el wa.

Njéga̰g-Rəwtaje 12:3

Loo gə́ ma m’oo to gə́ seḭ reeje gə mba laje səm el ndá ma nja m’ila rɔm da m’ɔr ne rɔ m’aw m’rɔ ne gə Amo̰je. Ndá Njesigənea̰ uba dee ya̰ dee jim’g ya. Ŋga see gelee ban ɓa ɓogənè seḭ reeje gə mba rɔje səm ɓəi wa.

Njéga̰g-Rəwtaje 9:17

Mbata bɔm rɔ rɔ mbata lə sí ləm, yeḛ ila rəa da mbata lə sí ləma, yeḛ ɔr sí ji Madianje’g ɔm sí tar ləm tɔ.

1 Samel 11:13

Nɛ Sawul pana: Dəw a tɔl dəw kára kara mee ndɔ’g bèe’g el, mbata ɓogənè lé Njesigənea̰ un baŋga mee ɓee gə́ Israɛl’g.

1 Samel 14:45

Njérɔje d’ula Sawul pana: Ta ɗi bèe wa! Jonatan gə́ taa Israɛlje ɔm dee tar nee ya a kwəi bèe wa! Bèe el! Njesigənea̰ si kəmba ya! Yiŋga dəa kára kara a kɔr koso naŋg el mbata mee ndəa’g neelé Ala ɓa la səa aree ra né neelé ya. Togə́bè ɓa njérɔje d’aji ne Jonatan d’aree wəi ne el.

1 Samel 19:6

Sawul oo ndu Jonatan ndá yeḛ man rəa gə rɔkubu pana: Tɔgərɔ Njesigənea̰ si kəmba ya! Dabid a kwəi el.

1 Samel 20:32

Jonatan dəji bɔbeeje Sawul pana: See gelee ban ɓa d’a tɔlee lé wa. See ɗi ɓa yeḛ ra wa.

1 Samel 22:14

Ahimelek tel ila mbai’g pana: See na̰ ɓa mbuna kuraje’g ləi gə́ kəm kwɔji ne njekila ŋgonkoji to gə́ Dabid, yeḛ gə́ to məəm mbaije ləm, gə njera tornduije karee ɔr rɔd ləma, gə gə́ d’ila riɓar dəa’g mee kəi’g ləi ləm tɔ wa.

1 Samel 28:21

Dené lé ree rɔ Sawul’g, ée to gə́ yeḛ ɓəl yaa̰ ndá yeḛ ulá pana: Aa oo, ma kura ləi gə́ dené lé m’oo ndui. Kila gə́ m’ila ŋgonkoji dɔ taje gə́ i ulam’g lé yee ɓa m’ila ne rɔm jii’g gə mbəa.