1 Samel 17:32 - Maktub gə́ To gə Kəmee

³² Dabid ula Sawul pana: Maji kar dəw kára kara maḭ gə́ rəa mbata lə dəw gə́ Pilisti gə́ nee el! Ma kura ləi m’a kaw rɔ səa ya.

1 Samel 17:32 ပူးပေါင်းရင်းမြစ်များ

Pakɔsje 3:6

M’to naŋg m’toɓi Ɓa m’ndel dɔ ɓi’g ɓəi Mbata Njesigənea̰ ɓa to njegədm ya.

Esai 35:4

Ulaje deḛ gə́ meḛ dee to kəgəgə lé pajena: Waje diŋgam meḛ sí’g ɓó ɓəlje el, Aa ooje, Ala lə sí lé yeḛ a ree dal ba̰ lə sí Kuga ne dɔ ji deḛ gə́ ra sə sí majel, Yeḛ a ree gə rəa-yeḛ nja mba kaji sí.

Esai 7:4

Maji kari ulá pana: Məəi dɔ rɔi’g ɓó ɓəl ləm, ar kaari ndəb no̰ oŋg’d lə Resin gə Aramje gə no̰ ŋgolə Remalia’g el ləm tɔ. Deḛ lé to dɔdum kagje gə́ joo gə́ sa tuu keneŋ ba.

Bula lə Israɛlje 13:30

Koso-dəwje gə́ jém ta ndɔl ne Moyis lé Kaleb ar dee d’əw rɔ dee pata. Yeḛ pana: Ar sí j’awje ɓasinè j’aw n’taaje ɓee neelé, tɔgərɔ ya, j’a dum dee kun ne baŋga dɔ dee’g ya.

Bula lə Israɛlje 14:9

Nɛ maji kar sí ḭje ɔsje Njesigənea̰ rəw el ləm, ɓəlje dəwje gə́ mee ɓee’g neelé el ləm tɔ mbata d’a to naḭ dɔ muru lə sí ləm, né gə́ njetaa dɔ dee godo ləm tɔ: Njesigənea̰ nai sə sí ya ɓó ɓəl deeje el!

Ǝbrəje 12:12

Gelee gə́ nee ɓa ji sí gə́ unda ndolè lé ar deeje ɓar mèr-mèr ləm, kəji sí gə́ unda bala kara aarje ne tar jigiri ləm tɔ.

Jujé 14:12

Bèe ndá am mbal gə́ neelé gə́ Njesigənea̰ pa taree mee ndəa gən lé, mbata i oo ta lə Anakje gə́ d’isi keneŋ ləm, ɓee-booje gə́ boi-boi gə́ ndògo-bɔrɔ gugu dɔ dee to keneŋ ləm tɔ. Ɓó lé Njesigənea̰ a nai səm ndá m’a tuba dee gə́ raga to gə́ Njesigənea̰ pa ne taree lé ya.

1 Samel 14:6

Jonatan ula basa gə́ odo nérɔje ləa lé pana: Gə́ ree ar sí j’aw saar n’teḛje loo-si njé gə́ lal kinja tamɔd dee’g. Banelə Njesigənea̰ a ra né mbata lə sí mbata Njesigənea̰ lé ɓó lé njé gə́ ləa jebəre ba əsé deḛ bula kara né gə́ njekɔgee loo kaji dəwje lé godo.

1 Samel 16:18

Yeḛ gə́ kára mbuna kuraje’g un ta pa pana: Aa ooje, ma m’oo ŋgolə Isai, dəw gə́ Betlehem gə́ gər kim né maji. Yeḛ to dəw gə́ siŋga to kɔgərɔ-kɔgərɔ gə́ to bao-rɔ ləm, pata maji ləm, kura kəmee’g yaa̰ ləma, Njesigənea̰ nai səa ləm tɔ.

1 Samel 17:31

Loo gə́ d’oo ta gə́ Dabid pa lé ndá d’aw ndaji taree d’ar Sawul oo ndá yeḛ ar dee d’aw ndolee ree səa rəa’g.