1 Samel 18:7 - Maktub gə́ To gə Kəmee

⁷ Denéje gə́ d’ɔs pa lé d’ila na̰ ta’g pana: Sawul tɔl njéba̰je tɔl-dɔg-dɔg (1.000) Nɛ Dabid tɔl dee tɔl-dɔg-loo-dɔg-dɔg (10.000).

1 Samel 18:7 ပူးပေါင်းရင်းမြစ်များ

2 Samel 18:3

Nɛ njérɔje lé d’ulá pana: I a kaw el! Mbata ɓó lé jeḛ j’aḭ ndá d’a korè kəm dee siḭ goo sí’g el, lé dəb sí gə́ kára wəi kara d’a koo gə́ né el tɔ, nɛ i lé to as dəwje lə sí gə́ tɔl-dɔg-loo-dɔg (10.000) ndá ɓasinè lé né gə́ maji kəm ra lé ndá, to mba kari si pèrèrè mee ɓee-boo’g gə mba ree la sə sí gogo ɓa.

2 Samel 23:1

Aa ooje, rudu taje lə Dabid ɓa nee: Ta lə Dabid, ŋgolə Isai. Ta lə dəw gə́ si tar ndoi, Yeḛ gə́ Ala lə Jakob wa dəa gə ubu, Njekɔspa lə Israɛlje gə́ lel.

2 Samel 6:5

Dabid gə ginkoji Israɛlje lai ndam no̰ Njesigənea̰’d gə nékimje ɓəd-ɓəd gə́ ra gə kag-siprɛs ləm, gə kṵdu-kagje ləm, gə kṵdu-ko̰déje ləm, gə dalè bajiŋ ləm, gə mbarèje ləma, gə ma̰dje gə́ sa səgə-səgə ləm tɔ.

Teḛ-Raga 15:21

Miriam lé ila Israɛlje keneŋ pana: Ɔsje pa arje Njesigənea̰ Mbata yeḛ ar rɔnduba ləa kila rəa kɔd. Yeḛ wa kundaje gə njékal deeje na̰’d Ɓugu dee dan mán baa-boo’g.

1 Samel 21:11

Dabid ḭ mee ndəa’g nee ya aḭ no̰ Sawul’g aw əw. Yeḛ teḛ rɔ Akis’g, gə́ to mbai gə́ Gat.

1 Samel 21:12

Kuraje lə Akis d’ulá pana: See yeḛ neelé to mbai Dabid lé el wa. See to yeḛ neelé ɓa d’ɔs pa d’wɔji ne dəa ndam ne pana: Sawul tɔl kea̰je tɔl-dɔg-dɔg (1.000) Nɛ Dabid tɔl kea̰je tɔl-dɔg-loo-dɔg-dɔg (10.000) lé el wa.

1 Samel 29:5

See to Dabid nee gə́ d’ɔsee pa ndam ne pana: Sawul tɔl njéba̰je ləa tɔl-dɔg-dɔg (1.000) Nɛ Dabid ndá tɔl kea̰je tɔl-dɔg-loo-dɔg-dɔg (10.000) lé el wa.