1 Samel 15:24 - Maktub gə́ To gə Kəmee

²⁴ Yen ŋga Sawul ula Samel pana: Ma m’ra kaiya mbata m’al ta ta godndu Njesigənea̰’g ləm, m’ila koji dɔ taje’g ləi el ləm tɔ. Ma m’ɓəl njérɔje ndá ma m’oo taje lə dee-deḛ ɓa.

1 Samel 15:24 ပူးပေါင်းရင်းမြစ်များ

Gḭ-Néje 3:12

Diŋgam lé tel ilá keneŋ pana: Dené gə́ i am mba karee nai səm lé ɓa am kandə kag neelé ndá m’usɔ ya.

Gḭ-Néje 3:17

Yeḛ ula Adam lé pana: Mbii gə́ i uru oo ne ta lə dené ləi ləm, gə sɔ gə́ i sɔ kandə kag gə́ m’un ndum m’ari m’ɔgi ne dɔ’g lé m’pana: I a sɔ nda̰ el ləm tɔ lé Ndá ndɔl wa dɔ naŋg nee mbata ləi ya. I a koo ndòo ɓa i a kiŋga ne nésɔi keneŋ Ndɔje kára-kára lai gə́ i aw ne kəmba lé.

2 Samel 12:13

Dabid ula Natan pana: M’ra kaiya m’ɔs ne ta lə Njesigənea̰ rəw ya. Natan tel ula Dabid pana: Njesigənea̰ ar mée oso lemsé dɔ kaiya’g ləi ndá i a kwəi el ŋga.

Maktub gə́ wɔji dɔ Jɔb 31:34

Mbata ma m’ɓəl koso-dəwje gə́ bula digi-digi ləm, Mbata kḛji bəḭ-bəḭ lə njémeekəije ləm ləm tɔ Ɓa m’aar gə tam gə́ mundu m’lal pata tarəwkəi’g ndá ...

Pakɔsje 51:4

Néra kori-korije ləm lé Maji kari togo ɔr ndɔs-ndɔs ləm, Maji kari ɔr kaiya ram ndɔs-ndɔs ləm tɔ.

Teḛ-Raga 10:16

Léegəneeya Parao̰ ɓar Moyis gə Aaro̰ ula dee pana: Ma m’ra kaiya m’ula ne sul dɔ Njesigənea̰ Ala’g lə sí ləm, gə dɔ sí-seḭ’g ləm tɔ.

Teḛ-Raga 23:2

Seḭ a ndolèje goo koso-dəwje mba ra ne né gə́ majel sə dee na̰’d el ləm, seḭ a kɔmje ta lə sí na̰’d gə koso-dəwje loo gaŋgta’g mba tuji ne gin ta gə́ gə dɔ najee lé el ləm tɔ.

Teḛ-Raga 9:27

Parao̰ ula kula ɓar Moyis gə Aaro̰ ula dee pana: Ɓasinè lé ma m’ra kaiya ya, Njesigənea̰ ɓa to njera né gə dɔ najee nɛ ma jeḛ gə dəwje ləm lé jeḛ n’toje dəwje gə́ ta wa dɔ sí ya.

Gosota-Kəmkàrje 29:25

Ɓəl dəwje lé to gə́ gum, Nɛ yeḛ gə́ ɔm mee jəb-jəb dɔ Njesigənea̰’g lé a si lɔm.

Jeremi 38:5

Mbai Sedesias ila dee keneŋ pana: Aa ooje, yeḛ si meḛ ji sí’g ya. Mbata mbai askəm kɔg sí el.

Bula lə Israɛlje 22:34

Balaam ula kura lə Njesigənea̰ pana: Ma m’ra kaiya mbata ma m’gər to gə́ i ɓa gaŋg rəw nɔm’g bèe el, ɓasinè ɓó lé i ndigi səm el ndá m’a tel kaw ɓee ŋga.

Matiyo 27:4

ula dee pana: Ma lé m’ra kaiya, ma m’ila ne məs njemeekarabasur naŋg. Deḛ tel d’ilá keneŋ pana: See ta ri lə síjeḛ ɓəi ɓa to keneŋ wa. To ta ləi i nja ŋga.

Njé gə́ Galati 1:10

Ɓasinè lé see dəwje ɓa ma m’saŋg loo mba kar dee d’ɔr ta ləm maji əsé Ala wa. See ma m’saŋg loo mba taa kəm dəwje wa. Ɓó lé m’ra né mba taa ne kəm dəwje ɓəi ndá m’a to kura lə Kristi el.

Loo gə́ killa rea kəm Ja̰’g 21:8

Nɛ njérəmje ləm, gə njépole-magəje ləm, gə ram-dəwje ləm, gə njetɔl dəwje ləm, gə njémɔdkaiyaje ləm, gə njékərgosoje ləm, gə njépole-magəje ləma, gə njéŋgɔmje lai ləm tɔ lé deḛ nja d’a kiŋga loo lə dee dan pər gə́ tad rəg-rəg gə́ o̰ bilim-bilim gə́ kṵjee teḛ kas njir-njir lé yee ɓa to gə́ yoo gə́ joo lé ya.

1 Samel 15:15

Sawul ilá keneŋ pana: Deḛ d’ḭ sə dee ɓee lə Amalekje ɓa ree sə dee mbata njérɔje lé d’ya̰ badje gə́ maji-maji, gə maŋgje gə́ maji-maji gə mba kinja dee gə́ nékinjaməs kar Ala ləi gə́ Njesigənea̰. Nɛ ges dee gə́ nai ɓa jeḛ n’tɔl deeje ya.

1 Samel 15:30

Sawul pa ya tɔɓəi pana: Ma m’ra kaiya ya! Ɓasinè, m’ra ndòo rɔi’g, ila riɓar dɔm’g kəm ŋgatɔgje lə koso-dəwje’g ləm ləm, gə kəm Israɛlje’g ləm tɔ. Gə́ tel ree səm ya ndá m’a kunda barmba no̰ Njesigənea̰ Ala’g ləi ya.

1 Samel 15:9

Nɛ Sawul gə njérɔje d’ya̰ Agag ləm, gə badje gə́ maji-maji ləm, gə bɔ maŋgje gə́ maji-maji ləm, gə da-kulje gə́ maji-maji ləm, gə ŋgan badje gə́ rɔ dee to ndəb-ndəb ləma, gə néje lai gə́ maji ləm tɔ lé kəmba. Deḛ ndigi tɔl dee el nɛ deḛ lai gə́ rɔ dee maji sur el əsé d’əŋ kəŋ-kəŋ ɓa deḛ tɔl dee ya.

1 Samel 2:29

Nékinjaməsje gə nékarje ləm gə́ m’un ndum m’ar dee ree ne mee kəi-sim’g lé see ban ɓa seḭ tuba deeje gə gɔl sí wa. See gə mba ɗi ɓa i ula rɔnduba dɔ ŋganije’g undam-ma, ar sí taaje ne néje gə́ doŋgɔr gə́ dəwje ləm gə́ Israɛl d’un lé d’ar sí-seḭ ərje ne ndɔl-ndɔl wa.

1 Samel 26:21

Sawul pana: Ma m’ra kaiya. Maji kari tel ree, ŋgonəm Dabid, mbata m’a ra səi némajel el ŋga mbata ɓogənè i oo loo si kəmba ləm gə́ né gə́ gadee to yaa̰ kəmi’g ya. Ma ɓa m’ra né to gə́ mbə bèe ləm, m’ra majel gə́ al dɔ loo sula ləm tɔ.