1 Samel 14:44 - Maktub gə́ To gə Kəmee

⁴⁴ Yen ŋga Sawul pana: Jonatan, ɓó lé wəi el ndá maji kar Ala ra səm nédɔkudu ya.

1 Samel 14:44 ပူးပေါင်းရင်းမြစ်များ

Gḭ-Néje 38:24

As naḭ munda gogo ndá deḛ ree d’ula Juda pana: Məmije Tamar tel to kaiya-dené ŋga ndá yeḛ aw gə kèm. Juda pana: Maji kar sí oreeje gə́ raga ndá réeje ya.

2 Samel 12:31

Yeḛ ar koso-dəwje gə́ mee ɓee’g teḛ raga ndá yeḛ ɔm kulaje gə́ kədərə kədərə dɔ dee’g ar dee ra kula gə kiaje gə́ ka̰ kinja kagje ləm, gə négɔl dɔ naŋg gə́ təa adə gə́ ra gə larndul ləm, gə tinaje gə́ to larndul ləma, gə kula gə́ wɔji dɔ nuŋga bɔrɔje ləm tɔ. Yeḛ ra togə́bè gə ɓee-booje lə Amo̰je lai ya. Tɔɓəi Dabid gə njérɔje ləa lai tel d’aw Jerusalem gogo tɔ.

2 Samel 12:5

Oŋg lə Dabid ḭ səa pu dɔ dəw’g neelé aree ula Natan pana: Njesigənea̰ to njesikəmba ya! Dəw gə́ ra né gə́ togə́bè lé kəm karee wəi gə́ kwəi ya.

2 Samel 19:13

Seḭ toje ŋgakɔmje gə́ koji kəi kɔl ya. See gelee ban ɓa seḭ a toje gə́ rudu deḛ gə́ d’a gə kar mbai tel ree lé wa.

2 Samel 3:9

Ɓó lé m’ra gə Dabid né gə goo ta gə́ Njesigənea̰ man ne rəa aree lé el ndá maji kar Ala ra səm-ma Abner nédɔkudu ya.

Gosota-Kəmkàrje 25:16

Ɓó lé i iŋga ubu tə̰ji ndá o̰ aree asi gə́ kas ba ɓa Nà banelə məəi a kɔsi ŋgug kari tɔmé.

Njéga̰g-Rəwtaje 11:35

Loo gə́ yeḛ ée bèe ndá yeḛ wa kubuje rəa’g hao̰-hao̰ til pana: Wai ŋgonəm, i ar kaarm sɔlé solé-solé ya, i to gə́ mbuna deḛ gə́ d’am m’ndəb pəd-pəd lé. Ma m’un ndum gə ndu manrɔ m’ar Njesigənea̰ mba̰ ɓó m’askəm rəm gə ndum dɔ’g el.

Rudu 1:17

loo gə́ i a gə kwəi keneŋ ndá ma kara m’a kwəi keneŋ kar dee dubum ya tɔ. Ɓó lé ndum igim ɓa ar né gə́ raŋg ree ar sí n’tḭje na̰ ɓó to yoo el ndá maji kar Njesigənea̰ ra səm nédɔkudu ya.

1 Samel 14:39

Mbata Njesigənea̰ gə́ to njetaa dɔ Israɛlje kɔm dee tar lé si kəmba ya! Lé to gə́ Jonatan, ŋgonəm lé ya ɓa to njegin kaiya neelé kara a kwəi ya. Nɛ mbuna njérɔje’g lai lé dəw kára kara ilá ta’g el.

1 Samel 25:22

Ɓó lé m’ya̰ dəw lə Nabal əsé né gə́ rara gə́ to kea̰ m’ar loo àr dɔ’g ndá maji kar Ala ra səm-ma Dabid, kura ləa lé nédɔkudu ya.

1 Samel 3:17

Eli dəjee pana: See ta ɗi ɓa Njesigənea̰ ulai wa. Maji kari iya səm dɔ né kára kara el. Ɓó lé i iya səm dɔ né kára dan mareeje’g ndá maji kar Ala ra səi nédɔkudu ya.