1 Samel 17:50 - Maktub gə́ To gə Kəmee

⁵⁰ Togə́bè ɓa yɔroŋ-dooje gə jər lé ɓa siŋga Dabid ur ne dɔ dəw gə́ Pilisti’g. Kiambas godo jia’g ya nɛ yeḛ ilá naŋg ɓirig tɔlee.

1 Samel 17:50 ပူးပေါင်းရင်းမြစ်များ

Njéga̰g-Rəwtaje 15:15

Yeḛ oo siŋga ka ta mulayḛ̀je gə́ to sigi ɓəi naŋg ndá yeḛ ula jia un tɔl ne dəwje tɔl-dɔg (1.000).

Njéga̰g-Rəwtaje 3:31

Njegoo Ehud’g lé to Samgar, ŋgolə Anat. Yeḛ tɔl dəwje gə́ Pilisti as tɔl-misa̰ (600) gə duu maŋgje. Bèe ɓa yeḛ kara to ne njetaa dɔ Israɛlje tɔ.

1 Samel 13:22

Mee ndɔ rɔ’g lé d’iŋga kiambas gə niŋga ji njérɔje’g lai gə́ d’aw gə Sawul gə Jonatan el nɛ Sawul gə ŋgonee Jonatan ɓa néje neelé to ji dee’g ya.

1 Samel 17:39

Dabid tɔ kiambas lə Sawul dɔ nérɔ’g ləa ndá yeḛ ndigi njaa ne mbata yeḛ naa oo el ɓəi. Nɛ yeḛ ula Sawul pana: Ma m’askəm njaa gə nérɔje neelé el mbata ma m’ula dee kédé el. Bèe ɓa yeḛ tɔr dee rəa’g tɔ.

1 Samel 17:49

Yeḛ ula jia mee ɓɔl’g ləa un jər kára ila mee yɔroŋ-dooje’g ləa ɓa ila aree wa ŋgo no̰ dəw gə́ Pilisti lé aree andə’g mág aree oso rəb tuga kəmee naŋg.

1 Samel 17:51

Dabid aḭ ŋgwɔd aw aar dɔ dəw gə́ Pilisti’g lé ɔr kiambas ləa-yeḛ ya sɔlee’g tɔlee ne ləm inja ne dəa gaŋg ləm tɔ. Loo gə́ Pilistije d’oo to gə́ bao-rɔ lə dee wəi ndá deḛ təd d’aḭ.

1 Samel 19:5

Yeḛ ila rəa da tɔl ne dəw gə́ Pilisti ar Njesigənea̰ ra ne né gə́ boo taa ne dɔ Israɛlje. I oo gao, i ra rɔlel dɔ’g ya tɔ. See gelee ban ɓa i a ra kaiya kila ne məs yeḛ gə́ ta wa dəa el ləm, a kar dee tɔl Dabid lal né gə́ bèe ləm tɔ ɓəi wa.

1 Samel 21:9

Dabid dəji Ahimelek pana: See ko̰-niŋga əsé kiambas to jii’g el wa. Mbata m’ree gə kiambas əsé gə nérɔje ləm el, mbata kula lə mbai lé ɔsm rad.

1 Samel 23:21

Sawul pana: Maji kar Njesigənea̰ tɔr ndia dɔ sí’g mbata seḭ ooje kəmtondoo ləm.