1 Samel 16:18 - Maktub gə́ To gə Kəmee

¹⁸ Yeḛ gə́ kára mbuna kuraje’g un ta pa pana: Aa ooje, ma m’oo ŋgolə Isai, dəw gə́ Betlehem gə́ gər kim né maji. Yeḛ to dəw gə́ siŋga to kɔgərɔ-kɔgərɔ gə́ to bao-rɔ ləm, pata maji ləm, kura kəmee’g yaa̰ ləma, Njesigənea̰ nai səa ləm tɔ.

1 Samel 16:18 ပူးပေါင်းရင်းမြစ်များ

Gḭ-Néje 39:2

Njesigənea̰ nai gə Jisəb ar teḛkɔr ləa dan gée. Yeḛ si kəi lə ɓéeje gə́ to dəw gə́ Ejiptə lé.

Gḭ-Néje 39:23

Mbai gə́ njeŋgəm kəi-daŋgai lé oo goo né kára kara gə́ to ji Jisəb’g lé el mbata Njesigənea̰ nai gə Jisəb ya. Njesigənea̰ lé ar kula reaje lai teḛkɔr tɔ.

2 Samel 14:20

To mba kun ta né neelé pa gə gosee ɓa kura ləi Joab ra ne né neelé gə mbəa. Nɛ mbai ləm tɔ njekəmkàr asəna gə kura lə Ala gə́ dara bèe mba gər ne néje lai gə́ dəs dɔ naŋg nee lé ya.

2 Samel 17:10

Bèe ɓa bao-rɔje gə́ to njésiŋgamoŋje lé lé meḛ dee to asəna gə mee toboḭ ya kara meḛ dee a gaŋg mán. Mbata Israɛlje lai gər to gə́ bɔbije to bao-rɔ ləm, deḛ gə́ d’aw səa kara to bao-rɔje ya ləm tɔ.

2 Samel 17:8

Tɔɓəi Usai pana: I gər bɔbije gə njérɔje ləa gao, deḛ to bao-rɔje gə́ ra oŋg yaa̰ asəna gə da-urs gə́ mee wala’d gə́ dəw wa ŋganeeje bèe. Bɔbije to njerɔ ndá yeḛ a to na̰’d gə koso-dəwje loondul’g nee el.

Gosota-Kəmkàrje 12:8

Dəw lé iŋga pidi gə goo gosonégər ləa, Nɛ dəw gə́ mée aw kori-kori lé tel to nékunda kḭdi.

Matiyo 1:23

Aa oo, ŋgoma̰də a taa kèm ndá a koji ŋgon gə́ diŋgam, D’a kunda ria lə Emanuɛl (tel ta koji sí, Ala nai sə síjeḛ).

Matiyo 28:20

Ndoo deeje mba kar dee gər loo kaa dɔ néje lai gə́ m’un ndum m’ar sí lé. Aa ooje ma nja kara m’orè sə sí rəw na̰’d més saar ndɔ gə́ rudu naŋg nee a kun ɗiao.

1 Samel 10:7

Loo gə́ nétɔjije neelé d’aw lée’g béréré dɔi’g ndá maji kari ra né gə́ i iŋga loo rəa mbata Ala nai səi ya.

1 Samel 16:12

Isai ula kula ɓaree aree ree. Yeḛ lé kas pèl-pèl ləm, kəmee turu sia̰-sia̰ ləma, kura yaa̰ ləm tɔ. Njesigənea̰ ula Samel pana: Ḭta, wa dəa gə ubu mbata to yeḛ ya!

1 Samel 16:17

Sawul ila kuraje ləa keneŋ pana: Maji kar sí iŋgaje dəw gə́ njekim né maji ya reeje səa amje.

1 Samel 16:19

Sawul ula njékaḭkulaje rɔ Isai’g mba kar dee d’ulá pana: Ula gə ŋgoni Dabid gə́ to njekaw gə badje lé aree ree rɔm’g nee.

1 Samel 17:12

Dabid lé to ŋgolə Isai, dəw gə́ Eprata gə́ si Betlehem dɔ naŋg gə́ Juda gə́ ŋganeeje jinaijoo. Mee ndəa’g lə Sawul lé Isai lé ləbee bula yaa̰ aree ɓuga yaa̰.

1 Samel 3:19

Samel ra tɔg. Njesigənea̰ nai səa ar taje ləa lai aw lée’g béréré ya.