1 Samel 18:27 - Maktub gə́ To gə Kəmee

²⁷ Kédé ɓa kar ndɔ gə́ d’wɔji as ɓəi ndá Dabid ḭ aw gə dəwje ləa aw tɔl ne diŋgamje tɔl-joo (200) mbuna Pilistije’g. Yeḛ ree gə ndar tamɔd dee ar mbai as dɔ lé gə́ yeḛ dəji lé gə mba tel to ne məəm mbaije lé. Togə́bè ɓa Sawul aree ne Mikal, ŋgonee gə́ dené lé gə́ dené ləa ya.

1 Samel 18:27 ပူးပေါင်းရင်းမြစ်များ

2 Samel 3:13

Dabid ilá keneŋ pana: Maji ya! M’a kun ndum kari ya nɛ ma m’dəjii né kára: I a koo kəm el nɛ ɓó lé i a ree gə Mikal, ŋgolə Sawul gə́ dené kam ndá yee ɓa i a koo ne kəm ɓəi.

2 Samel 3:14

Tɔɓəi Dabid ula njékaḭkulaje rɔ Is-Boset, ŋgolə Sawul’g mba kar dee d’ulá pana: Maji kari tel gə dené ləm Mikal gə́ m’wa səa mɔr gə ndar tamɔd Pilistije gə́ tɔl (100) lé am.

Njéga̰g-Rəwtaje 14:19

Gée gə́ gogo Ndil Njesigənea̰ dəb dəa’g ndá yeḛ ḭ aw Askalo̰. Yeḛ tɔl dəwje keneŋ rɔ-munda, tɔr kubuje lə dee, tɔɓəi ar deḛ gə́ njériba dɔ gosota né gə́ to loo-kiya’g lé kubuje gə́ ka̰ taa ne tor mar deeje. Nɛ oŋg ḭ səa pu aree tel aw kəi lə bɔbeeje.

1 Samel 14:49

Ri ŋgalə Sawul gə́ diŋgam ɓa nee: Jonatan, gə Jisbi, gə Malki-sua. Ri ŋganeeje gə́ dené gə́ joo lé ɓa nee: yeḛ gə́ tɔg ria lə Merab ləm, yeḛ gə́ ndɔḭ ria lə Mikal ləm tɔ.

1 Samel 18:13

Ndá Sawul ɔree rəa’g undá loo gə́ əw’g aree to mbai dɔ njérɔje gə́ tɔl-dɔg (1.000). Dabid teḛ ɔr no̰ njérɔje aw sə dee raga ləm, tel sə dee ɓée ləm tɔ.

1 Samel 18:17

Sawul ula Dabid pana: Aa oo, m’a kari Merab, ŋgondərm gə́ dené ləi. Maji kari wa rɔi gə́ diŋgam ya ra né am ləm, rɔ rɔje lə Njesigənea̰ ləm tɔ. Nɛ Sawul pa mée’g pana: Ma m’ndigi kun jim kɔrɔ ne rəa el, nɛ maji kar ji Pilistije ɓa ɔrɔ rəa.

1 Samel 18:28

Sawul oo bèe ndá yeḛ gər gao to gə́ Njesigənea̰ nai gə Dabid. Tɔɓəi Mikal, ŋgonee gə́ dené lé ndigi Dabid tɔ.

1 Samel 25:44

Mbata Sawul wa ŋgonee Mikal gə́ to dené lə Dabid lé ar Palti, dəw gə́ Galim gə́ to ŋgolə Layis lé tɔ.