1 Samel 14:6 - Maktub gə́ To gə Kəmee

⁶ Jonatan ula basa gə́ odo nérɔje ləa lé pana: Gə́ ree ar sí j’aw saar n’teḛje loo-si njé gə́ lal kinja tamɔd dee’g. Banelə Njesigənea̰ a ra né mbata lə sí mbata Njesigənea̰ lé ɓó lé njé gə́ ləa jebəre ba əsé deḛ bula kara né gə́ njekɔgee loo kaji dəwje lé godo.

1 Samel 14:6 ပူးပေါင်းရင်းမြစ်များ

2 Samel 1:20

Maji kar sí paje taree Gat’g el ləm, Ilaje ne mbər sor taree Rəwje gə́ Askalo̰ el ləm tɔ Nà ŋgama̰dje gə́ ɓee gə́ Pilisti’g D’a kal ne rɔ dee ləm, Nà ŋgalə njélal kinja tamɔd deeje gə́ dené D’a kun ne baŋga ləm tɔ.

2 Samel 16:12

Banelə Njesigənea̰ a koo kəmtondoo ləm gə mba ra səm meemaji tor ndɔlje gə́ d’ila dɔm’g ɓogənè ɓəi.

2 Mbaije 19:4

Banelə Njesigənea̰, Ala ləi a koo taje lai gə́ Rabsake pa gə́ ɓéeje gə́ to mbai gə́ Asiri ulá aree pa ula ne sul dɔ Ala gə́ Njesikəmba’g lé ya, banelə Njesigənea̰, Ala ləi a kar bo̰ nérea ɔs təa’g mbata taje lai gə́ yeḛ oo lé. Bèe ndá maji kari ra tamaji mbata ges dəwje ləa gə́ nai lé ya.

2 Sôrta Gḭka Israɛlje 14:10

Asa no̰ ɓar Njesigənea̰, Ala ləa pana: Ǝi Njesigənea̰ i nja kára ba askəm la gə deḛ gə́ siŋga dee godo ləm, gə deḛ gə́ siŋga dee to ləm tɔ. Ǝi Njesigənea̰, Ala lə sí, maji kari ree la sə sí. Mbata i nja kára ba ɓa jeḛ naam kaari’g ləm, jeḛ n’ree gə rii-i nja gə mba rɔ ne gə njérɔje nee gə́ bula digi-digi lé ləm tɔ. Maji kar dəw gə́ kari ba lé dum dɔi el!

2 Sôrta Gḭka Israɛlje 14:11

Njesigənea̰ kunda Etiopije tɔl dee no̰ Asa’g gə no̰ Judaje’g ndá Etiopije buŋga na̰ d’aḭ.

Pakɔsje 135:6

Néje lai gə́ Njesigənea̰ ndigi lé ndá yeḛ ra ya, Néje gə́ mee dara’g gə dɔ naŋg nee ləm, Dan baa-boo-kadje’g gə dan ɓul manje’g lé ləm tɔ.

Jeremi 9:23

Nɛ yeḛ gə́ ndigi kɔs gaji rəa ndá Maji karee ɔs gaji rəa Mbata yeḛ gər gosonégər Gə mbata gər gə́ yeḛ gərm ne ləm. Gə gər gə́ yeḛ gər To gə́ ma m’to Njesigənea̰, Gə́ njera meemaji gə njera né gə́ danasur, Gə njenéra gə́ gə dɔ najee dɔ naŋg nee ləm tɔ, Yee neelé ɓa gə́ né gə́ taa kəm rəgm, Njesigənea̰ ɓa pa bèe.

Jeremi 9:25

Deḛ gə́ to Ejiptəje, gə Judaje, gə Edɔmje, gə ŋgaka Amo̰, gə Moabje, deḛ lai gə́ ndisa kil mbaita dee ləm, deḛ lai gə́ d’isi dɔdilaloo’g ləm tɔ. Mbata ginkoji dəwje gə raŋg lai lal kinja tamɔd dee ləm, gel-bɔje lə Israɛl lai d’inja tamɔd dee nɛ d’ya̰ meḛ dee gə́ kəi ləm tɔ.

Amɔs 5:15

Maji kar sí ə̰jije néra gə́ majel bəḭ-bəḭ, Nɛ undaje néra gə́ maji ɓa dan kəm sí’g, Maji kar sí gaŋgje rəwta gə́ gə dɔ najee tarəwkɔg’d lé ɓa, Banelə Njesigənea̰, Ala gə́ njeboo-néje lé A koo kəmtondoo lə ges ŋgaka Jisəb gə́ nai lé ɓəi.

Soponi 2:3

Seḭ njékula dɔ síje lai gə́ dɔ naŋg neelé Maji kar sí saŋgje Njesigənea̰, Seḭ lai gə́ raje né gə́ ndukunje ləa wɔji lé! Maji kar sí ndolèje goo meekarabasur ləm, Gə saŋgje loo kula dɔ sí ləm tɔ. Banelə Njesigənea̰ a kya̰ sí ndɔ oŋg’d ləa.

Jakari 4:6

Tɔɓəi yeḛ tel ilam’g pana: Yee neelé to ta gə́ Njesigənea̰ ula Jorobabel pana: To gə goo né gə́ wɔji dɔ siŋgamoŋ lə njérɔje gə́ d’aw rɔ ne el ləm, Esé gə goo siŋgamoŋ lə dəw el ləm tɔ, Nɛ gə goo Ndil neḛ-neḛ nja kára ba, Njesigənea̰ gə́ njeboo-néje lé ɓa pa bèe.

Bula lə Israɛlje 10:32

Ɓó lé i aw sə sí ndá né gə́ maji gə́ Njesigənea̰ a ra sə sí lé jeḛ kara pia gə́ j’a ra səi ya to kən.

Bula lə Israɛlje 31:4

Seḭ a kulaje njérɔje tɔl-dɔg-dɔg (1.000) kwɔji ne dɔ ginkoji lə dee lə dee gə goo ginkojije lə Israɛlje lai ya.

Matiyo 19:26

Jeju aa dee gərərə ula dee pana: Né neelé dəwje ɓa lée a dum dee təs nɛ Ala ɓa yḛ̀ né gə́ njedumee godo.

Njé gə́ Rɔmə 8:31

See j’a pa ban dɔ ta’g neelé ɓəi wa. Ɓó lé Ala nai sə sí ndá see na̰ ɓa a koma̰ sə sí gə dɔrea wa.

Tel tura Godndu 32:30

Ɓó lé yeḛ gə́ to mbal lə dee Uba dee ya̰ dee el ləm, Ɓó lé Njesigənea̰ ya̰ dee ji dee’g el ləm tɔ ndá, See dəw kára ba a tuba goo dəwje gə́ tɔl-dɔg (1.000) to gə́ ban wa, Esé see dəwje joo ba d’a kar dəwje gə́ tɔl-dɔg-loo-dɔg (10.000) d’aḭ to gə́ ban wa.

Njé gə́ Pilibə 3:3

Mbata jeḛ nja jeḛ n’to kankəm njékḭja tamɔd deeje lé jeḛ gə́ j’wa Ala meḛ sí’g gə goo Ndil Ala lé, j’ula ne rɔnduba dɔ Jeju Kristi’g ɓó j’ɔm meḛ sí dɔ dakasrɔ sí’g el.

Jujé 14:12

Bèe ndá am mbal gə́ neelé gə́ Njesigənea̰ pa taree mee ndəa gən lé, mbata i oo ta lə Anakje gə́ d’isi keneŋ ləm, ɓee-booje gə́ boi-boi gə́ ndògo-bɔrɔ gugu dɔ dee to keneŋ ləm tɔ. Ɓó lé Njesigənea̰ a nai səm ndá m’a tuba dee gə́ raga to gə́ Njesigənea̰ pa ne taree lé ya.

Njéga̰g-Rəwtaje 15:18

Kṵdaman ɔree loi aree ɓar Njesigənea̰ pana: I ɓa am boo-kṵ-baŋga neelé ŋga see ɓasinè m’a kwəi yoo-kunda-mán gə mba koso ne ji njé gə́ lal kinja tamɔd dee’g lé wa.

1 Samel 14:5

Yeḛ gə́ kára to gə́ kel dɔgel par gə́ Mikmas ləm, yee gə́ kára to par gə́ dɔkɔl, no̰ Gibea’g njoroŋ ləm tɔ.

1 Samel 14:7

Yeḛ gə́ njekodo nérɔje ləa lé ilá keneŋ pana: Ra néje lai gə́ məəi ndigi, ndolè goo takə̰ji ləi-i ya, ndá aa oo, ma ɓa yḛ̀ m’isi pèrèrè mba ndolè gooi-i ya.

1 Samel 17:26

Dabid dəji njérɔje gə́ d’aar mbɔree’g pana: See ɗi ɓa d’a kar yeḛ gə́ a tɔl dəw gə́ Pilisti nee ləm, a kɔr boo-rɔkul dɔ Israɛlje’g ləm tɔ lé wa. See dəw gə́ Pilisti nee gə́ inja tamɔdee el ya to na̰ ɓa aar ula sul dɔ njérɔje’g lə Ala gə́ njesikəmba lé wa.

1 Samel 17:36

To gə́ ma kura ləi m’tɔl ne toboḭ gə da-urs bèe lé ndá a to togə́bè gə dəw gə́ Pilisti gə́ nee gə́ to njelal kinja ta mɔdee lé to mbata yeḛ ula sul dɔ njérɔje’g lə Ala gə́ njesikəmba ya.

1 Samel 17:46

Ɓogənè Njesigənea̰ a kilai jim’g ndá m’a rɔ səi tuga dɔi gaŋg. Ɓogənè m’a kar nin kudu-njérɔje lə Pilistije to ka̰ yelje gə́ dara gə daje gə́ dɔ naŋg nee to gə́ nésɔ dee. Yee ɓa dəwje gə́ dɔ naŋg nee lai d’a gər to gə́ Ala lə Israɛlje si keneŋ gən ya.

1 Samel 17:47

Bèe ɓa koso-dəwje lai neelé d’a gər ne to gə́ kiambas əsé niŋga ɓa Njesigənea̰ aji ne dəw el. Mbata kun baŋga lé to ka̰ Njesigənea̰, yeḛ gə́ ɔm sí ji sí’g lé ya.

1 Samel 31:4

Yen ŋga Sawul ula njekodo nérɔje ləa pana: Ɔr kiambas ləi ɔsm ne tɔlm nà njépole-magəje d’a ree kula sul dɔm’g. Nɛ njekodo nérɔje ləa lé mbad kɔḭ mbata ɓəl undá badə gaŋgee. Ndá Sawul ya ɔr kiambas ləa mbad rəa piriŋ oso dɔ’g.