1 Samel 18:1 - Maktub gə́ To gə Kəmee

¹ Loo gə́ Dabid tɔl ta gə́ yeḛ wɔji gə Sawul bém ndá léegəneeya Jonatan ɔm mée na̰’d gə Dabid. Jonatan ndigee to gə́ yeḛ ndigi ne darəa-yeḛ bèe.

1 Samel 18:1 ပူးပေါင်းရင်းမြစ်များ

Gḭ-Néje 44:30

Ɓasinè lé ɓó lé m’a tel kaw rɔ kura’g ləi gə́ to bɔmje lé lal kar ŋgon lé aw sə sí mbata to ŋgon gə́ mee bɔbeeje ɔr dəa’g el lé ndá

2 Samel 1:26

Ma m’isi dan meeko̰’g mbata ləi-i, Ŋgokɔm Jonatan! I ra néje lai gə́ taa kəm rəgm, Ndigi gə́ i ndigim lé maji dum ləm, Ur dɔ ndigi gə́ ndigi denéje ləm tɔ.

1 Sôrta Gḭka-Israɛlje 12:17

Deḛ gə́ to Bḛjamije gə Judaje kara d’aw rɔ Dabid’g mee kəi-kaar-kɔgərɔ’g ləa tɔ.

Pakɔsje 86:11

Ǝi Njesigənea̰, maji kari tɔjim rəwje ləi Ndá m’a njaa dan kankəmta’g ləi lé ya ləm, Maji kari gɔl məəm aree to kára ba Gə mba kam m’ɓəl ne rii ləm tɔ.

Gosota-Kəmkàrje 18:24

Dəw gə́ baokuraje ləa bula lé Tel to némeeko̰ ləa, Nɛ baokura gə́ ɔm səi na̰’d sad lé Unda ŋgokɔḭ tɔ.

Tel tura Godndu 13:6

Njetegginta əsé njeni neelé d’a tɔlee gə́ tɔl ya mbata yeḛ pata mba kar sí ɔsje ne Ala lə sí gə́ Njesigənea̰ rəw, yeḛ gə́ ar sí undaje loo mee ɓee gə́ Ejiptə teḛje ɔr sí ne kəi-kula-ɓər’g tɔɓəi rəw gə́ Ala lə sí gə́ Njesigənea̰ un ndia gə mba kar sí njaaje keneŋ lé debee neelé ndigi kar sí ubaje ya̰je. Togə́bè ɓa seḭ a kɔrje ne né gə́ majel mbuna sí’g tɔ.

Njé gə́ Kolosə 2:2

mba kar meḛ dee a koso ne naŋg po̰ ləm, mba kar meenoji a kɔm dee na̰’d sad ləma, mba kar kəmkàr a rusu ne meḛ dee njḭ-njḭ kar kəm dee inja ne dɔ ta lə Ala gə́ wɔji dɔ Kristi gə́ to gə ndəree ləm tɔ.

Njéga̰g-Rəwtaje 20:11

Togə́bè ɓa diŋgamje lai gə́ Israɛl lé mbo̰ dɔ na̰ d’ɔm na̰’d sad asəna gə dəw gə́ kára ba bèe d’aw rɔ gə́ ɓee-boo neelé.

1 Samel 14:45

Njérɔje d’ula Sawul pana: Ta ɗi bèe wa! Jonatan gə́ taa Israɛlje ɔm dee tar nee ya a kwəi bèe wa! Bèe el! Njesigənea̰ si kəmba ya! Yiŋga dəa kára kara a kɔr koso naŋg el mbata mee ndəa’g neelé Ala ɓa la səa aree ra né neelé ya. Togə́bè ɓa njérɔje d’aji ne Jonatan d’aree wəi ne el.

1 Samel 18:3

Jonatan man rəa ar Dabid mbata yeḛ ndigee to gə́ ndigi ne darəa-yeḛ bèe.

1 Samel 19:1

Sawul ula ŋgonee Jonatan gə kuraje ləa lai mba kar dee tɔl Dabid. Nɛ Jonatan ŋgolə Sawul lé unda Dabid dan kəmee’g ya.

1 Samel 19:2

Ndá yeḛ ɔr soree ar Dabid pana: Bɔm Sawul aw saŋg loo gə mba tɔli. Bèe ndá maji kari unda kəmkàr dɔ rɔi’g. Bèlè gə ndɔ lé oo njo̰loo gə́ maji ya iya rɔi keneŋ.

1 Samel 20:17

Jonatan ar Dabid man rəa aree ya gə goo ndigi gə́ yeḛ ndigee yaa̰ mbata Jonatan lé ndigee to gə́ darəa-yeḛ bèe tɔ.

1 Samel 20:8

Bèe ndá maji kari tɔji kura ləi meemaji ləi ɓa mbata kédé jeḛ səi lé jeḛ manje rɔ sí j’ar na̰ no̰ Njesigənea̰’g. Ɓó lé néra gə́ gə goo rəbee el to rɔm’g ndá maji kari-i nja tɔlm ŋga mən, mba ɗi tɔɓəi ɓa a kaw ne səm saar rɔ bɔbije’g tɔɓəi wa.

1 Samel 22:8

See gə mba ɗi ɓa seḭ lai o̰je njumam mba kɔsmje ne rəw, ar dəw gə́ kára ya kara ulam ta lə manrɔ gə́ ŋgonəm deḛ gə ŋgolə Isai manrɔ dee d’ar na̰ lé el wa. See gelee ban ɓa dəw kára ya kara mbuna sí’g mée tɔsee mbigi-mbigi mbata ləm aree ulam ne ta lə ŋgonəm gə́ ḭ sula kura ləm aree oma̰ səm ləm, gə umum rəw ləm tɔ, to gə́ yeḛ ra ɓogənè lé wa.

1 Samel 23:18

Deḛ joo bɔr manrɔ dee d’ar na̰ no̰ Njesigənea̰’g ndá Dabid nai mee kag-kɔr’g lé nɛ Jonatan ɔd aw ɓee ləa.