1 Samel 17:34 - Maktub gə́ To gə Kəmee

³⁴ Dabid ula Sawul pana: Ma kura ləi m’ul badje lə bɔm. Ndá loo gə́ toboḭ əsé da gə́ ɓaree urs ree gə mba kwa badə kára mbuna nékulje’g ndá

1 Samel 17:34 ပူးပေါင်းရင်းမြစ်များ

Gḭ-Néje 31:39

Deḛ gə́ daje gə́ wala d’wa dee lé ma m’tel gə yoo dee m’ari el nɛ ma nja ɓa m’ɔm mar deeje tor dee’g ya. Deḛ gə́ ɓogo dee jim’g dan kàrá gə dee gə́ ɓogo dee jim’g loondul’g kara i dəjim goo dee tɔ.

2 Samel 17:8

Tɔɓəi Usai pana: I gər bɔbije gə njérɔje ləa gao, deḛ to bao-rɔje gə́ ra oŋg yaa̰ asəna gə da-urs gə́ mee wala’d gə́ dəw wa ŋganeeje bèe. Bɔbije to njerɔ ndá yeḛ a to na̰’d gə koso-dəwje loondul’g nee el.

2 Samel 23:20

Benaja, ŋgolə Jeojoda, gə́ to ŋgolə dəw gə́ Kabseel lé yeḛ to gə́ kankəm dəw gə́ boo gə goo néreaje gə́ to ɓəl. Yeḛ tɔl toboḭje gə́ Moab joo. Yeḛ ur dɔ dee’g mee bwa’g loo gə́ yeḛ tɔl toboḭ kára mee ndəa gə́ ndi ər gə kwɔji lé.

1 Sôrta Gḭka-Israɛlje 11:22

Benaja, ŋgolə Jeojoda, gə́ to ŋgolə dəw gə́ Kabseel gə́ to gə́ kankəm bao-rɔ gə́ boo gə goo néreaje gə́ to ɓəl lé, tɔl bao-rɔje gə́ Moab joo gə́ to asəna gə toboḭje bèe. Yeḛ ur mee bwa-mán gə́ mán godo keneŋ tɔl ne yeḛ gə́ kára, mee ndɔ gə́ ndi ər gə kwɔji keneŋ lé.

Pakɔsje 143:5

M’ar məəm olé teḛ dɔ ndɔje gə́ kédé gə́ ləw lé ləm, M’la̰ji dɔ néraje’g ləi lai ləma, M’ə̰ji m’teḛ dɔ néje lai gə́ i ra gə jii ya ləm tɔ.

Ejekel 34:12

To gə́ njekulbadje tən ne badje ləa soo-soo loo gə́ yeḛ aar mbuna badje’g ləa lé, togə́bè ɓa neḛ kara n’a tel tən dəwje lə neḛ gə́ sanéna̰ ləm, n’a mbo̰ dee gə looje lai gə́ deḛ sanéna̰ keneŋ mee ndəa gə́ mum oso əsé loo dəb bigim lé ləm tɔ.

Amɔs 3:12

Njesigənea̰ ɓa pa togə́bè pana: Loo gə́ toboḭ wa nékul ndá Njékulbadje tɔr gɔl nékul gə́ joo Esé dɔ mbia gə́ kára ta toboḭ’g bèe lé Togə́bè Israɛlje gə́ d’isi Samari Gə́ to dɔ tira’g əsé d’isi dɔ kubu kila naŋg’d gə́ Damas lé kara Njesigənea̰ a kaji dee togə́bè ya tɔ.

Jakari 11:16

Mbata aa oo, n’a kar njekulbadje gə́ raŋg kára ḭ mee ɓee’g neelé gə́ mée a to dɔ badje gə́ d’isi tuji lé el. Yeḛ a kaw saŋg ŋgan badje el ləm, yeḛ a tɔ ta doo lə deḛ gə́ d’iŋga lé el ləm, yeḛ a kaa dɔ deḛ gə́ rɔ dee to kari el ləm tɔ. Nɛ yeḛ a sɔ deḛ gə́ d’ər ndəb-ndəb ləm, yeḛ a sɔ deḛ gə́ d’ər ndəb-ndəb saar teḛ ne mèr gɔl dee gə́ naŋg ləm tɔ.

Jakari 9:7

N’a kɔr da məs gə́ to ta dee’g ləm, Gə néje gə́ mina̰ gə́ to pə̰ ŋgaŋ dee’g ləm tɔ, Njé’g lə dee gə́ nai lé kara d’a tel to gə́ ka̰ Ala lə sí, D’a to kasəna gə mbaije gə́ Juda ləm, Njé gə́ Ekro̰ d’a tel to kasəna gə Yebusje bèe ləm tɔ.

Lugu 2:8

Njéŋgəmbadje d’isi wala dəb loo gə́ kára bèe d’isi ŋgəm koso-badje lə dee keneŋ, to dan loo’g.

Tagə́maji gə́ Ja̰ ndang 10:11

Ma m’to njekulbadje gə́ gəd. Njekulbadje gə́ gəd lé ya̰ rəa yag mbata lə badje ləa.

Njé gə́ Rɔmə 5:4

meekila lé tel meekai ləma, meekai lé gə́ kuma̰ meekundayel ləm tɔ.

Ǝbrəje 11:33

Meekun lé ɓa deḛ neelé d’un ne baŋga dɔ ɓeeko̰je’g ləm, d’ɔr ne kəmta lə koso-dəwje ləm, d’iŋga ne ndukun gə́ wɔji dɔ dee ləma, ndèm ne ta toboḭje sud-sud ləm tɔ.

Loo gə́ killa rea kəm Ja̰’g 13:2

Da gə́ ma m’ée lé to tana gə kàg. Gɔlee to tana gə gɔl da-urs nɛ təa to asəna gə ta toboḭ. Dakɔb lé ar kàg siŋgamoŋ ləa-yeḛ ləm, aree kalimbai ləa-yeḛ ləma, aree si gə́ dəw dɔ dee ləm tɔ.

Njéga̰g-Rəwtaje 14:6

Yen ŋga ndil Njesigənea̰ dəb dɔ Samso̰’g, Samso̰ lé né kára kara godo jia’g nɛ yeḛ ti toboḭ neelé mbidi-mbidi to gə́ ti ne ŋgon bya̰ bèe. Né gə́ yeḛ ra lé yeḛ pa taree ar bɔbeeje gə kea̰je d’oo el ya saar.

1 Samel 17:15

Dabid ḭ rɔ Sawul’g tel aw Betlehem mba kul badje lə bɔbeeje lé.

1 Samel 17:33

Sawul ula Dabid pana: I askəm kaw rɔ gə dəw gə́ Pilisti neelé el mbata i to ŋgon ba nɛ yeḛ lé to dəw gə́ to goŋ-rɔ gə basee ba.

1 Samel 17:35

ma m’aḭ gée’g m’kundá m’wa badə lé təa’g m’taa. Nɛ ɓó lé yeḛ aar naŋg mba rɔ səm ndá ma m’wa gwɔsee kègègè m’kundá m’tɔlee tɔ.