1 Samel 17:45 - Maktub gə́ To gə Kəmee

⁴⁵ Dabid ula dəw gə́ Pilisti lé pana: I lé ree gə kiambas gə ko̰-niŋga mba rɔ ne səm. Nɛ ma lé m’aw gə́ dɔi’g gə ri Njesigənea̰ gə́ njeboo-néje, yeḛ gə́ to Ala gə́ njeboo-néje gə́ Israɛl gə́ i ula sul dəa’g lé ya.

1 Samel 17:45 ပူးပေါင်းရင်းမြစ်များ

2 Sôrta Gḭka Israɛlje 14:10

Asa no̰ ɓar Njesigənea̰, Ala ləa pana: Ǝi Njesigənea̰ i nja kára ba askəm la gə deḛ gə́ siŋga dee godo ləm, gə deḛ gə́ siŋga dee to ləm tɔ. Ǝi Njesigənea̰, Ala lə sí, maji kari ree la sə sí. Mbata i nja kára ba ɓa jeḛ naam kaari’g ləm, jeḛ n’ree gə rii-i nja gə mba rɔ ne gə njérɔje nee gə́ bula digi-digi lé ləm tɔ. Maji kar dəw gə́ kari ba lé dum dɔi el!

2 Sôrta Gḭka Israɛlje 32:8

Kea̰-yeḛ to kag ji dəw ba, ka̰ síjeḛ lé to Ala lə sí gə́ Njesigənea̰ gə́ a la sə sí ləm, a rɔ mbata lə sí ləm tɔ. Koso-dəwje lé d’ɔm meḛ dee dɔ taje gə́ Ejekias, mbai gə́ Juda pa lé ya.

Pakɔsje 124:8

Ri Njesigənea̰ gə́ njera dara gə naŋg neelé Yee ɓa né la sə sí ḭ keneŋ ya.

Pakɔsje 18:2

Ǝi Njesigənea̰, i gə́ to siŋgam lé Ma m’undai dan kəm’g ya.

Pakɔsje 20:8

Njé gə́ yo nduna rɔ dee dɔ pusu-rɔje’g lə dee ləm, Njé gə́ nee nduna rɔ dee rɔ kundaje’g lə dee ləm tɔ, Nɛ jeḛ lé jeḛ m’ɓarje ri Ala lə sí gə́ Njesigənea̰ ya kára ba.

Pakɔsje 3:8

Njesigənea̰, maji kari uba naŋg ḭta! Ala ləm, maji kari taam ya! Mbata i to njekunda kwɔji njéba̰je ləm lai ləm, I təd ŋgaŋ njémeeyèrje njigi-njigi ləm tɔ.

Pakɔsje 44:6

Mbɔl dɔi-i nja ɓa Jeḛ j’ɔs ne njéba̰je lə sí rəw ləm, Mbɔl dɔ rii nja ɓa Jeḛ n’tal ne njékoma̰ sə síje lé naŋg ras-ras ləm tɔ.

Gosota-Kəmkàrje 18:10

Ri Njesigənea̰ lé to gad-kəi-kaar-kɔgərɔ, Njemeekarabasur aḭ iya rəa keneŋ si ne gə meekulɔm.

Esai 37:23

See na̰ ɓa i tajee ila ne ndɔl dəa’g wa. See na̰ ɓa i ndɔḭ ndui dəa’g ləm, I teḛ kəmi bəsəsə dəa’g ləm wa. Dɔm ma gə́ m’to Njerɔkunda lə Israɛlje lé ya wa.

Esai 37:28

Nɛ neḛ n’gər loo gə́ i si naŋg ləm, Gə loo gə́ i teḛ raga əsé andə kəi ləma, Gə loo gə́ məəi ḭ səi jugugu dɔ neḛ’g ləm tɔ.

2 Njé gə́ Kɔrḭtə 10:4

Tɔgərɔ ya, nérɔje lə síjeḛ lé to gə́ ka̰ njé gə́ naŋg nee el nɛ nérɔje lə sí lé Ala nja ar dee to nérɔje gə́ gə siŋga dee mba kunda kəi-kaar-kɔgərɔje lə dee naŋg rə̰dəŋ-rə̰dəŋ.

2 Njé gə́ Kɔrḭtə 3:5

Jeḛ lé j’askəm kwɔji né kára kara gə dɔrɔ sí el nɛ né gə́ rara gə́ to rɔ sí’g lé ḭ rɔ Ala’g ya.

Njé gə́ Pilibə 4:13

Mbɔl dɔ yeḛ gə́ orəm més lé lé riri kara m’askəm ra ya.

1 Samel 17:10

Dəw gə́ Pilisti lé pa ya tɔɓəi pana: Ɓogənè ma m’kuma-rɔ njérɔje lə Israɛl! Amje dəw ndá jeḛ səa j’a rɔ na̰.

1 Samel 17:26

Dabid dəji njérɔje gə́ d’aar mbɔree’g pana: See ɗi ɓa d’a kar yeḛ gə́ a tɔl dəw gə́ Pilisti nee ləm, a kɔr boo-rɔkul dɔ Israɛlje’g ləm tɔ lé wa. See dəw gə́ Pilisti nee gə́ inja tamɔdee el ya to na̰ ɓa aar ula sul dɔ njérɔje’g lə Ala gə́ njesikəmba lé wa.

1 Samel 17:36

To gə́ ma kura ləi m’tɔl ne toboḭ gə da-urs bèe lé ndá a to togə́bè gə dəw gə́ Pilisti gə́ nee gə́ to njelal kinja ta mɔdee lé to mbata yeḛ ula sul dɔ njérɔje’g lə Ala gə́ njesikəmba ya.

1 Samel 17:6

Nérɔ gə́ ra gə larkas to kag gɔleeje’g ləm, ko̰-niŋga gə́ ra gə larkas to dɔ bagee’g ləm tɔ.