1 Samel 17:44 - Maktub gə́ To gə Kəmee

⁴⁴ yeḛ tel ila ta dɔ’g ɓəi pana: Gə́ ree gə́ rɔm’g nee am m’ar dakasi to nésɔ yelje gə́ dara gə daje gə́ mee wala’g.

1 Samel 17:44 ပူးပေါင်းရင်းမြစ်များ

2 Samel 21:10

Yen ŋga Rispa, ŋgolə Aja gə́ dené un kubu-kwa-ndòo ila sí dɔ’g mbɔr mbal’g un kudee mee ndɔ kinja kó’g saar ndɔ gə́ ndi ḭ dara ər dɔ nin dee’g, yeḛ ɔg yelje loo tibi mbɔr nin dee dan kàrá ləm, yeḛ ɔg daje gə́ mee wala’g loondul’g ləm tɔ.

Gosota-Kəmkàrje 18:12

Kédé ɓa kar tuji gə́ boo teḛ ɓəi lé Dəw ti rəa mée’g, Nɛ kula dɔ kédé ɓa rɔnduba orè gée ɓəi.

Jeremi 34:20

m’a gə kuba dee kya̰ dee meḛ ji njéba̰je’g lə dee ləm, gə ji deḛ gə́ ndigi kar dee d’wəi ləm tɔ ndá nin dee a to nésɔ lə yelje gə daje.

Jeremi 9:23

Nɛ yeḛ gə́ ndigi kɔs gaji rəa ndá Maji karee ɔs gaji rəa Mbata yeḛ gər gosonégər Gə mbata gər gə́ yeḛ gərm ne ləm. Gə gər gə́ yeḛ gər To gə́ ma m’to Njesigənea̰, Gə́ njera meemaji gə njera né gə́ danasur, Gə njenéra gə́ gə dɔ najee dɔ naŋg nee ləm tɔ, Yee neelé ɓa gə́ né gə́ taa kəm rəgm, Njesigənea̰ ɓa pa bèe.

Ejekel 28:2

I ŋgon-dəw lé, ula mbai gə́ njeko̰ dəb ɓeeko̰ gə́ Tir pana: Mbaidɔmbaije gə́ Njesigənea̰ pana: I beelé məəi’g pana: I to Ala. I si dɔ kalimbai’g lə Ala ŋgaw dan baa-boo-kadje’g! Nɛ i lé to dəw ɓó to Ala el. I un né gə́ məəi ndigi aree taa tor né gə́ mee Ala ndigi.

Loo gə́ killa rea kəm Ja̰’g 19:17

Ma m’oo kura gə́ dara gə́ aar dan kàr’g. Yeḛ pata gə ndia gə́ boi wəl ula ne yelje lai gə́ d’aw pə̰ dara’g lé pana: Gə́ reeje mbo̰je dɔ na̰ ɓó gə raje naḭ lə Ala gə́ boi,

1 Samel 14:12

Njérɔje gə́ d’isi loo-si dee’g lé d’ula Jonatan gə yeḛ gə́ njekodo nérɔje ləa lé togə́bè pana: Tugaje loo reeje rɔ sí’g ndá j’a kar sí ooje né. Jonatan ula yeḛ gə́ njekodo nérɔje ləa lé pana: Tuga loo ree goom’g mbata Njesigənea̰ ɔm dee ji Israɛlje’g ya.

1 Samel 17:46

Ɓogənè Njesigənea̰ a kilai jim’g ndá m’a rɔ səi tuga dɔi gaŋg. Ɓogənè m’a kar nin kudu-njérɔje lə Pilistije to ka̰ yelje gə́ dara gə daje gə́ dɔ naŋg nee to gə́ nésɔ dee. Yee ɓa dəwje gə́ dɔ naŋg nee lai d’a gər to gə́ Ala lə Israɛlje si keneŋ gən ya.