1 Samel 18:8 - Maktub gə́ To gə Kəmee

⁸ Mee Sawul ea̰ yaa̰ mbata ta neelé lelee el. Yeḛ pana: Deḛ d’ar Dabid kea̰ tɔl-dɔg-loo-dɔg (10.000) nɛ kama ndá d’am tɔl-dɔg (1.000) ba! Né gə́ lalee lé to ɓeeko̰ ya kára ba ŋga.

1 Samel 18:8 ပူးပေါင်းရင်းမြစ်များ

Gḭ-Néje 37:11

Ŋgakea̰je lé ra kəmkəḭ dəa’g nɛ bɔbeeje ɓa ŋgəm ta neelé mée’g.

Gḭ-Néje 37:8

Ŋgakea̰je dəjee pana: See i a to mbai dɔ síjeḛ’g wa. See i a ko̰ɓee dɔ síjeḛ’g ya wa. Yen ɓa deḛ d’wá gə meḛ dee unda nje gə́ kédé mbata ta ni ləa ləm, gə tapea ləm tɔ.

1 Mbaije 2:22

Mbai Salomo̰ tel ila kea̰je keneŋ pana: See gelee ban ɓa i dəji ne Abisag, ŋgoma̰də gə́ Sunem mba kar Adonija wa. Maji kari dəjim ɓeeko̰ ɓa gə mbata ləa (mbata yeḛ to ŋgokɔm gə́ tɔg) dəjim mbata ləa-yeḛ ləm, gə mbata lə Abiatar, njekinjanéməs ləma, gə mbata lə Joab, ŋgolə Seruja ləm tɔ.

Este 3:5

Loo gə́ Aman oo to gə́ Mardose rəm gə kəjee naŋg unda barmba nea̰’g el ndá oŋg ti mée paŋ-paŋ.

Gosota-Kəmkàrje 13:10

Beelé ɓa ar dəw ɔs ne gel takɔl, Nɛ kəmkàr nai gə deḛ Gə́ d’oo takwɔji-kəmkàrje gə́ né ya.

Gosota-Kəmkàrje 27:4

Meekḭ jugugu to néra gə́ bɔsɔsɔ ləm, Oŋg al dɔ loo sula ləm tɔ, Nɛ see na̰ ɓa askəm kar gəs no̰ ra jaŋg’d wa.

Njekillamber 4:4

Ma m’oo to gə́ kula gə́ rara gə goso kula gə́ rara lé Ar kəm njeboatakəi lə debee neelé əḭ dəa’g. Yee nee kara to né gə́ gə mḭdé ba ya ləm To gə́ ŋgwɔd gə́ kaḭ goo lel’g ləm tɔ.

Bula lə Israɛlje 11:1

Koso-dəwje d’im rɔ dee dɔ Njesigənea̰’g kəmee’g ya ndá né neelé lel Njesigənea̰ el. Loo Njesigənea̰ oo ndá oŋg ḭ səa pu, bèe ɓa pər lə Njesigənea̰ mbudu o̰ mbuna dee’g roo loo gə́ ŋgaŋ loo-si dee’g raga rugu-rugu.

Bula lə Israɛlje 22:34

Balaam ula kura lə Njesigənea̰ pana: Ma m’ra kaiya mbata ma m’gər to gə́ i ɓa gaŋg rəw nɔm’g bèe el, ɓasinè ɓó lé i ndigi səm el ndá m’a tel kaw ɓee ŋga.

Maktub gə́ Jak ula ne ar ngan-Allaje 4:5

See seḭ ə̰jije meḛ sí’g to gə́ maktub gə́ to gə kəmee lé pa gə mḭdé ba wa. Maktub neelé pana: Ala aḭ bada dɔ Ndil gə́ yeḛ ula meḛ sí’g.

1 Samel 13:14

Nɛ ɓasinè kuru ko̰ɓee ləi a kəw el. Njesigənea̰ ɔr dəw gə́ ḭ mée’g ndá yeḛ wɔji karee to mbai dɔ koso-dəwje ləa mbata i lé i aa dɔ godndu Njesigənea̰ gə́ yeḛ un ari lé el.

1 Samel 15:28

Ndá Samel ulá pana: Ɓogənè, Njesigənea̰ wa ɓeeko̰ lə Israɛlje jii’g wɔgədɔ ɔr ndá yeḛ ar mari gə́ raŋg gə́ maji undai lé gə́ né kea̰ yeḛ ya tɔ.

1 Samel 16:13

Samel un ubu gə́ ku-gaji-da’g lé ndá yeḛ wa ne dəa mbuna ŋgakea̰je’g tɔ. Ndil Njesigənea̰ dəb dɔ Dabid’g un kudee mee ndəa’g neelé saar gə́ kédé tɔ. Samel ḭ tel aw Rama.

1 Samel 18:9

Un kudee mee ndəa’g neelé Sawul oo Dabid gə kəm dɔbee ya gə́ kédé-kédé.

1 Samel 19:1

Sawul ula ŋgonee Jonatan gə kuraje ləa lai mba kar dee tɔl Dabid. Nɛ Jonatan ŋgolə Sawul lé unda Dabid dan kəmee’g ya.

1 Samel 20:31

Mbata ɓó lé loo gə́ ŋgolə Isai lé si kəmba dɔ naŋg nee ndá i a kiŋga meelɔm el ləm, ɓeeko̰ ləi kara a to lɔm el ləm tɔ. Bèe ndá ɓasinè ya, ula kula ar dee saŋgee ree səa d’am mbata yeḛ lé kəm karee wəi ya.