1 Samel 19:17 - Maktub gə́ To gə Kəmee

¹⁷ Sawul dəji Mikal pana: See gelee ban ɓa i ərm togə́bè ar njeba̰ ləm aḭ aw wa. Mikal tel ila Sawul keneŋ pana: Yeḛ ulam pana: M’ya̰ neḛ m’ar neḛ n’aw ɓó bèe el ndá n’a tɔlm.

1 Samel 19:17 ပူးပေါင်းရင်းမြစ်များ

2 Samel 17:20

Kuraje lə Absalɔm d’andə mee kəi’g rɔ dené’g lé dəjee pana: Ahimaas gə Jonatan d’aw ra wa. Dené lé ila dee keneŋ pana: Deḛ gaŋg mán d’aw. Deḛ saŋg dee nɛ d’iŋga dee el ndá deḛ tel d’aw Jerusalem.

2 Samel 2:22

Abner ulá tɔɓəi pana: Ya̰ goom. See ban ɓa i ra kam m’tɔli m’ilai kɔrɔ wa. See m’tɔli ndá m’a kɔr dɔm gə́ tar no̰ ŋgokɔḭ Joab’g ya wa.

1 Mbaije 21:20

Akab dəji Eli pana: I gə́ to njeba̰ ləm lé ɓogənè iŋgam ŋga ta! Ndá yeḛ tel ilá keneŋ pana: Ma m’iŋgai ya mba̰ mbata i un rɔi ndogo gə mba ra ne né gə́ majel kəm Njesigənea̰’g.

Matiyo 2:16

Loo gə́ Herɔdə oo to gə́ bao-gosɔnégərje d’əree togə́bè ndá mée ḭ səa pu aree ula kula Betlehem gə loo-loo ɓeeko̰’g ləa mba kar dee tɔl ŋganje gə́ kas, deḛ gə́ ra ləb joo-joo ləm, gə deḛ gə́ ra ləb joo-joo el ɓəi ləm tɔ wɔji ne dɔ ndɔ teḛ lə kérèmé gə́ gəd gə́ bao-gosɔnégərje d’ulá lé tɔ.

Njé gə́ Galati 4:16

Kankəmta gə́ ma m’ula sí lé see yee ɓa m’tel m’to ne njeba̰ lə sí wa.

1 Samel 19:14

Loo gə́ Sawul ula njékulaje mba kar dee d’wa Dabid ndá Mikal ula dee pana: Rea tée.

1 Samel 19:16

Njékulaje neelé ree d’andə kəi ndá aa oo, magə-térapim ɓa to dɔ tira’g ləm, ndar bya̰ ɓa to dɔ négəd dəa’g ləm tɔ.

1 Samel 22:17

Mbai lé ula njéŋgəmeeje gə́ d’aar mbɔree’g lé pana: Telje kəm sí, tɔlje njékinjanéməsje lə Njesigənea̰ mbata deḛ ndigi gə Dabid. Deḛ d’oo gao to gə́ yeḛ aḭ ya nɛ d’ulam taree el. Nɛ kuraje lə mbai lé ndigi kun ji dee tɔl ne njékinjanéməsje lə Njesigənea̰ lé el.

1 Samel 28:12

Loo gə́ dené lé oo Samel ndá yeḛ ur kii pénéné tɔɓəi tel dəji Sawul pana: See ban ɓa i su kəm wa. I to Sawul.