1 Samel 17:7 - Maktub gə́ To gə Kəmee

⁷ Kag ko̰-niŋga ləa lé to asəna gə kag-kṵji-kubu lə njekunji-kubu bèe, tɔɓəi kandə niŋga lé wɔi as larndul nékwɔji kwɔi-lə-né siri ləm tɔ. Njekun dər ləa lé njaa gə dər lé nea̰’g tɔ.

1 Samel 17:7 ပူးပေါင်းရင်းမြစ်များ

2 Samel 21:16

Yen ŋga Jisbi-Benob, yeḛ gə́ kára mbuna ŋgalə Rapa’g lé wɔji mée’g mba tɔl Dabid. Yeḛ lé kwɔi lə niŋga-ndəi ləa as nékwɔji kwɔi-lə-né larkas munda ləm, tɔɓəi yeḛ tɔ kiambasje gə́ sigi ya rḛgee’g ləm tɔ.

2 Samel 21:19

Rɔ tel ḭ gogo ar dee rɔ gə Pilistije mee ɓee gə́ Gob ya ɓəi. Ndá Elkanan, ŋgolə Jaare-Oregim, dəw gə́ Betlehem tɔl Goliat, dəw gə́ Gat, yeḛ gə́ niŋga-ndəi ləa to asəna gə kag-kṵji-kubu lə njekunji-kubu bèe.

1 Sôrta Gḭka-Israɛlje 11:23

Yeḛ tɔl dəw gə́ Ejiptə gə́ ŋgalee as kəmkil dəw mi ləm, gə́ aw gə niŋga-ndəi gə́ to asəna gə kag kṵji kubu lə njekṵji kubu bèe jia’g ləm tɔ. Yeḛ aw rɔ səa gə kag-tɔs ba ndá yeḛ wa niŋga-ndəi lé ji dəw gə́ Ejiptə taa tɔlee ne.

1 Sôrta Gḭka-Israɛlje 20:5

Rɔ tel ḭ gogo ar dee rɔ gə Pilistije ya tɔɓəi. Ndá Elkana, ŋgolə Jayir tɔl Lahmi, ŋgoko̰ Goliat, dəw gə́ Gat, gə niŋga-ndəi ləa gə́ to asəna gə kag-kṵji-kubu lə njekṵji kubu bèe.

1 Samel 17:41

Dəw gə́ Pilisti lé ree lam-lam gə rɔ Dabid’g ləm, dəw gə́ njekun dər ləa lé njaa ne nea̰’g ləm tɔ.