1 Samel 17:53 - Maktub gə́ To gə Kəmee

⁵³ Israɛlje d’ḭ loo kɔr Pilistije’g ndá deḛ d’odo néje gə́ mee loo-si dee’g gə́ nébanrɔ.

1 Samel 17:53 ပူးပေါင်းရင်းမြစ်များ

2 Samel 23:10

Yeḛ lé ḭ ndá tɔl Pilistije saar ar jia wəi pirig ləm, ar jia tia̰ kul-kiambas’g ləa ləm tɔ. Njesigənea̰ ra né gə́ boo ɔm dee ne tar mee ndəa’g neelé. Koso-dəwje tel ree goo Eləajar’g mba kodo nébanrɔje ba.

Jeremi 30:16

Nɛ deḛ lai gə́ rumi lé d’a rum dee tɔ, Deḛ lai gə́ to njéba̰je ləi lé D’a kwa dee kaw sə dee ɓee-ɓər’g ya tɔ. Deḛ lai gə́ d’odo néje ləi lé D’a kodo néje lə dee tɔ, Deḛ lai gə́ d’undai banrɔ lé M’a kar dee d’unda dee banrɔ tɔ.

Jeremi 4:20

D’ila mber tuji gə́ dɔ na̰’d dɔ na̰’d Mbata ɓeeje lai tuji pugudu-pugudu, Deḛ tuji kəi-kubuje ləm pugudu-pugudu Gə́ léegəneeya ləm, Ndil-kula-dɔje ləm gə́ m’la kara Unda naŋg rab gə́ lé gən ya ləm tɔ.

1 Samel 17:52

Njérɔje gə́ Israɛl gə Juda d’uru koo njiriri, tuba Pilistije saar teḛ ne mee wəl-loo’g ləm, saar teḛ ne tarəwje’g lə ɓee gə́ Ekro̰ ləm tɔ. Pilistije gə́ d’iŋga doo as yoo dee toso ne naŋg dan rəw’d gə́ aw gə́ Saarayim saar teḛ Gat ləm, gə teḛ Ekro̰ ləm tɔ.

1 Samel 17:54

Dabid un dɔ dəw gə́ Pilisti lé aw ne Jerusalem, tɔɓəi yeḛ ɔm nérɔje lə dəw gə́ Pilisti lé mee kəi-kubu’g ləa tɔ.

1 Samel 19:5

Yeḛ ila rəa da tɔl ne dəw gə́ Pilisti ar Njesigənea̰ ra ne né gə́ boo taa ne dɔ Israɛlje. I oo gao, i ra rɔlel dɔ’g ya tɔ. See gelee ban ɓa i a ra kaiya kila ne məs yeḛ gə́ ta wa dəa el ləm, a kar dee tɔl Dabid lal né gə́ bèe ləm tɔ ɓəi wa.