1 Samel 17:4 - Maktub gə́ To gə Kəmee

⁴ Yen ŋga bao-rɔ kára unda loo mee loo-si Pilistije’g teḛ aar dan kudu-njérɔje gə́ joo’g lé. Débee neelé ria lə Goliat, yeḛ to dəw gə́ Gat, tɔɓəi yeḛ ŋgal as kəmkil dəw misa̰ gə gesee gə́ as tad lə pə̰ ko̰ ji dəw gə ŋgon jia gə́ rudu lé.

1 Samel 17:4 ပူးပေါင်းရင်းမြစ်များ

1 Sôrta Gḭka-Israɛlje 11:23

Yeḛ tɔl dəw gə́ Ejiptə gə́ ŋgalee as kəmkil dəw mi ləm, gə́ aw gə niŋga-ndəi gə́ to asəna gə kag kṵji kubu lə njekṵji kubu bèe jia’g ləm tɔ. Yeḛ aw rɔ səa gə kag-tɔs ba ndá yeḛ wa niŋga-ndəi lé ji dəw gə́ Ejiptə taa tɔlee ne.

Amɔs 2:9

Nɛ kédé lé neḛ n’tuji Amɔrje no̰ dee’g ya, Deḛ gə́ kagrɔ dee ŋgal to gə́ kag-sɛdrə bèe ləm, Siŋga dee kara to asəna gə kag-sɛnə bèe ləm tɔ, Neḛ n’tuji kandə dee gə́ tar ləm Gə ŋgira dee gə́ naŋg ləm tɔ.

Tel tura Godndu 3:11

Mbata dəw gə́ nai gə́ rudu ginkoji’g lə Repayimje gə karee ba lé, to Og. Tira ləa gə́ to gə́ larndul lé, to mee ɓee gə́ Rabat, ɓee-boo’g lə ŋgalə Amo̰. Ŋgalee as kəmkil dəw jinaikara ləm, tadee as kəmkil dəw sɔ ləm tɔ.

Jujé 11:22

Anak kára kara nai mee ɓee’g lə Israɛlje el, nɛ mee ɓeeje gə́ Gaja, gə Gat, gə Asdod ɓa deḛ nai keneŋ ya.

1 Samel 17:23

Loo gə́ yeḛ aar wɔji sə dee ta bèe-bèe ndá aa oo, Pilisti kára gə́ to dəw gə́ Gat gə́ ria lə Goliat lé ḭ dan Pilistije’g teḛ aar mbuna kudu-njérɔje gə́ gel joo’g lé. Yeḛ pata ləa to gə́ kédé lé ya ɓəi ndá Dabid oo ta lé tɔ.

1 Samel 17:3

Pilistije d’aar mbɔr mbal’d gə́ kel kára ləm, Israɛlje d’aar mbɔr mbal’d gə́ kelee gə́ raŋg’d ləm tɔ. Nɛ wəl-loo ɓa to mbuna dee’g.

1 Samel 17:5

Yeḛ ula dɔgugu gə́ ra gə larkas dəa’g ləm, gə nérɔ gə́ ndər pigiri-pigiri gə́ kwɔi ləa as nékwɔji kwɔi-lə-né rɔ-misa̰ kaaree’g ləm tɔ.

1 Samel 27:4

D’ula Sawul to gə́ Dabid aḭ aw Gat ndá yeḛ əw rəa ndolee ŋga.