1 Samel 18:28 - Maktub gə́ To gə Kəmee

²⁸ Sawul oo bèe ndá yeḛ gər gao to gə́ Njesigənea̰ nai gə Dabid. Tɔɓəi Mikal, ŋgonee gə́ dené lé ndigi Dabid tɔ.

1 Samel 18:28 ပူးပေါင်းရင်းမြစ်များ

Gḭ-Néje 26:28

Deḛ d’ilá keneŋ pana: Jeḛ j’oo gao to gə́ Njesigənea̰ nai səi. Gelee gə́ nee ɓa jeḛ m’pana: Maji kar ta manrɔ to mbuna síjeḛ seḭje’g ləm, kar síjeḛ kara manje rɔ sí j’ari ləm tɔ.

Gḭ-Néje 30:27

Laba̰ ulá pana: Maji kari ila kəm toro’g! Ma m’oo gao to gə́ Njesigənea̰ tɔr ndia dɔm’g mbata ləi-i ya.

Gḭ-Néje 39:3

Ɓéeje oo to gə́ Njesigənea̰ nai səa ləm, oo to gə́ Njesigənea̰ ar kula reaje lai gə́ yeḛ ra lé teḛkɔr ləm tɔ.

Loo gə́ killa rea kəm Ja̰’g 3:9

Aa oo, deḛ gə́ d’isi kəi-kwa-dɔ-na̰’g lə Njekurai gə deḛ gə́ tar rɔ dee gə́ Jibje nɛ deḛ to Jibje el nɛ deḛ gaŋgta gə́ gaŋg lé ma nja m’a kodo dee kari ya. Aa oo, m’a kar dee ree d’ula dɔ dee naŋg gɔli’g ləm, m’a kar dee gəri gə́ dəw gə́ m’undai dan kəm’g ləm tɔ.

1 Samel 18:20

Mikal, ŋgolə Sawul gə́ dené lé ndigi Dabid yaa̰. D’aw d’ula Sawul taree ndá ta neelé lelee ya.

1 Samel 18:27

Kédé ɓa kar ndɔ gə́ d’wɔji as ɓəi ndá Dabid ḭ aw gə dəwje ləa aw tɔl ne diŋgamje tɔl-joo (200) mbuna Pilistije’g. Yeḛ ree gə ndar tamɔd dee ar mbai as dɔ lé gə́ yeḛ dəji lé gə mba tel to ne məəm mbaije lé. Togə́bè ɓa Sawul aree ne Mikal, ŋgonee gə́ dené lé gə́ dené ləa ya.

1 Samel 18:29

Sawul ɓəl Dabid gə́ kédé-kédé ləm, yeḛ undá gə́ njeba̰ ləa ya gə no̰ ləm tɔ.

1 Samel 24:20

Ɓó lé dəw iŋga njeba̰ ləa rəw’g ndá see a kyá̰ karee aw loo ləa gə meekulɔm wa. Maji kar Njesigənea̰ daai gə né mbata maji gə́ i ra səm ɓogənè lé.

1 Samel 26:25

Yen ŋga Sawul ula Dabid pana: Maji kar dɔ ŋgonəm Dabid ai səgərə! I a teḛkɔr dɔ kula raije’g ya. Bèe ɓa Dabid un rəw ləa aw ləm, Sawul kara tel aw kəi ləa ləm tɔ.