1 Samel 15:11 - Maktub gə́ To gə Kəmee

¹¹ Ma m’im rɔm dɔ kunda gə́ m’unda Sawul gə́ mbai lé mbata yeḛ ya̰’m mba kun rəw ləa-yeḛ ləm, yeḛ aa dɔ taje ləm el ləm tɔ. Mee Samel ea̰ aree no̰ rɔ Njesigənea̰’g loondul’g ya saar ar loo àr.

1 Samel 15:11 ပူးပေါင်းရင်းမြစ်များ

Gḭ-Néje 6:6

Njesigənea̰ ndiŋga rəa dɔ kunda gə́ yeḛ unda dəw dɔ naŋg neelé ndá ar mée ea̰ tɔ.

Gḭ-Néje 6:7

Njesigənea̰ pa pana: M’a tuji dəw gə́ m’undá dɔ naŋg neelé karee udu, un kudee dɔ dəw’g saar teḛ ne dɔ nékulje’g ləm, gə daje gə́ d’ag naŋg gə ta mee dee ləma, gə yelje gə́ d’aw pə̰ dara’d gə́ tar ləm tɔ mbata ma m’ndiŋga rɔm dɔ kunda gə́ ma m’unda dee lé.

2 Samel 24:16

To gə́ kura gə́ dara ula jia ndiŋ gə́ dɔ Jerusalem’d gə mba tujee ne ndá Njesigənea̰ ar goo takə̰ji ləa yɔr dɔ némajel’g neelé ndá yeḛ ula kura gə́ dara gə́ ar koso-dəwje tuji lé pana: As ŋga! Rəm gə jii gə́ rɔi’g ɓasinè. Kura lə Njesigənea̰ gə́ dara lé aar mbɔr loo-kunda-kó’g lə Arabna, dəw gə́ Yebus.

1 Mbaije 11:9

Mee Njesigənea̰ ḭ səa jugugu dɔ Salomo̰’g mbata mée gə́ tel to ɓəd dɔ Njesigənea̰, Ala’g lé lə Israɛlje, yeḛ gə́ teḛ dəa’g gɔl joo lé.

1 Sôrta Gḭka-Israɛlje 10:13

Sawul wəi mbata yeḛ al ta ta Njesigənea̰’g aa ne dɔ ta ləa el ləm, mbata yeḛ aw dəji deḛ gə́ to njéɓar ndil dəwje gə́ d’wəi lé ɓa ta ləm tɔ.

1 Sôrta Gḭka-Israɛlje 21:15

Ala ula kura gə́ dara Jerusalem gə mba tujee, ndá loo gə́ yeḛ aar tujee bèe lé Njesigənea̰ ar goo takə̰ji ləa yɔr dɔ némajel’g neelé tɔɓəi yeḛ ula kura gə́ dara gə́ njetuji dee lé pana: As ŋga! Rəm gə jii gə́ rɔi’g ɓasinè. Kura lə Njesigənea̰ gə́ dara lé aar mbɔr loo-kunda-kó’g lə Ornan, dəw gə́ Yebus tɔ.

Maktub gə́ wɔji dɔ Jɔb 34:27

Loo gə́ deḛ d’unda rɔ dee ɓad rəa’g ləm, Deḛ d’uba rəw-kabeeje lai d’ya̰ ləm tɔ ndá

Pakɔsje 109:4

Ma lé m’unda dee dan kəm’g Nɛ deḛ ndá tel to gə́ njékoma̰ səmje. Nɛ ma lé tamaji ɓa m’ra ya.

Pakɔsje 110:4

Njesigənea̰ man rəa dɔ’g ndá Yeḛ a tel gə ndia dɔ’g el, Yeḛ pana: I lé to njekinjanéməs gə no̰ Gə goo ka̰ Melkisedek lé ya.

Pakɔsje 119:136

Man-no̰ ruba kəm’g asəna gə kəm-rəw-mán gə́ aḭ kuji-kuji bèe Mbata dəwje d’aa dɔ godndui el.

Pakɔsje 125:5

Nɛ deḛ gə́ d’un goo rəwje gə́ nduni koŋ-koŋ lé Maji kar Njesigənea̰ tuji dee na̰’d gə njéra némajelje lé. Maji kar meelɔm lé nai dɔ Israɛlje’g ya.

Pakɔsje 36:3

Mbata yeḛ nja ɔs gaji rəa Gə mba kar dɔ néra kori-kori ləa ɔr ne njal ləm, Mba riba ne dɔ kḛji loo bəḭ-bəḭ ləa gə́ raga ləm tɔ.

Pakɔsje 78:41

D’əw rɔ dee kaḭ mee Ala el ləm, D’əw rɔ dee kar mee Njerɔkunda lə Israɛlje ea̰ lé el ləm tɔ.

Pakɔsje 78:57

D’unda rɔ dee ɓad rəa’g d’ila ne koji dəa’g el To gə́ bɔ deeje-je bèe, Deḛ rəm gogo to gə́ kúla ɓandaŋg gə́ ŋgəŋ el.

Teḛ-Raga 32:11

Moyis ra ndòo rɔ Njesigənea̰ Ala’g ləa pana: Ǝi Njesigənea̰, see ban ɓa oŋg ləi a kḭ səi jugugu dɔ koso-dəwje’g ləi, deḛ gə́ i ar dee d’unda loo mee ɓee gə́ Ejiptə teḛ lé gə goo siŋgamoŋ ləi ləm, gə goo ji siŋgamoŋ ləi gə́ ɓar mèr-mèr ləm tɔ lé wa.

Teḛ-Raga 32:14

Njesigənea̰ uba goo takə̰ji ləa ya̰ dɔ né gə́ majel’d gə́ yeḛ pa kédé pana: N’a gə ra gə dəwje lə neḛ neelé.

Jeremi 11:10

Deḛ tel d’uru dan néraje gə́ kori-kori’g lə bɔ deeje-je gə́ dɔtar gə́ mbad koo taje ləm lé ləm, deḛ ndolè goo magəje gə́ dɔ ɓee’g ɓa pole dee ləm tɔ. Gel-bɔje lə Israɛl gə gel-bɔje lə Juda d’uba goo ta manrɔ lə neḛ gə́ n’ar bɔ deeje-je lé d’ya̰ ya.

Jeremi 13:17

Ɓó lé seḭ ooje ta el ndá N’a no̰ gə goo ŋgəḭ mbata beelé lə sí, Man no̰ a ruba kəm neḛ’g pɔ-pɔ, Mbata koso-dəwje gə́ to nékulje Le Njesigənea̰ lé d’a kaw sə dee ɓee-ɓər’g.

Jeremi 34:16

Nɛ seḭ telje gogo ulaje sul dɔm’g. Ɓərje gə́ diŋgam gə njé gə́ dené gə́ seḭ ɔm deeje tar ar deeje d’aw gə́ dəw dɔ rɔ dee lé nana kara tel wa dee gogo. Tɔɓəi seḭ wa deeje gə siŋgamoŋ ar deeje tel to ɓərje lə sí gə́ diŋgam gə njé gə́ dené gogo ya ɓəi.

Jeremi 9:1

Wai! Lée m’iŋga ŋgon Kəi-to-mbàje dɔdilaloo’g ndá M’a kuba koso-dəwje ləm kya̰ dee kaw əw keneŋ! Mbata deḛ lai to njémɔdkaiyaje ləm, Deḛ to kudu dəwje gə́ njékun dɔ mar deeje ləm tɔ.

Jeremi 9:18

Mbata ndu no̰ sii mbigi-mbigi Ɓar par gə́ Sio̰ pana: Ɗi togə́bè wa, jeḛ n’tuji! Rɔkul dəb dɔ sí’g! Ar sí j’ubaje ɓee lé j’ya̰je! Deḛ tɔs kəi-sije lə sí tila dee.

Ejekel 18:24

Ɓó lé njera né gə́ gə dɔ najee uba néra gə́ gə dɔ najee ləa ya̰ ra né gə́ kori-kori ləm, ɓó lé yeḛ ndaji néje gə́ mina̰ lai gə́ njemeeyèr ra ləm tɔ ndá see yeḛ a si kəmba wa. Néreaje gə́ gə dɔ najee lai lé mee neḛ a kwəi dɔ’g mbata yeḛ ya̰ rəa dan néra gə́ kori-kori’g ləm, gə dan kaiya’g ləm tɔ, gelee gə́ nee ɓa yeḛ a kwəi ne gə mbəa ya.

Amɔs 7:3

Njesigənea̰ tel gə ndia pana: Né neelé a teḛ el ŋga.

Junas 3:10

Ala oo to gə́ deḛ ra togə́bè ləm, deḛ tel d’ya̰ goo rəw néra gə́ majel lə dee ləm tɔ. Togə́bè ɓa Ala tel ne gə ndia ar goo takə̰ji gə́ wɔji dɔ né gə́ majel gə́ yeḛ wɔji-kwɔji ra sə dee lé yɔr ne ləm, yeḛ ra ne née el ləm tɔ.

Junas 4:2

Yeḛ ra tamaji ta Njesigənea̰’g no̰ ne təa’g pana: Ǝi Njesigənea̰, see ta neelé to ta gə́ ma m’pa loo gə́ ma m’nai ne ɓee-sim’g ɓəi el wa. Gelee gə́ nee ɓa ma m’ḭ ne kalaŋ gə mba kaḭ kaw ne Tarsis gə mbəa. Mbata ma m’gər gao to gə́ i to Ala gə́ njekookəmto̰doo ləm, gə njemeekɔrjol ləm tɔ. I lé oŋg ḭ səi kalaŋ el ləm, i to bao-meemaji ləm tɔ ɓa i ar takə̰ji ləi gə́ wɔji dɔ néraje gə́ majel lé yɔr ne.

Soponi 1:6

Deḛ gə́ tel gir dee d’ar Njesigənea̰ ləm, Gə deḛ gə́ ndolè Njesigənea̰ el ləma, Gə dəjee ta el ləm tɔ.

Matiyo 24:13

Nɛ yeḛ gə́ ai mée sam-sam teḛ ne ndɔ gə́ rudu’g lé ndá yeḛ a kaji ne ya.

Matiyo 5:44

Nɛ ma nja m’ula sí, undaje njéba̰je lə sí dan kəm sí’g ləm, tɔrje ndu sí dɔ deḛ gə́ d’ɔr sə sí ləm, raje meemaji gə deḛ gə́ d’wa sí gə meḛ dee ləma, raje tamaji mbata lə deḛ gə́ d’ula kəm sí ndòo ləm tɔ.

Lugu 6:12

Mee ndəa’g neelé Jeju ɔd aw dɔ mbal’g gə mba ra tamaji ta Ala’g ndá yeḛ ar keneŋ saar ar loo àr dəa’g təsərə.

Ǝbrəje 10:38

Meekun ɓa njemeekarabasur ləm a si ne kəmba lé Nɛ ɓó lé yeḛ sa rəa rəw ndá məəm a ndá dəa’g el.

Jujé 22:16

Koso-dəwje lə Njesigənea̰ lai pa togə́bè pana: Kal gə́ seḭ alje ta ta Ala’g lé lə Israɛlje lé see ginee to ɗi wa. See gelee ban ɓa ɓasinè seḭ ubaje Njesigənea̰ yá̰je raje loo-nékinjaməs mba kḭ ne gə Njesigənea̰ ɓogənè kɔsee ne rəw wa.

1 Samel 12:23

Ma ɓa yḛ̀ m’a lal ra tamaji ta Njesigənea̰’g mbata lə sí el nà a tel to kaiya gə́ m’a kɔs ne Njesigənea̰ rəw ya. Nɛ m’a ndoo sí rəw gə́ maji ləm gə gə́ danasur lé ləm tɔ.

1 Samel 13:13

Samel ula Sawul pana: I ra némbə mbata i aa dɔ godndu gə́ Ala ləi gə́ Njesigənea̰ un ari lé el. Ɓó lé i aa dɔ godndəaje lé ɓa bèe ndá Njesigənea̰ a gə kar ko̰ gə́ i o̰ ɓee dɔ Israɛlje’g lé to njaŋg gə no̰ ya.

1 Samel 15:10

Njesigənea̰ un ta ula Samel pana:

1 Samel 15:3

Ɓasinè, ɔd aw tɔl Amalekje tɔɓəi tuji néje lai gə́ to ka̰ dee lé pugudu-pugudu. I a kya̰ dee kəmba el nɛ i a tɔl diŋgamje gə denéje ləm, gə ŋganje gə́ tɔg gə deḛ gə́ ta mbà’g ləma, gə maŋgje, gə badje, gə jambalje, gə mulayḛ̀je-je ləm tɔ.

1 Samel 15:35

Samel aw iŋga Sawul gogo el saar teḛ ndɔ kwəi’g ləa mbata Samel no̰ gə mba Sawul mbata Njesigənea̰ im rəa dɔ kunda gə́ yeḛ unda Sawul gə́ mbai lə Israɛlje lé ya.

1 Samel 15:9

Nɛ Sawul gə njérɔje d’ya̰ Agag ləm, gə badje gə́ maji-maji ləm, gə bɔ maŋgje gə́ maji-maji ləm, gə da-kulje gə́ maji-maji ləm, gə ŋgan badje gə́ rɔ dee to ndəb-ndəb ləma, gə néje lai gə́ maji ləm tɔ lé kəmba. Deḛ ndigi tɔl dee el nɛ deḛ lai gə́ rɔ dee maji sur el əsé d’əŋ kəŋ-kəŋ ɓa deḛ tɔl dee ya.

1 Samel 16:1

Njesigənea̰ ula Samel pana: See ndɔ gə́ ra ɓa i a kəw rɔi no̰ gə mba Sawul wa. Ma m’ubá m’yá̰ gə mba karee o̰ ɓee dɔ Israɛlje’g el ŋga. Ɔm ubu ku-gaji-da’g ləi aree rusu ndá aw: m’a kulai ɓee lə Isai, dəw gə́ Betlehem, mbata ma m’oo ŋgon kára gə́ mbuna ŋganeeje’g, yeḛ gə́ ma m’ndigi karee to mbai lé.

1 Samel 8:6

Ta gə́ deḛ pa pana: Ar neḛje mbai mba karee gaŋg rəwta lə neḛje lé lel Samel el. Bèe ɓa Samel ra ne tamaji ta Njesigənea̰’g tɔ.