1 Samel 17:28 - Maktub gə́ To gə Kəmee

²⁸ Eliab, ŋgokea̰ gə́ to tɔg lə dee lé loo gə́ oo ta gə́ yeḛ dəji njérɔje neelé ndá mée ḭ səa jugugu gə oŋg dɔ Dabid’g. Ndá yeḛ pana: See ɗi ɓa i ree gə́ mbəa wa. See na̰ ɓa i ya̰ badje gə́ bula lam ba lé jia’g dɔdilaloo’g wa. Ma m’gər beelé gə goso gə́ to məəi’g gao. I ree gə mba koo rɔ ɓa.

1 Samel 17:28 ပူးပေါင်းရင်းမြစ်များ

Gḭ-Néje 37:11

Ŋgakea̰je lé ra kəmkəḭ dəa’g nɛ bɔbeeje ɓa ŋgəm ta neelé mée’g.

Gḭ-Néje 37:4

Ŋgakea̰je lé d’oo to gə́ bɔ deeje undá dan kəmee’g unda deḛ lai ndá d’wá gə meḛ dee. Bèe ɓa deḛ d’oo loo mba kwɔji səa ta gə meenoji el.

Gḭ-Néje 37:8

Ŋgakea̰je dəjee pana: See i a to mbai dɔ síjeḛ’g wa. See i a ko̰ɓee dɔ síjeḛ’g ya wa. Yen ɓa deḛ d’wá gə meḛ dee unda nje gə́ kédé mbata ta ni ləa ləm, gə tapea ləm tɔ.

2 Sôrta Gḭka Israɛlje 11:18

Roboam taa Mahalat, ŋgolə Jerimot gə́ to ŋgolə Dabid gə́ kea̰je ria lə Abikayil, ŋgolə Eliab gə́ to ŋgolə Isai lé gə́ dené ləa.

Pakɔsje 35:11

Njékɔrgootaje gə́ ŋgɔm d’uba naŋg d’ḭ, Deḛ dəjim ta dɔ né gə́ m’gər ginee’g el.

Gosota-Kəmkàrje 18:19

Gɔl ŋgako̰ na̰je gə́ tḭ na̰ lé Kədərə yaa̰ unda gɔl ɓee-boo ləm, Takɔlje lə dee kara To asəna gə pəgərə-larje gə́ ta kəi-gad’g lə mbai ləm tɔ.

Gosota-Kəmkàrje 27:4

Meekḭ jugugu to néra gə́ bɔsɔsɔ ləm, Oŋg al dɔ loo sula ləm tɔ, Nɛ see na̰ ɓa askəm kar gəs no̰ ra jaŋg’d wa.

Njekillamber 4:4

Ma m’oo to gə́ kula gə́ rara gə goso kula gə́ rara lé Ar kəm njeboatakəi lə debee neelé əḭ dəa’g. Yee nee kara to né gə́ gə mḭdé ba ya ləm To gə́ ŋgwɔd gə́ kaḭ goo lel’g ləm tɔ.

Matiyo 10:36

Njémeekəije kara d’a to njéba̰je lə njekəi ya.

Matiyo 27:18

Mbata yeḛ gər gao, kəmkəḭ ɓa d’ila ne Jeju jia’g.

Mark 3:21

Loo gə́ njénojije ləa d’oo ndá deḛ ree gə mba kɔree kaw səa, mbata deḛ pana: Yeḛ lé dəa tel wagəsa ŋga.

Jude 1:10

Dəwje neelé né gə́ deḛ d’oo gəd el kara d’ila ndɔl dɔ’g ləm, d’aw gə́ sin asəna gə daje gə́ d’aw gə́ kaw ɓó d’ə̰ji ta meḛ dee’g el ɓa deḛ tuji ne bèe.

1 Samel 16:13

Samel un ubu gə́ ku-gaji-da’g lé ndá yeḛ wa ne dəa mbuna ŋgakea̰je’g tɔ. Ndil Njesigənea̰ dəb dɔ Dabid’g un kudee mee ndəa’g neelé saar gə́ kédé tɔ. Samel ḭ tel aw Rama.

1 Samel 16:7

Nɛ Njesigənea̰ ula Samel pana: Maji kari oo rəa gə́ raga el ləm, əsé kagrea gə́ ŋgal el ləm tɔ mbata ma mbəree el. Mbata Njesigənea̰ lé oo né to gə́ dəw oo né bèe el. Dəw lé né gə́ oo gə kəmee ɓa yeḛ oo gə́ né, nɛ Njesigənea̰ lé mee dəw ɓa yeḛ oo ya.

1 Samel 17:29

Dabid ilá keneŋ pana: See ɗi ɓa m’ra wa. See to ta ɓa m’dəji dee el wa.