1 Samel 16:13 - Maktub gə́ To gə Kəmee

¹³ Samel un ubu gə́ ku-gaji-da’g lé ndá yeḛ wa ne dəa mbuna ŋgakea̰je’g tɔ. Ndil Njesigənea̰ dəb dɔ Dabid’g un kudee mee ndəa’g neelé saar gə́ kédé tɔ. Samel ḭ tel aw Rama.

1 Samel 16:13 ပူးပေါင်းရင်းမြစ်များ

2 Samel 12:7

Yen ŋga Natan ula Dabid pana: Dəw neelé to i ya! Njesigənea̰ Ala lə Israɛlje pa togə́bè pana: Neḛ n’wa dɔi gə ubu n’undai gə́ mbai lə Israɛlje ləm, neḛ n’ɔri ji Sawul’g ləm tɔ.

2 Samel 2:4

Koso-dəwje gə́ Juda ree d’wa dɔ Dabid gə ubu mba kundá gə́ mbai lə Judaje. Deḛ d’ula Dabid pana: Dəwje gə́ Jabɛs gə́ Galaad ɓa d’ubu Sawul.

2 Samel 23:1

Aa ooje, rudu taje lə Dabid ɓa nee: Ta lə Dabid, ŋgolə Isai. Ta lə dəw gə́ si tar ndoi, Yeḛ gə́ Ala lə Jakob wa dəa gə ubu, Njekɔspa lə Israɛlje gə́ lel.

2 Samel 5:3

Togə́bè ɓa ŋgatɔgje gə́ Israɛl lai ree rɔ mbai’g mee ɓee gə́ Ebro̰ ndá mbai Dabid lé man rəa ar dee no̰ Njesigənea̰’g mee ɓee’d gə́ Ebro̰. Deḛ d’wa dəa gə ubu d’undá ne gə́ mbai lə Israɛlje.

2 Mbaije 9:6

Jehu uba naŋg ḭ aw mee kəi’g ndá basa lé tər ubu dəa’g ulá ne pana: Njesigənea̰, Ala lə Israɛlje pa togə́bè pana: N’wa dɔi gə ubu n’undai gə́ mbai gə́ Israɛl dɔ koso-dəwje’g lə Njesigənea̰.

1 Sôrta Gḭka-Israɛlje 11:3

Togə́bè ɓa ŋgatɔgje gə́ Israɛl lai ree rɔ mbai’g mee ɓee gə́ Ebro̰ ndá Dabid man rəa ar dee mee ɓee gə́ Ebro̰ no̰ Njesigənea̰’g lé. Deḛ d’wa dɔ Dabid gə ubu d’aree to mbai gə́ Israɛl gə goo ta gə́ Njesigənea̰ ar Samel pa lé.

Pakɔsje 89:20

Yen ɓa i pa ne ta ar majikojije d’oo ne né gə́ mḭdi pana: N’aw n’la gə bao-siŋgamoŋ lé N’ɔr basa kára mbuna koso-dəwje’g ya.

Pakɔsje 89:21

Neḛ n’iŋga Dabid, kura lə neḛ N’wa dəa gə ubu lə neḛ gə́ to gə kəmee,

Bula lə Israɛlje 11:17

M’a ree kwɔji səi ta lée’g neelé ndá m’a kai ndil gə́ to dɔi’g lé kɔm dɔ dee-deḛ’g to mba kar dee taa ne səi nékodo gə́ wɔi gə́ to koso-dəwje lé to ɓó kari-i ɓa odo dee gə kari ba el ŋga.

Bula lə Israɛlje 27:18

Njesigənea̰ ula Moyis pana: Ɔr Josué, ŋgolə Nun, dəw gə́ ndil taa mée lé ndá i a kila jii dəa’g.

Tagə́maji gə́ Ja̰ ndang 3:34

mbata yeḛ gə́ Ala ulá lé tapa Ala lé ɓa yeḛ pa mbata Ala lé aree Ndilee gə́ kar ɓó wɔji el.

Néra Njékaḭkulaje 13:22

Tɔɓəi loo gə́ yeḛ uba Sawul yá̰ ndá yeḛ tel ɔr Dabid gə́ mbai lə dee aree ɔr goo taree pana: Neḛ n’iŋga Dabid, ŋgolə Isai dəw gə́ ḭ mee neḛ’g gə́ a ra torndu neḛ karee ɔr rɔd.

Ǝbrəje 1:9

I lé unda meekarabasur dan kəmi’g nɛ néra gə́ yèr lé i ə̰ji bəḭ-bəḭ, Gelee gə́ nee ɓa, əi Ala, gə́ to Ala ləi lé Wa ne dɔi gə ubu gə́ ka̰ rɔlel Undai ne gə kəmee unda kuramarije.

Ǝbrəje 11:32

See ta ɗi ɓa m’a pa tɔɓəi wa, Gedeo̰ ləm, gə Barak ləm, gə Samso̰ ləm, gə Jepte ləm, gə Dabid ləm gə Samel ləma, gə njéteggintaje ləm tɔ lé m’oo loo pata kwɔji ne dɔ dee el.

Njéga̰g-Rəwtaje 11:29

Togə́bè ɓa Ndil Njesigənea̰ ɔm dɔ Jepte’g. Yeḛ unda Galaad gə Manasə dana gaŋg, dəs aw Mispé gə́ to dɔ naŋg gə́ Galaad, tɔɓəi yeḛ ḭ Mispé gə́ to dɔ naŋg gə́ Galaad lé ɔr rɔ aw iŋga Amo̰je.

Njéga̰g-Rəwtaje 13:25

Bèe ɓa Ndil Njesigənea̰ un kudu kɔs ŋgon neelé ɓɔḭ-ɓɔḭ mee loo gə́ Mahané-Da̰’g, mbuna Sorea’g gə gə́ Estaol’g tɔ.

Njéga̰g-Rəwtaje 14:6

Yen ŋga ndil Njesigənea̰ dəb dɔ Samso̰’g, Samso̰ lé né kára kara godo jia’g nɛ yeḛ ti toboḭ neelé mbidi-mbidi to gə́ ti ne ŋgon bya̰ bèe. Né gə́ yeḛ ra lé yeḛ pa taree ar bɔbeeje gə kea̰je d’oo el ya saar.

Njéga̰g-Rəwtaje 3:10

Tɔɓəi Ndil Njesigənea̰ dəb dəa’g aree tel to njegaŋ-rəwta mee ɓee gə́ Israɛl. Yeḛ teḛ aw gə mba rɔ ndá Njesigənea̰ ya̰ Kusan-Risəatayim, mbai gə́ Mesɔpotami lé jia’g ndá jia gə́ ɓar mèr-mèr lé aree dum ne dəa ya.

1 Samel 1:19

Deḛ d’ḭ gə ndɔ rad tɔɓəi loo gə́ d’aw d’unda barmba no̰ Njesigənea̰’g mba̰ ndá deḛ tel d’aw mee kəi’g lə dee gə́ to Rama lé. Elkana to gə An gə́ dené ləa lé ndá Njesigənea̰ ar mee olé dəa’g.

1 Samel 10:1

Samel un ku-ubu ndá yeḛ tər dɔ Sawul’g. Yeḛ il ɓɔlee tɔɓəi pana: See Njesigənea̰ ɓa tər ubu dɔi’g mba kari to mbai dɔ né kea̰ yeḛ’g el wa.

1 Samel 10:6

Ndil Njesigənea̰ a dəb dɔi’g ndá i a tegginta sə dee na̰’d, tɔɓəi a tel to ne dəw gə́ ɓəd.

1 Samel 11:6

Loo gə́ Sawul oo ta néje neelé ndá Ndil Ala dəb dəa’g ar oŋg ḭ səa pu tɔ.

1 Samel 16:18

Yeḛ gə́ kára mbuna kuraje’g un ta pa pana: Aa ooje, ma m’oo ŋgolə Isai, dəw gə́ Betlehem gə́ gər kim né maji. Yeḛ to dəw gə́ siŋga to kɔgərɔ-kɔgərɔ gə́ to bao-rɔ ləm, pata maji ləm, kura kəmee’g yaa̰ ləma, Njesigənea̰ nai səa ləm tɔ.

1 Samel 18:12

Sawul ɓəl Dabid mbata Njesigənea̰ nai gə Dabid nɛ yeḛ uba Sawul yá̰.

1 Samel 2:35

N’a kunda njekinjanéməs lə neḛ gə́ to majikoji keneŋ, yeḛ gə́ a ra né to gə́ mee neḛ wɔji. N’a kar ŋgakeaje d’ɔs goo na̰ gə́ kédé-kédé ndá yeḛ a njaa no̰ yeḛ gə́ n’wa dəa gə ubu’g lé ta-ta ya.