1 Samel 16:14 - Maktub gə́ To gə Kəmee

¹⁴ Ndil Njesigənea̰ uba Sawul yá̰ ndá ndil gə́ yèr gə́ Njesigənea̰ ulá ɓa ree jɔgee.

1 Samel 16:14 ပူးပေါင်းရင်းမြစ်များ

2 Samel 7:15

Nɛ m’a kya̰ goo meemaji ləm gə́ wɔji dəa to gə́ m’ya̰ ne goo ka̰ Sawul gə́ si nea̰’g bèe lé el.

1 Mbaije 22:19

Togə́bè Mise pana: Maji kari oo ta lə Njesigənea̰ ɓa! M’a m’oo Njesigənea̰ si dɔ kalimbai’g ləa ndá boo-njérɔje gə́ dara lai d’aar mbɔree’g dɔ jikɔlee’g ləm, gə dɔ jigelee’g ləm tɔ.

1 Mbaije 22:22

Yeḛ ilá keneŋ pana, M’a teḛ raga ndá m’a tel to ndil gə́ njetaŋgɔm ta njéteggintaje’g ləa lai. Njesigənea̰ ulá pana: I a su kəmee ndá i a dumee ya, aw ra togə́bè ya!

Pakɔsje 51:11

Maji kari un kəmi dɔ kaiya ramje’g rəw ləm, Tuji néra kori-korije ləm lai ləm tɔ.

Ojee 9:12

Ɓó lé d’odo ŋgan deeje kara M’a taa dee ji dee’g kédé ɓó d’a tɔg el, Meeko̰ a koso dɔ dee’g loo gə́ m’a kuba dee kya̰ dee lé.

Njéga̰g-Rəwtaje 16:20

Tɔɓəi yeḛ pana: Samso̰, Pilistije d’aar dɔi’g nee! Ndá yeḛ uba naŋg dɔ ɓi’g ḭ pa mée’g pana: N’a teḛ nar rɔ neḛ to gə́ kédé lé ləm, n’a kunda rɔ neḛ gaŋg ləm tɔ. Nɛ yeḛ gər to gə́ Njesigənea̰ ubá yá̰ mba̰ lé bèe el.

Njéga̰g-Rəwtaje 16:29

Bèe ɓa Samso̰ wa kagje gə́ joo gə́ dana bab gə́ kəi to dɔ’g lé ndá yeḛ nduna rəa keneŋ, kára to dɔ jikɔlee’g ləm, kára to dɔ jigelee’g ləm tɔ.

Njéga̰g-Rəwtaje 9:23

Tɔɓəi Ala ar ta tḭ-na̰ oso mbuna Abimelek’g gə njé gə́ Sikem ndá dəwje gə́ d’isi Sikem lé d’ila ŋgonkoji dɔ Abimelek’g el

1 Samel 11:6

Loo gə́ Sawul oo ta néje neelé ndá Ndil Ala dəb dəa’g ar oŋg ḭ səa pu tɔ.

1 Samel 16:15

Kuraje lə Sawul d’ulá pana: Aa oo, ndil gə́ yèr gə́ Ala ɓa ulá lé ɓa aw jɔgi.

1 Samel 16:16

Maji kar mbai lə sí pata! Kuraje ləi d’aar nɔḭ’g ndá d’a kaw saŋg dəw gə́ gər kim kṵdu-ko̰dè ɓó loo gə́ ndil gə́ yèr gə́ Ala ulá lé ree dɔi’g ndá yeḛ a kim né kari si ne lɔm ya.

1 Samel 16:23

Togə́bè ɓa loo gə́ ndil gə́ yèr gə́ Njesigənea̰ ulá lé ree dəb dɔ Sawul’g ndá Dabid un kṵdu-ko̰dè im. Yen ɓa Sawul taa kəmə si ne lɔm, tɔɓəi ndil gə́ yèr lé sa rəa rəa’g aw tɔ.

1 Samel 18:10

Bèlè lookàree ndá ndil gə́ yèr gə́ Ala ulá lé ree ula kəm Sawul ndòo aree si aa loo gəl-gəl mee kəi’g ləa. Dabid lé si im né to gə́ yeḛ im ne né ndɔje gə́ kédé’g ləm, Sawul si gə ko̰-niŋga ləa jia’g ləm tɔ.

1 Samel 18:12

Sawul ɓəl Dabid mbata Njesigənea̰ nai gə Dabid nɛ yeḛ uba Sawul yá̰.

1 Samel 28:15

Samel dəji Sawul pana: See gelee ban ɓa i jɔgm am m’unda loo m’teḛ wa. Sawul ilá keneŋ pana: M’isi dan boo-néurti’g. Pilistije ree rɔ səm ndá Ala ɔr rəa rɔm’g. Yeḛ ilam ta gə́ gə ndu njéteggintaje el ləm, gə nije el ləm tɔ. Yee gə́ bèe ɓa m’ɓari ne mba kari am m’gər ne né gə́ kəm ra ya.