1 Samel 18:25 - Maktub gə́ To gə Kəmee

²⁵ Sawul pana: Seḭ a paje togə́bè karje Dabid pajena: Mbai lé dəji lar dené el nɛ yeḛ ndigi kiŋga ndar tamɔd Pilistije as tɔl (100) gə mba dal ne ba̰ ləa gə njéba̰je ləa. Sawul wɔji mée’g mba kar Dabid oso ne ji Pilistije’g.

1 Samel 18:25 ပူးပေါင်းရင်းမြစ်များ

Gḭ-Néje 29:18

Rasel lé taa kəm Jakob rəgm ndá yeḛ ula Laba̰ pana: M’a ra səi kula ləbm siri gə mbata lə Rasel, ŋgoni gə́ ndɔḭ lé ya.

Gḭ-Néje 34:12

Maji kar sí wɔjije səm lar dené lé yaa̰ ləm, gə nénojije bula yaa̰ ləm tɔ ndá m’a kar sí né gə́ seḭ ulamje lé ya. Nɛ amje ŋgoma̰də neelé gə́ dené ləm ɓa.

2 Samel 3:14

Tɔɓəi Dabid ula njékaḭkulaje rɔ Is-Boset, ŋgolə Sawul’g mba kar dee d’ulá pana: Maji kari tel gə dené ləm Mikal gə́ m’wa səa mɔr gə ndar tamɔd Pilistije gə́ tɔl (100) lé am.

Jujé 5:3

Juje tɔl mbal gə́ kiaje ndá yeḛ inja ne tamɔd Israɛlje dɔdərloo gə́ Aralot.

1 Samel 14:24

Mee ndəa’g neelé loo moŋg Israɛlje kaŋ. Sawul ar dəwje manrɔ dee pana: Dəw gə́ sɔ né kédé ɓa kàrkemetag teḛ ɓəi əsé ra bèe ɓad ɓa ma m’dal ba̰ gə njéba̰je ləm ɓəi ndá maji kar ndɔl wa dəa ya. Togə́bè ɓa dəw kára kara sɔ né el ya tɔ.

1 Samel 17:26

Dabid dəji njérɔje gə́ d’aar mbɔree’g pana: See ɗi ɓa d’a kar yeḛ gə́ a tɔl dəw gə́ Pilisti nee ləm, a kɔr boo-rɔkul dɔ Israɛlje’g ləm tɔ lé wa. See dəw gə́ Pilisti nee gə́ inja tamɔdee el ya to na̰ ɓa aar ula sul dɔ njérɔje’g lə Ala gə́ njesikəmba lé wa.

1 Samel 17:36

To gə́ ma kura ləi m’tɔl ne toboḭ gə da-urs bèe lé ndá a to togə́bè gə dəw gə́ Pilisti gə́ nee gə́ to njelal kinja ta mɔdee lé to mbata yeḛ ula sul dɔ njérɔje’g lə Ala gə́ njesikəmba ya.

1 Samel 18:17

Sawul ula Dabid pana: Aa oo, m’a kari Merab, ŋgondərm gə́ dené ləi. Maji kari wa rɔi gə́ diŋgam ya ra né am ləm, rɔ rɔje lə Njesigənea̰ ləm tɔ. Nɛ Sawul pa mée’g pana: Ma m’ndigi kun jim kɔrɔ ne rəa el, nɛ maji kar ji Pilistije ɓa ɔrɔ rəa.

1 Samel 18:24

Kuraje lə Sawul d’un ta gə́ Dabid ila dee keneŋ lé d’aw d’ula Sawul.

1 Samel 19:1

Sawul ula ŋgonee Jonatan gə kuraje ləa lai mba kar dee tɔl Dabid. Nɛ Jonatan ŋgolə Sawul lé unda Dabid dan kəmee’g ya.