1 Samel 15:6 - Maktub gə́ To gə Kəmee

⁶ Yeḛ ula Kenije pana: Ḭje undaje loo mbuna Amalekje’g teḛje boo gə mba kar sí uduje ne sə dee na̰’d el. Mbata seḭ lé seḭ raje meemaji gə Israɛlje lai loo gə́ d’unda ne loo mee ɓee gə́ Ejiptə teḛ lé. Bèe ɓa Kenije d’unda ne loo mbuna Amalekje’g teḛ ne tɔ.

1 Samel 15:6 ပူးပေါင်းရင်းမြစ်များ

Gḭ-Néje 15:19

dɔ naŋg lə Kenije ləm, gə Kenijije ləm, gə Kadmonije ləm,

Gḭ-Néje 18:25

Tɔl njemeekarabasur na̰’d gə njemeeyèr lé mba kar né gə́ teḛ dɔ njemeekarabasur’g gə dɔ njemeeyèr’g d’asəna kára ba lé maji kar né ra gə́ togə́bè tibi mbɔri el! Maji karee tibi mbɔri el ɓòo. See yeḛ gə́ a gaŋg rəwta dɔ naŋg nee lai lé a ra gə dɔ najee el wa.

1 Sôrta Gḭka-Israɛlje 2:55

gə deḛ gə́ to gel-bɔje lə njéndaji-maktubje gə́ d’isi Jabes gə́ to Tireatje, gə Simeatje, gə Sumatje ləm tɔ. Deḛje neelé to Kenije gə́ d’ḭ ginka’g lə Amat gə́ to bɔ ŋgaka Rekabje ya.

Teḛ-Raga 18:19

Yen, ɓasinè lé, maji kari oo ndum ya, m’a gə kwɔjii né gə́ kəm ra ndá maji kar Ala nai səi ya, maji kari to njenai gə́ dəwje no̰ Ala’g lé ləm, i a kun taje lə dee kaw ne nea̰’g ləm tɔ.

Gosota-Kəmkàrje 9:6

Maji kar sí ubaje négərel lé yá̰je Ndá a síje tɔɓəi Seḭ a njaaje dan rəw’g lə gosonégər!

Bula lə Israɛlje 16:34

Israɛlje lai gə́ d’aar gugu dɔ dee sub lé d’aḭ, loo gə́ d’oo ndu no̰ gə kii lə dee, mbata deḛ pana: Ar sí j’aḭje nà banelə dɔ naŋg a turu síjeḛ bèe to!

Néra Njékaḭkulaje 2:40

Piɛrə pa taje gə́ raŋg bula ɔm dɔ’g ɓəi ndəji dee ne ləm, man dee ne ləm tɔ pana: Saaje rɔ sí rɔ ginkoji dəwje gə́ dɔ naŋg nee gə́ njéra néje gə́ yèr neelé ɓó gə ajije ne ya.

2 Njé gə́ Kɔrḭtə 6:17

Yee gə́ bèe ɓa Mbaidɔmbaije pana: Undaje loo mbuna dee’g teḛje, Saaje rɔ sí rɔ dee’g gə́ gogo, Ɓó tibije mbɔr né gə́ mina̰ lé el.

2 Timote 1:16

Maji kar Mbaidɔmbaije ra meemaji gə Onesipɔrə gə njénojije ləa mbata yeḛ nja ɓa gɔl məəm gɔl bula ləm, yeḛ ra kəmkul dɔ kúla lar gə́ deḛ tɔm ne el ləm tɔ.

Loo gə́ killa rea kəm Ja̰’g 18:14

Néje gə́ malee rai lé d’unda rɔ dee ŋgərəŋ. Néje lai gə́ maji d’al dɔ loo sula ləm, gə́ to boo-nébaoje ləm tɔ lé d’igi rɔi’g pa ndá i a kiŋga dee gogo el ŋga.

Njéga̰g-Rəwtaje 1:16

Ŋgalə Kenije gə́ to məəm Moyisje gə́ diŋgam lé d’ḭ mee ɓee-boo gə́ tumburje to keneŋ d’aw gə Judaje na̰’d dɔdilaloo’g lə Juda par gə́ dɔkɔl lə Arad ndá deḛ d’aw d’isi mbuna koso-dəwje’g neelé.

Njéga̰g-Rəwtaje 4:11

Nɛ Heber gə́ to dəw gə́ Keni lé kédé yeḛ ɔr rəa rɔ Kenije’d gə́ to ŋgalə Hobabje gə́ to məəm Moyisje lé aw la kəi-kubu ləa mbɔr kag-sɛnə gə́ to Saanayim, mbɔr Kedes’g dəb.

Njéga̰g-Rəwtaje 5:24

Maji kar dɔ Jaɛl, gə́ to dené lə Heber Gə́ to dəw gə́ Keni lé ai səgərə. Maji kar dɔkaisəgərə nai səa Mbuna denéje lai gə́ d’isi mee kəi-kubuje’g lé.

1 Samel 15:5

Sawul aw saar teḛ ɓee-boo’g lə Amalekje ndá yeḛ ar njérɔje ləa d’um loo mee wəl-loo’g.

1 Samel 27:10

Akis dəjee pana: See loo gə́ ra ɓa awje wai keneŋ ɓogənè wa. Ndá Dabid tel ilá keneŋ pana: Par gə́ kel loo gə́ dɔkɔl lə Juda ləm, par gə́ kel loo gə́ dɔkɔl lə Jerakmeelje ləma, par gə́ loo gə́ dɔkɔl lə Kenije ləm tɔ.

1 Samel 30:29

gə njé gə́ Rakal ləm, gə njé gə́ ɓee-boo’g lə Jerakmeelje ləm, gə deḛ gə́ ɓee-booje’g lə Kenije ləm,