1 Samel 16:19 - Maktub gə́ To gə Kəmee

¹⁹ Sawul ula njékaḭkulaje rɔ Isai’g mba kar dee d’ulá pana: Ula gə ŋgoni Dabid gə́ to njekaw gə badje lé aree ree rɔm’g nee.

1 Samel 16:19 ပူးပေါင်းရင်းမြစ်များ

1 Mbaije 19:19

Eli ḭ lée’g nee aw iŋga Elije, ŋgolə Sapat gə́ aar ndɔ-ndɔ. Maŋgje joo-joo loo dɔg-gir-dee-joo d’aw nea̰’g ndá yeḛ orè goo dee gə dee gə́ d’ɔm dee’g dɔg-gir-dee-joo lé tɔ. Eli aw pər gə́ rəa’g ndá yeḛ ila kubu ləa gə́ boi yul dəa’g.

Pakɔsje 113:8

Gə mba kar dee d’isi na̰’d gə dəwje gə́ boo Deḛ gə́ to mbaije mbuna koso-dəwje’g ləa.

Amɔs 1:1

Taje lə Amɔs gə́ to yeḛ gə́ kára mbuna njékulbadje’d gə́ Tekoa lé. Némḭdije gə́ yeḛ oo wɔji dɔ Israɛl mee ndəa gə́ Ojias to ne mbai gə́ Juda ləm, Jeroboam, ŋgolə Joas to ne mbai gə́ Israɛl ləm tɔ lé ləb joo ɓad ɓa kar naŋg yə ɓəi lé.

1 Samel 16:11

Tɔɓəi Samel dəji Isai pana: See ŋganije ya lai nee ŋga wa. Ndá yeḛ ilá keneŋ pana: Yeḛ gə́ ndɔḭ ɓa nai nɛ yeḛ aw ul badje. Yen ŋga Samel ula Isai pana: Ula kula ɓaree mbata j’a si ta nésɔ’g el saar karee yeḛ a ree ɓa.

1 Samel 16:18

Yeḛ gə́ kára mbuna kuraje’g un ta pa pana: Aa ooje, ma m’oo ŋgolə Isai, dəw gə́ Betlehem gə́ gər kim né maji. Yeḛ to dəw gə́ siŋga to kɔgərɔ-kɔgərɔ gə́ to bao-rɔ ləm, pata maji ləm, kura kəmee’g yaa̰ ləma, Njesigənea̰ nai səa ləm tɔ.

1 Samel 16:20

Isai wa mulayḛ̀je ndá yeḛ un muru ləm, gə ɓɔl-mán-nduú gə́ mḭ ləma, gə ŋgon bya̰ ləm tɔ, tɔ dee dəa’g ndá ula gə néje neelé ar ŋgonee Dabid aw ne ar Sawul.

1 Samel 17:15

Dabid ḭ rɔ Sawul’g tel aw Betlehem mba kul badje lə bɔbeeje lé.