1 Samel 16:1 - Maktub gə́ To gə Kəmee

¹ Njesigənea̰ ula Samel pana: See ndɔ gə́ ra ɓa i a kəw rɔi no̰ gə mba Sawul wa. Ma m’ubá m’yá̰ gə mba karee o̰ ɓee dɔ Israɛlje’g el ŋga. Ɔm ubu ku-gaji-da’g ləi aree rusu ndá aw: m’a kulai ɓee lə Isai, dəw gə́ Betlehem, mbata ma m’oo ŋgon kára gə́ mbuna ŋganeeje’g, yeḛ gə́ ma m’ndigi karee to mbai lé.

1 Samel 16:1 ပူးပေါင်းရင်းမြစ်များ

1 Mbaije 8:16

Un kudee ləw ba gə́ m’ar dəwje ləm gə́ Israɛl d’unda loo mee ɓee gə́ Ejiptə teḛ lé ma m’ɔr ɓee-boo kára mbuna ginkoji Israɛlje’g mba kunda kəi gə́ to gə kəmee keneŋ mba kar rim ɓar dɔ’g el, nɛ Dabid ɓa m’ɔree m’aree o̰ koso-dəwje ləm gə́ Israɛl ya.

2 Mbaije 9:1

Elije, njetegginta ɓar basa kára mbuna koso njéteggintaje’g ulá pana: Tɔ ndar ɓəri’g ndá un ku gaji-da gə́ nee gə́ ubu to keneŋ lé aw ne Ramot dɔ naŋg gə́ Galaad.

2 Mbaije 9:3

I a kun ŋgon ku gə́ ubu to keneŋ neelé ndá, a tər dəa’g pa ne pana: Njesigənea̰ pa togə́bè pana: M’wa dɔi gə ubu gə mba kari to mbai gə́ Israɛl! Tɔɓəi i a kɔr tarəwkəi teḛ kaḭ ɓó a kaar naŋg el.

2 Mbaije 9:6

Jehu uba naŋg ḭ aw mee kəi’g ndá basa lé tər ubu dəa’g ulá ne pana: Njesigənea̰, Ala lə Israɛlje pa togə́bè pana: N’wa dɔi gə ubu n’undai gə́ mbai gə́ Israɛl dɔ koso-dəwje’g lə Njesigənea̰.

1 Sôrta Gḭka-Israɛlje 11:3

Togə́bè ɓa ŋgatɔgje gə́ Israɛl lai ree rɔ mbai’g mee ɓee gə́ Ebro̰ ndá Dabid man rəa ar dee mee ɓee gə́ Ebro̰ no̰ Njesigənea̰’g lé. Deḛ d’wa dɔ Dabid gə ubu d’aree to mbai gə́ Israɛl gə goo ta gə́ Njesigənea̰ ar Samel pa lé.

1 Sôrta Gḭka-Israɛlje 28:4

Njesigənea̰, Ala lə Israɛlje ɔrm mbuna dee-deḛ lai gə́ to gel-bɔje lə bɔm am m’to mbai lə Israɛlje saar gə nɔm, mbata yeḛ mbər Juda ɓa gə́ mbai ləm, yeḛ mbər gel bɔmje mbuna gel-bɔje’g lə Juda ləma, yeḛ mbərm-ma nja mbuna ŋgakɔmje’g lé am m’o̰ dɔ Israɛlje lai ləm tɔ.

Esai 11:1

Tɔɓəi barkəmrɔ Isai a kidi dɔ jigee’g ləm, Barkəmee a tuba dɔ ŋgiraje’g ləm tɔ.

Esai 11:10

Mee ndəa’g neelé barkəmrɔ Isai A kaar keneŋ asəna gə nétɔji mbata lə koso-dəwje, Ginkoji dəwje gə raŋg d’a tel kəm dee gə́ rəa’g Ndá rɔnduba ɓa a taa loo-siée pəl-pəl ya.

Esai 55:4

Aa ooje, ma m’undá gə́ njekɔrgoota ləm Mbuna koso-dəwje’g ləm, M’undá gə́ mbai gə́ njedum dɔ koso-dəwje ləm tɔ.

Jeremi 11:14

Nɛ i Jeremi lé a ra tamaji mbata lə dəwje neelé el ləm, a k’ɔr ndui gə́ tar ra ne ndòo əsé tamaji mbata lə dee el ləm tɔ, mbata loo gə́ d’a no̰ ɓarm gə mba némeeko̰ gə́ ra dee ndá m’a koo ta lə dee el.

Jeremi 15:1

Njesigənea̰ ulam togə́bè pana: Lée Moyis gə Samel ya d’aar no̰ neḛ’g mba ra rəwta lə koso-dəwje neelé kara n’a koo kəmtondoo lə deḛje neelé el. Tuba dəwje neelé no̰m’g ɔm dee əw mba kar dee d’ɔd d’aw.

Jeremi 6:30

Deḛ ɓar dee lar gə́ kəm kɔm kɔrɔ Mbata Njesigənea̰ mbad dee Ɔm dee kɔrɔ.

Jeremi 7:16

Nɛ i Jeremi lé a ra tamaji mbata lə koso-dəwje neelé el ləm, a kɔr ndui gə́ tar wəl ra ne ndòo əsé tamaji mbata lə dee el ləma, a to tam’g pəgə-pəgə mbata lə dee el ləm tɔ, mbata m’a koo ndui el.

Jakari 4:14

Yeḛ pana: To dəwje joo gə́ d’wa dɔ dee gə ubu mba kar dee d’aar no̰ yeḛ gə́ to mbai dɔ naŋg nee lai lé.

Njé gə́ Rɔmə 15:12

Esai kara pa togə́bè tɔ pana: Barkəmrɔ Isai a kḭ Ndá yeḛ a kḭ mba ko̰ɓee dɔ ginkoji dəwje gə raŋg ya. Bèe ɓa ginkoji dəwje gə raŋg lé d’a kunda meḛ dee yel gə́ dəa’g.

Ǝbrəje 11:32

See ta ɗi ɓa m’a pa tɔɓəi wa, Gedeo̰ ləm, gə Barak ləm, gə Samso̰ ləm, gə Jepte ləm, gə Dabid ləm gə Samel ləma, gə njéteggintaje ləm tɔ lé m’oo loo pata kwɔji ne dɔ dee el.

1 Ja̰ 5:16

Ɓó lé dəw kára oo ŋgokea̰ ra kaiya gə́ a gə kɔdee loo-yoo’g el ɓəi ndá maji karee ra tamaji ɓa Ala a kar ŋgokea̰ kəmə lé ya. Deḛ gə́ ra kaiya gə́ ɔd dee loo-yoo’g el ɓəi lé Ala a kar dee kəmə lé ya. Kaiya gə́ ɔd debee gə́ njerea loo-yoo’g lé to keneŋ ya, nɛ ma m’ula sí mba kar sí raje tamaji mbata kaiyaje gə́ togə́bè lé el.

1 Samel 10:1

Samel un ku-ubu ndá yeḛ tər dɔ Sawul’g. Yeḛ il ɓɔlee tɔɓəi pana: See Njesigənea̰ ɓa tər ubu dɔi’g mba kari to mbai dɔ né kea̰ yeḛ’g el wa.

1 Samel 15:11

Ma m’im rɔm dɔ kunda gə́ m’unda Sawul gə́ mbai lé mbata yeḛ ya̰’m mba kun rəw ləa-yeḛ ləm, yeḛ aa dɔ taje ləm el ləm tɔ. Mee Samel ea̰ aree no̰ rɔ Njesigənea̰’g loondul’g ya saar ar loo àr.

1 Samel 15:23

Mbata kalta lé to kaiya gə́ to asəna kára ba gə ndo̰ ər ləm, kɔs ta rəw lé to asəna kára ba gə néra gə́ gə dɔ najee el ləm tɔ. Bèe ndá to gə́ i mbad ta lə Njesigənea̰ lé yeḛ kara a mbad kari to mbai lé tɔ.

1 Samel 15:26

Samel ula Sawul pana: M’a tel kaw səi el. Mbata i mbad ta lə Njesigənea̰ ndá Njesigənea̰ kara mbadi tɔ, ndá i a to mbai dɔ Israɛlje’g el ŋga.

1 Samel 15:35

Samel aw iŋga Sawul gogo el saar teḛ ndɔ kwəi’g ləa mbata Samel no̰ gə mba Sawul mbata Njesigənea̰ im rəa dɔ kunda gə́ yeḛ unda Sawul gə́ mbai lə Israɛlje lé ya.

1 Samel 16:15

Kuraje lə Sawul d’ulá pana: Aa oo, ndil gə́ yèr gə́ Ala ɓa ulá lé ɓa aw jɔgi.

1 Samel 16:23

Togə́bè ɓa loo gə́ ndil gə́ yèr gə́ Njesigənea̰ ulá lé ree dəb dɔ Sawul’g ndá Dabid un kṵdu-ko̰dè im. Yen ɓa Sawul taa kəmə si ne lɔm, tɔɓəi ndil gə́ yèr lé sa rəa rəa’g aw tɔ.

1 Samel 17:12

Dabid lé to ŋgolə Isai, dəw gə́ Eprata gə́ si Betlehem dɔ naŋg gə́ Juda gə́ ŋganeeje jinaijoo. Mee ndəa’g lə Sawul lé Isai lé ləbee bula yaa̰ aree ɓuga yaa̰.

1 Samel 9:16

Bèlè, kàr gə́ bèe ndá m’a kula dəw gə́ ɓee’g lə Bḛjami karee ree rɔi’g ndá i a kwa dəa gə ubu mba karee to mbai dɔ koso-dəwje ləm gə́ Israɛl. Yeḛ a taa koso-dəwje ləm ji Pilistije’g mbata ma m’aa loo m’oo koso-dəwje ləm ndá ndu no̰ lə dee aw saar teḛ rɔm’g ya.