1 Samel 15:8 - Maktub gə́ To gə Kəmee

⁸ Yeḛ wa Agag, mbai lə Amalekje kəmba, tɔɓəi yeḛ tuji koso-dəwje lai gə kiambas tɔ.

1 Samel 15:8 ပူးပေါင်းရင်းမြစ်များ

2 Samel 8:12

yee ɓa wɔji dɔ Aramje ləm, gə Moabje ləm, gə Amo̰je ləm, gə Pilistije ləma, gə Amalekje ləm tɔ. Yeḛ ra togə́bè gə nébanrɔ gə́ yeḛ taa ji Adadéjer, mbai gə́ Soba lé tɔ.

1 Mbaije 20:30

Ges deeje d’aḭ d’aw mee ɓee-boo gə́ Apek ndá ndògo-bɔrɔ təd unda dee-deḛ dəwje gə́ tɔl-dɔg-loo rɔ-jo-gir-dee-siri (27.000) gə́ naḭ lé tɔl dee. Ben-Adad aḭ iya rəa mee ɓee-boo’g ndá yeḛ lɔm rəa gə mee kəi-kəi.

1 Sôrta Gḭka-Israɛlje 4:43

Deḛ tɔl ges Amalekje gə́ nai ndá deḛ taa tor dee saar teḛ ne mee ndɔ gə́ ɓogənè tɔ.

Este 3:1

Goo néje’g neelé ndá mbai Asuerus ula dɔmoŋ dɔ Aman, ŋgolə Hamedata’g, dəw gə́ Agag. Yeḛ unee undá daŋdɔ aree to gə́ ŋgaw-ta deḛ lai gə́ to ŋgan-mbaije gə́ d’isi mbɔree’g lé.

Ləbije 27:29

Dəw kára kara gə́ deḛ d’un ndu dee dəa’g mba kundá gə kəmee gə no̰ lé d’a kaskəm kuga dəa el. D’a tɔlee gə́ tɔl ɓa.

Bula lə Israɛlje 24:7

Man ḭ ku-goléje’g ləa ruba naŋg ləm, Manje gə́ to yaa̰ lé ar kó-dubu ləa unda ne kəm gəsəsə ləm tɔ. Mbai ləa ur dɔ Agag’d ləm, Ɓeeko̰ ləa kara dum dɔ loo ləm tɔ.

Jujé 10:39

Deḛ taa ɓee neelé ləm, tuji mbai gə́ keneŋ ləm, gə ɓee-booje ləa lai ləma, gə deḛ lai gə́ d’isi keneŋ pugudu-pugudu gə kiambas ləm tɔ ɓó d’ya̰ loo d’ar dəw kára kara aḭ aw el, Juje ra gə Dəbir gə mbai gə́ keneŋ to gə́ yeḛ ra ne gə Ebro̰ ləm, gə Libna gə mbai gə́ keneŋ lé ləm tɔ.

Jujé 11:12

Juje taa ɓee-booje lə mbaije neelé lai ləm, wa mbaije gə́ keneŋ lai ləm tɔ ndá yeḛ tuji dee ne pugudu-pugudu gə kiambas to gə́ Moyis, kura lə Njesigənea̰ un ne ndia kédé aree lé.

Jujé 8:23

nɛ deḛ d’wa mbai gə́ Ai lé kəmba d’aw səa rɔ Juje’g.

1 Samel 15:20

Sawul ila Samel keneŋ pana: Ma m’oo ndu Njesigənea̰ maji ya ləm, m’un rəw gə́ Njesigənea̰ ulam keneŋ ya ləm tɔ. Ma m’ree gə Agag, mbai gə́ Amalek kəmba nɛ Amalekje ndá m’tɔl dee mbad-mbad ya.

1 Samel 15:3

Ɓasinè, ɔd aw tɔl Amalekje tɔɓəi tuji néje lai gə́ to ka̰ dee lé pugudu-pugudu. I a kya̰ dee kəmba el nɛ i a tɔl diŋgamje gə denéje ləm, gə ŋganje gə́ tɔg gə deḛ gə́ ta mbà’g ləma, gə maŋgje, gə badje, gə jambalje, gə mulayḛ̀je-je ləm tɔ.

1 Samel 22:19

Sawul tɔl dəwje gə́ Nob gə́ to ɓee-boo lə njékinjanéməsje lé gə kiambas. Yeḛ tɔl diŋgamje gə denéje ləm, ŋganje gə ŋganje gə́ ta mbà’g ləma, gə maŋgje, gə mulayḛ̀je-je, gə badje ləm tɔ gə kiambas.

1 Samel 30:1

Mee ndɔ gə́ njekɔm’g munda’g lé loo gə́ Dabid gə njérɔje ləa ree Siklag ndá Amalekje ree wai par gə́ dɔkɔl lə ɓee neelé ləm, gə d’ila rɔ dɔ Siklag’d ləm tɔ ndá, deḛ tuji ɓee gə́ Siklag pugudu-pugudu ləm, rée pər ləm tɔ.