1 Samel 17:37 - Maktub gə́ To gə Kəmee

³⁷ Dabid pa tɔɓəi pana: Njesigənea̰ gə́ njetaam ji toboḭ’g gə ji da-urs’g lé a taam ji dəw gə́ Pilisti gə́ nee bèe ya tɔ. Yen ŋga Sawul ula Dabid pana: Aw ndá maji kar Njesigənea̰ nai səi ya.

1 Samel 17:37 ပူးပေါင်းရင်းမြစ်များ

2 Samel 10:12

Wa rɔi kɔgərɔ ləm, ar sí j’waje diŋgam meḛ sí’g ləm tɔ mbata lə koso-dəwje lə sí ləm, gə mbata ɓee-booje lə Ala lə sí ləm tɔ ndá maji kar Njesigənea̰ ra né gə́ yeḛ oo gə́ né gə́ maji kəm ra ya.

1 Sôrta Gḭka-Israɛlje 22:11

Ɓasinè, ŋgonəm, maji kar Njesigənea̰ nai səi gə mba kari teḛkɔr ləm, gə mba kari unda kəi lə Njesigənea̰, Ala ləi to gə́ yeḛ pa taree wɔji ne dɔi lé ləm tɔ.

1 Sôrta Gḭka-Israɛlje 22:16

Larlɔr, gə larnda, gə larkas, gə larndul dum tura to keneŋ. Uba naŋg ḭta ra né ndá maji kar Njesigənea̰ nai səi ya.

Pakɔsje 11:1

Pa lə Dabid gə́ ar bao-pa mba karee ɔs sə dee lé. Ma lé njo̰loo-kula-dɔm to rɔ Njesigənea̰’g ya, Ŋga see gelee ban ɓa seḭ ulamje pajena: Maji kam m’aḭ gə́ dɔ mbalje’g lé to gə́ yel bèe wa.

Pakɔsje 118:6

Njesigənea̰ lé to njela səm, Ma m’ɓəl né kára kara el. See ɗi ɓa dəwje d’askəm ra səm ɓəi wa.

Pakɔsje 138:3

Mee ndɔ gə́ m’ɓar ne rii lé I ilam keneŋ am ne né gə́ m’aw ndée ya, I ula diŋgam məəm’g ləm, ar siŋgam ḭ dɔ maree’g ləm tɔ.

Pakɔsje 63:7

Loo gə́ m’ə̰ji m’teḛ dɔi’g loo-toom’g lé Ndá m’la̰ji dɔi’g loondul’g ya,

Pakɔsje 77:11

Ma m’pana: Né gə́ ula kəm ndòo lé To mbata jikɔl Njekurdɔloo lé to to gə́ kédé el.

Loo gə́ killa rea kəm Daniel’g 3:17

Aa oo, Ala lə sí gə́ jeḛ n’to kuraje ləa lé askəm kɔr sí mee bwa pər gə́ o̰ bilim-bilim’g lé kɔm sí tar ya, tɔɓəi yeḛ a kɔr sí jii-i mbai’g lé ya tɔ.

Jujé 1:17

J’a kilaje ŋgonkoji dɔi’g to gə́ j’ilaje ne ŋgonkoji dɔ Moyis’g dɔ néje’g lai lé togə́bè ya tɔ. Né kára ba lé maji kar Njesigənea̰, Ala ləi nai səi to gə́ yeḛ nai ne gə Moyis bèe ya tɔ.

Rudu 2:4

Aa oo, Boaj lé ḭ Betlehem ree tɔ ndá yeḛ ula njékinjakoje lé pana: Maji kar Njesigənea̰ nai sə sí. Deḛ tel d’ilá keneŋ pana: Maji kar Njesigənea̰ tɔr ndia dɔi’g tɔ.

1 Samel 17:36

To gə́ ma kura ləi m’tɔl ne toboḭ gə da-urs bèe lé ndá a to togə́bè gə dəw gə́ Pilisti gə́ nee gə́ to njelal kinja ta mɔdee lé to mbata yeḛ ula sul dɔ njérɔje’g lə Ala gə́ njesikəmba ya.

1 Samel 17:38

Sawul ar dee d’ula kubu-rɔje ləa-yeḛ rɔ Dabid’g ləm, d’ula dɔgugu larkas dəa’g ləma, d’ula nérɔ gə́ ndər pigiri-pigiri kaaree’g ləm tɔ.

1 Samel 20:13

maji kar Njesigənea̰ ra gə Jonatan nédɔkudu ya. Esé ɓó lé bɔm wɔji mba ra səi né gə́ majel kara m’a kulai ya tɔ ndá m’a kya̰’i kari aw gə meekulɔm tɔ. Maji kar Njesigənea̰ nai səi to gə́ yeḛ nai ne gə bɔmje kédé bèe tɔ.

1 Samel 24:19

Ɓogənè i riba dɔ meemaji ləi gə né gə́ i ra səm lé mbata Njesigənea̰ ilam jii’g ya nɛ i tɔlm el.

1 Samel 26:25

Yen ŋga Sawul ula Dabid pana: Maji kar dɔ ŋgonəm Dabid ai səgərə! I a teḛkɔr dɔ kula raije’g ya. Bèe ɓa Dabid un rəw ləa aw ləm, Sawul kara tel aw kəi ləa ləm tɔ.

1 Samel 7:12

Samel un mbal kára ila mbuna Mispa’g gə Seḭ’g ndá yeḛ ɓaree Eben-Ejer, mbata yeḛ pana: Njesigənea̰ la sə sí saar teḛ loo gə́ nee’g.