1 Samel 19:23 - Maktub gə́ To gə Kəmee

²³ Yen ŋga yeḛ un rəw gə́ aw par gə́ Najot gə́ to mbɔr ɓee gə́ Rama lé. Ndil Ala dəb dəa’g to ar Sawul tegginta ɓa aw ne saar teḛ ne Najot gə́ to mbɔr ɓee gə́ Rama lé ɓəi tɔ.

1 Samel 19:23 ပူးပေါင်းရင်းမြစ်များ

Gosota-Kəmkàrje 16:9

Mee dəw wɔji rəw-kabee, Nɛ Njesigənea̰ ɓa wɔji loo tila gɔlee keneŋ.

Gosota-Kəmkàrje 21:1

Mee mbai lé to gə́ kəm-rəw-mán gə́ to meḛ ji Njesigənea̰’g, Yeḛ telee loo gə́ rara kara to gə́ mée ndigi.

Bula lə Israɛlje 23:5

Yen ŋga Njesigənea̰ ula ta ta Balaam’g tɔɓəi ulá pana: Ɔs tel aw rɔ Balak’g mba kulá ta togə́bè.

Bula lə Israɛlje 24:2

Balaam un kəmee gə́ tar ndá yeḛ oo Israɛlje gə́ d’isi loo-si dee’g gə goo ginkoji lə dee lə dee. Tɔɓəi Ndil Ala teḛ dəa’g tɔ.

Matiyo 7:22

Ndəa neelé dəwje bula d’a dəjim pana: Mbai, Mbai, see jeḛ riba dɔ ta ləi gə rii el wa. See jeḛ m’ɓar rii n’tuba ne ndilje gə́ kurai meḛ dəwje’g el wa.

Tagə́maji gə́ Ja̰ ndang 11:51

Yeḛ pata neelé gə dɔrea-yeḛ ɓa el, nɛ mbata to gə́ yeḛ to ŋgɔ-njekinjanéməs mee ləb’g neelé ɓa yeḛ teg ne gin ta wɔji ne dɔ Jeju gə́ a gə kwəi mbata lə gin ɓee lə dee lé.

1 Njé gə́ Kɔrḭtə 13:2

Ɓó lé m’to gə́ njetegginta m’ɔr ne gin néje lai gə́ to loo-kiya’g ləm, əsé m’to bao-gosonégər gə m’ɔr ne gin gosɔnégərje lai ləma, əsé ma m’to gə́ njeboo-meekun m’as kɔr ne mbal gə ŋgira kunda raŋg ləm tɔ ɓa ɓó lé meenoji godo məəm’g ndá ma m’to né gə́ əḭ el.

1 Samel 10:10

Loo gə́ deḛ teḛ Gibea ndá aa oo, kudu-njéteggintaje ree tila kəmee d’iŋgá. Ndil Ala dəb dəa’g ndá yeḛ tegginta mbuna dee’g tɔ.

1 Samel 10:12

Dəw gə́ Gibea ila dee’g pana: See na̰ ɓa to bɔ deeje wa. Gelee gə́ nee ɓa pa ne gosota pana: See Sawul kara to gə́ mbuna njéteggintaje lé ya to wa.

1 Samel 10:6

Ndil Njesigənea̰ a dəb dɔi’g ndá i a tegginta sə dee na̰’d, tɔɓəi a tel to ne dəw gə́ ɓəd.

1 Samel 18:10

Bèlè lookàree ndá ndil gə́ yèr gə́ Ala ulá lé ree ula kəm Sawul ndòo aree si aa loo gəl-gəl mee kəi’g ləa. Dabid lé si im né to gə́ yeḛ im ne né ndɔje gə́ kédé’g ləm, Sawul si gə ko̰-niŋga ləa jia’g ləm tɔ.

1 Samel 19:18

Togə́bè ɓa Dabid ḭ aḭ taa ne rəa. Yeḛ aḭ aw iŋga Samel mee ɓee gə́ Rama ndá yeḛ ndaji ta néje lai gə́ Sawul ra səa lé aree oo. Tɔɓəi yeḛ aw gə Samel aw si ɓee gə́ Najot.

1 Samel 19:20

Sawul ula njékulaje mba kar dee d’aw d’wa Dabid. Deḛ d’oo njéteggintaje gə́ d’wa dɔ na̰ d’aw tegginta ndá Samel ɓa gə́ njekɔrno̰ dee lée’g nee ya. Ndil Ala dəb dɔ deḛ gə́ Sawul ula dee lé ar dee-deḛ ya kara d’un kudu tegginta tɔ.

1 Samel 19:22

Togə́bè Sawul ya aw gə rəa mee ɓee’g Rama. Loo gə́ yeḛ teḛ ta bwa-mán gə́ boi gə́ to Seku ndá yeḛ dəji dee pana: See Samel deḛ gə Dabid d’isi ra wa. Deḛ d’ilá keneŋ pana: D’isi Najot mbɔr ɓee’d gə́ Rama ya.