1 Samel 14:45 - Maktub gə́ To gə Kəmee

⁴⁵ Njérɔje d’ula Sawul pana: Ta ɗi bèe wa! Jonatan gə́ taa Israɛlje ɔm dee tar nee ya a kwəi bèe wa! Bèe el! Njesigənea̰ si kəmba ya! Yiŋga dəa kára kara a kɔr koso naŋg el mbata mee ndəa’g neelé Ala ɓa la səa aree ra né neelé ya. Togə́bè ɓa njérɔje d’aji ne Jonatan d’aree wəi ne el.

1 Samel 14:45 ပူးပေါင်းရင်းမြစ်များ

2 Samel 14:11

Yeḛ pana: Maji kar mbai ar mée olé dɔ Njesigənea̰, Ala’g lé ləa gə mba kar njedalba̰ məs ila tuji dɔ maree’g gə mba tuji ne ŋgonəm el! Ndá yeḛ ilá’g pana: Njesigənea̰ si kəmba ya! Yiŋga dɔ ŋgoni kára kara a koso naŋg el.

1 Mbaije 1:52

Salomo̰ pana: Ɓó lé yeḛ ra néra gə́ danasur ndá yiŋga dəa gə́ kára mbuna mareeje’g ya kara a koso naŋg el, nɛ ɓó lé némeeyèr to mée’g ndá yeḛ a kwəi ne ya tɔ.

2 Sôrta Gḭka Israɛlje 19:11

Aa ooje, njekaa dɔ sí to Amaria, ŋgɔ-njekinjanéməs mbata lə néje lai gə́ wɔji dɔ Njesigənea̰ ləm, Jebadia, ŋgolə Ismael to mbai dɔ gel-bɔje lə Judaje mbata néje lai gə́ wɔji dɔ mbai ləma, tɔɓəi Ləbije d’aar no̰ sí’g asəna gə njéko̰ɓeeje lə sí ləm tɔ. Maji kar sí waje rɔ sí kɔgərɔ raje né ndá Njesigənea̰ a nai gə dəwje gə́ njera némajije lé ya.

Nehemi 9:27

Yee ɓa i uba dee ya̰ dee ne ji njéba̰je’g lə dee Ar dee d’ula kəm dee ndòo. Nɛ mee ndɔ néurti’g lə dee lé deḛ no̰ gə́ rɔi’g Ndá i oo ndu dee mee dara gə́ tar Tɔɓəi gə goo boo-meekɔrjol ləi lé I ar dee njétaa dɔ deeje Gə́ d’aji dee ji njéba̰je’g lə dee tɔ.

Esai 13:3

Ma m’un ndum m’ar koso-dəwje ləm Gə́ m’unda dee gə kəmee, Ma m’ɓar bao-rɔje, Deḛ gə́ d’al rɔ dee dɔ riɓar’g ləm Gə mba kar dee riba dɔ oŋg ləm pərəg lé.

Matiyo 10:30

Yiŋga dɔ sí kara deḛ tura dém-dém ya.

Lugu 21:18

Nɛ yiŋga dɔ sí kára kara a ti kigi el.

Néra Njékaḭkulaje 14:27

Loo gə́ deḛ teḛ Antiɔs mba̰ ndá deḛ d’ula kula ɓar Eglisəje d’ar dee d’wa dɔ na̰, tɔɓəi deḛ d’ɔr gin néje lai gə́ Ala ra sə dee d’ar dee d’oo ləm, d’ula dee ta loo rəw gə́ yeḛ ɔr ar njépole-magəje d’un ne meḛ dee ləm tɔ.

Néra Njékaḭkulaje 15:12

Dəwje lai gə́ mbo̰ dɔ na̰ lé d’isi ndiŋ d’ur mbi dee d’oo ne ta gə́ Barnabas gə Pool d’ula dee, d’wɔji ne dɔ némɔrije lai gə nédumkooje gə́ Ala ar dee ra mbuna njétareeje’g lé.

Néra Njékaḭkulaje 21:19

Yeḛ ra dee lapia mba̰ ɓa yeḛ ɔr sor néje lai-lai gə́ Ala ra mbuna njétareeje’g gə goo kula’g ləa lé.

Néra Njékaḭkulaje 27:34

M’tɔg sí kar sí sɔje né, mbata yee ɓa gə́ kuma̰ kar sí ajije ne ləm, yiŋga dɔ dəw ya kára kara mbuna sí’g a kigi gə mḭdé el ləm tɔ.

Njé gə́ Rɔmə 15:18

Tapam gə néram gə́ Kristi ɓa am siŋgam mba kam m’ra gə mba kɔr ne njépole-magəje kar dee d’ila ŋgonkoji dɔ Ala’g lé yee ɓa ma m’pa ɓó né gə́ raŋg el.

1 Njé gə́ Kɔrḭtə 3:9

Mbata jeḛ lé n’to njéboakulaje lə Ala lé. Seḭ toje ndɔ lə Ala ləm, seḭ toje kəi ra Ala ləm tɔ.

2 Njé gə́ Kɔrḭtə 6:1

To gə́ jeḛ n’ra kula na̰’d gə Ala lé jeḛ ndəji sí mba kar noji lə Ala gə́ seḭ iŋgaje lé a teleeje gə́ né gə́ gə mḭdé ba el.

Loo gə́ killa rea kəm Ja̰’g 17:14

D’a rɔ gə Ŋgonbad lé nɛ Ŋgonbad lé a dum dee mbata yeḛ to Mbaidɔmbaije ləm, yeḛ to Mbai gə́ ur dɔ mbai mareeje’g ləm tɔ ndá deḛ gə́ yeḛ ɓar dee ləm, yeḛ ɔr dee unda dee gə kəmee ləma, deḛ to ŋgankojije gə́ nai səa ləm tɔ lé deḛ nja d’a dum dee ya tɔ.

Loo gə́ killa rea kəm Ja̰’g 19:14

Njéboo-rɔje gə́ dara lé d’al kunda-ndulije ndolè ne gée ləm, kubu gə́ d’ṵji gə kúla palégal gə́ ndá kələw-kələw gə àr ŋgad-ŋgad lé to rɔ dee’g ləm tɔ.

1 Samel 11:13

Nɛ Sawul pana: Dəw a tɔl dəw kára kara mee ndɔ’g bèe’g el, mbata ɓogənè lé Njesigənea̰ un baŋga mee ɓee gə́ Israɛl’g.

1 Samel 14:23

Mee ndəa’g neelé Njesigənea̰ aji Israɛlje ndá ar rɔ aw kəmee gə́ kédé saar dəs Bet-Aben.

1 Samel 14:46

Yee ɓa Sawul ya̰ ne goo Pilistije ndá Pilistije tel d’aw ne mee ɓeeje’g lə dee tɔ.

1 Samel 19:5

Yeḛ ila rəa da tɔl ne dəw gə́ Pilisti ar Njesigənea̰ ra ne né gə́ boo taa ne dɔ Israɛlje. I oo gao, i ra rɔlel dɔ’g ya tɔ. See gelee ban ɓa i a ra kaiya kila ne məs yeḛ gə́ ta wa dəa el ləm, a kar dee tɔl Dabid lal né gə́ bèe ləm tɔ ɓəi wa.