1 Samel 15:3 - Maktub gə́ To gə Kəmee

³ Ɓasinè, ɔd aw tɔl Amalekje tɔɓəi tuji néje lai gə́ to ka̰ dee lé pugudu-pugudu. I a kya̰ dee kəmba el nɛ i a tɔl diŋgamje gə denéje ləm, gə ŋganje gə́ tɔg gə deḛ gə́ ta mbà’g ləma, gə maŋgje, gə badje, gə jambalje, gə mulayḛ̀je-je ləm tɔ.

1 Samel 15:3 ပူးပေါင်းရင်းမြစ်များ

Gḭ-Néje 36:12

Timna to gamla-dené lə Elipaj, ŋgolə Esawu. Yeḛ oji Amalek ar Elipaj. Deḛ nja to ŋgalə Ada gə́ to dené lə Esawu lé.

2 Samel 1:8

Ndá yeḛ dəjim pana: See m’to nawa. Ma m’tel m’ilá keneŋ m’pana: M’to gə́ Amalek.

Teḛ-Raga 17:14

Njesigənea̰ ula Moyis pana: Ndaŋ ta neelé mee maktub’g mba kar meḛ dee olé ne dɔ’g, tɔɓəi ula Juje təsərə aree gər to gə́ m’a gə tuji riɓar lə Amalek dɔ naŋg nee pugudu ya.

Teḛ-Raga 20:5

I a kunda barmba dəb kəmi naŋg no̰ dee’g el ləm, i a kula kəm rɔi ndòo mbata lə dee el ləm tɔ, mbata ma Njesigənea̰, Ala ləi lé ma m’to Ala gə́ kəm əḭ dɔ koso-dəwje’g ləm gə́ m’ar bo̰ néra yèr lə bɔ ŋganje gə́ d’ḛjim bəḭ-bəḭ lé ɔs ta ŋgan deeje’g saar njéboakojije lə dee gə́ kudu munda əsé gə́ kudu sɔ tɔ,

Bula lə Israɛlje 24:20

Balaam oo Amalekje ndá yeḛ pata gə́ gə ndəree togə́bè pana: Amalekje to ginkoji dəwje gə́ siŋga dee ur dɔ mar deeje’g Nɛ ndɔ gə́ raŋg, d’a tuji dee pugudu ya.

Bula lə Israɛlje 31:17

Ɓasinè, tɔlje njé gə́ diŋgam lai mbuna ŋganje gə́ lam-lam’g ləm, tɔlje dené gə́ rara gə́ taa ŋgaw ləm tɔ,

Jujé 10:39

Deḛ taa ɓee neelé ləm, tuji mbai gə́ keneŋ ləm, gə ɓee-booje ləa lai ləma, gə deḛ lai gə́ d’isi keneŋ pugudu-pugudu gə kiambas ləm tɔ ɓó d’ya̰ loo d’ar dəw kára kara aḭ aw el, Juje ra gə Dəbir gə mbai gə́ keneŋ to gə́ yeḛ ra ne gə Ebro̰ ləm, gə Libna gə mbai gə́ keneŋ lé ləm tɔ.

1 Samel 14:48

Yeḛ riba dɔ siŋgamoŋ ləa dum ne dɔ Amalekje ndá yeḛ taa Israɛlje ji deḛ gə́ d’unda dee banrɔ lé ya.

1 Samel 15:18

Njesigənea̰ ari aw ndá yeḛ pana: Aw tɔl kaiya-dəwje gə́ to Amalekje lé mbad-mbad ya. I a rɔ sə dee saar tuji dee ne lai pugudu-pugudu.

1 Samel 15:9

Nɛ Sawul gə njérɔje d’ya̰ Agag ləm, gə badje gə́ maji-maji ləm, gə bɔ maŋgje gə́ maji-maji ləm, gə da-kulje gə́ maji-maji ləm, gə ŋgan badje gə́ rɔ dee to ndəb-ndəb ləma, gə néje lai gə́ maji ləm tɔ lé kəmba. Deḛ ndigi tɔl dee el nɛ deḛ lai gə́ rɔ dee maji sur el əsé d’əŋ kəŋ-kəŋ ɓa deḛ tɔl dee ya.

1 Samel 22:19

Sawul tɔl dəwje gə́ Nob gə́ to ɓee-boo lə njékinjanéməsje lé gə kiambas. Yeḛ tɔl diŋgamje gə denéje ləm, ŋganje gə ŋganje gə́ ta mbà’g ləma, gə maŋgje, gə mulayḛ̀je-je, gə badje ləm tɔ gə kiambas.

1 Samel 27:9

Dabid tuji ɓeeje neelé pugudu-pugudu. Yeḛ ya̰ diŋgam əsé dené kára kara kəmba el ndá yeḛ ɔr badje gə maŋgje gə jambalje gə kubuje tɔ, tel aw ne ɓee lə Akis lé.

1 Samel 30:17

Dabid rɔ sə dee, un kudee gə ndɔ rad ya tɔl dee saar bèlè kàrkemetag ar dəw kára kara mbuna dee’g nai el, nɛ basaje tɔl-sɔ (400) ɓa d’uba jambalje d’aḭ d’aw.