1 Samel 17:25 - Maktub gə́ To gə Kəmee

²⁵ Nana kara pa pana: See ooje dəw gə́ teḛ ree aar neelé ya wa. Yeḛ ree gə mba kuma-rɔ Israɛlje ɓa! Ɓó lé dəw a tɔlee ndá mbai a dəaa gə nébaoje ləm, a karee ŋgonee gə́ dené ləa ləma, njémeekəije lə bɔbeeje kara a kɔr ta dɔ dee’g kar dee d’isi lɔm mee ɓee gə́ Israɛl ləm tɔ.

1 Samel 17:25 ပူးပေါင်းရင်းမြစ်များ

Esdras 7:24

Jeḛ j’ula sí ta gə́ wɔji dɔ njékinjanéməsje lai ləm, gə Ləbije ləm, gə bao-paje ləm, gə njéŋgəm tarəwje ləm, gə njéra kula kəi-Ala’d gə́ raje ləma, gə kuraje gə́ mee kəi’g lə Ala lai neelé ləm tɔ, mba kar sí ooje to gə́ to kəm kar dee-deḛ neelé d’uga nékoga-dɔ-rɔ dee el ləm, gə négədɓee el ləma, d’a kuga rəw ɓa dəs’g el ləm tɔ.

Matiyo 17:26

Piɛrə ilá keneŋ pana: Deḛ gə́ to gə́ njékwagirlooje ɓa deḛ taa ji dee’g ya. Jeju ilá keneŋ pana: Bèe ndá ŋgan meḛ deeje lé d’ɔr kəm dee d’ya̰ dee.

Jujé 15:16

Kaleb pana: Nana ɓa gə́ a rɔ gə Kirjat-Seper dum dəa təa loo ndá m’a karee ŋgonəm Aksa gə́ dené ləa.

Loo gə́ killa rea kəm Ja̰’g 2:17

Nana ɓa gə́ mbia to gən ndá maji karee oo ne ta gə́ Ndil ɓa ula Eglisəje: Yeḛ gə́ a kun baŋga ndá m’a karee muru gə́ ḭ dara gə́ to loo-kiya’g ɓəi ləm, m’a karee j’ər gə́ nda ləm tɔ. Dɔ jər gə́ nda lé d’a ndaŋg ria gə́ sigi gə́ dəw kára kara gər el lé keneŋ, yeḛ gə́ njekiŋga ri lé ɓa a gər.

Loo gə́ killa rea kəm Ja̰’g 2:7

Yeḛ gə́ mbia to gən ndá maji karee oo ne ta gə́ Ndil nja ɓa ula Eglisəje. Dəw gə́ a kun baŋga ndá m’a karee sɔ kandə kag kəmə gə́ to mee paradis’g lə Ala lé ya.

Loo gə́ killa rea kəm Ja̰’g 3:12

Yeḛ gə́ a kun baŋga ndá m’a karee to gaji ŋgɔ-kag gəd kəi-Ala ləm ləm, m’a karee nai keneŋ gə no̰ ɓó a teḛ kaw raga el ləm tɔ. M’a ndaŋg ri Ala ləm rəa’g ləm, gə ri ɓee lə Ala gə́ to Jerusalem gə́ sigi gə́ ḭ dara ɓee lə Bɔm ɓa ree naŋg nee rəa’g ləma, gə rim-ma gə́ sigi rəa’g ləm tɔ.

Loo gə́ killa rea kəm Ja̰’g 3:21

Yeḛ gə́ a kun baŋga lé m’a karee si səm kalimbai’g ləm, to gə́ ma nja m’un baŋga m’isi ne gə Bɔm kalimbai’g ləa-yeḛ lé tɔ.

Loo gə́ killa rea kəm Ja̰’g 3:5

Yeḛ gə́ a kun baŋga ndá m’a kula kubu gə́ nda rəa’g. M’a tuji ria mee maktub kəmə’g lé nda̰ el ləm, m’a teḛ gə ria gə́ raga no̰ Bɔm’g gə no̰ kuraje ləa gə́ dara ləm tɔ.

1 Samel 17:24

Loo gə́ Israɛlje lai d’oo dəw neelé ndá deḛ d’aḭ nea̰’g mbata siŋgasa wa dee.

1 Samel 17:27

Njérɔje tel d’ulá ta to gə́ kédé lé ya tɔɓəi pana: Dəw gə́ njetɔlee lé d’a ra səa né togə́bè ya.