1 Samel 17:55 - Maktub gə́ To gə Kəmee

⁵⁵ Loo gə́ Sawul oo Dabid gə́ aw gə mba rɔ gə dəw gə́ Pilisti lé ndá yeḛ dəji Abner gə́ to ɓée njérɔje ləa lé pana: Abner, see ŋgon neelé to ŋgolə nawa. Abner ilá keneŋ pana: Ǝi, mbai, tɔgərɔ ya gə goo kisi kəmba ləi lé ma m’gəree el.

1 Samel 17:55 ပူးပေါင်းရင်းမြစ်များ

Gḭ-Néje 42:15

Aa ooje né gə́ a gə naa sí ɓa to nee: Ɓó lé Parao̰ si kəmba tɔgərɔ ya ndá, ɓó lé ŋgoko̰ sí gə́ ndɔḭ lé a ree loo gə́ nee’g el ndá seḭ a kḭje loo gə́ nee’g kawje el tɔ.

1 Samel 1:26

An pana: Mbai ləm, ar məəi oso lemsé dɔm’g! To tɔgərɔ ya, gə goo kisi kəmba ləi lé ya, ma lé ɓa m’to dené gə́ ndɔ gən m’isi mbɔri’g nee m’ra tamaji ta Njesigənea̰’g lé.

1 Samel 14:50

Dené lə Sawul lé ria lə Ajur, gə́ to ŋgolə Ahimas. Ri ɓée njérɔje ləa lə Abner, gə́ to ŋgolə Ner, gə́ to na̰ Sawulje lé tɔ.

1 Samel 16:12

Isai ula kula ɓaree aree ree. Yeḛ lé kas pèl-pèl ləm, kəmee turu sia̰-sia̰ ləma, kura yaa̰ ləm tɔ. Njesigənea̰ ula Samel pana: Ḭta, wa dəa gə ubu mbata to yeḛ ya!

1 Samel 17:54

Dabid un dɔ dəw gə́ Pilisti lé aw ne Jerusalem, tɔɓəi yeḛ ɔm nérɔje lə dəw gə́ Pilisti lé mee kəi-kubu’g ləa tɔ.

1 Samel 17:56

Mbai lé pana: Bèe ndá maji kari dəji raŋg oo, see basa neelé to ŋgolə nawa.

1 Samel 17:58

Sawul dəjee pana: Basa, see i to ŋgolə nawa. Dabid tel ilá keneŋ pana: Ma m’to ŋgolə kura ləi Isai, dəw gə́ Betlehem ya.

1 Samel 26:5

Yen ŋga Dabid ḭ aw loo gə́ Sawul wa loo-siée keneŋ ndá yeḛ oo loo gə́ Sawul gə Abner, ŋgolə Ner, yeḛ gə́ to mbai dɔ njérɔje ləa to keneŋ lé. Sawul to dan dee’g dana bab ndá kudu-njérɔje gugu dəa sub.