1 Samel 14:35 - Maktub gə́ To gə Kəmee

³⁵ Sawul unda loo-nékinjaməs ar Njesigənea̰. Yee ɓa to loo-nékinjaməs gə́ dɔtar gə́ yeḛ unda wɔji ne dɔ Njesigənea̰ ya.

1 Samel 14:35 ပူးပေါင်းရင်းမြစ်များ

2 Samel 24:25

Lée neelé Dabid ra loo-nékinjaməs keneŋ ar Njesigənea̰ ndá yeḛ inja nékinjanéməsje gə́ ka̰ roo ləm, gə nékinjanéməsje gə́ ka̰ kɔm na̰’d ləm tɔ. Togə́bè ɓa Njesigənea̰ ar mée oso né lemsé dɔ ɓee’g ndá yeḛ ar yoo-koso lé əw rəa dɔ Israɛlje’g tɔ.

Ojee 8:14

Israɛlje d’ar meḛ dee wəi dɔ yeḛ gə́ njekunda dee’g Ndá deḛ d’unda kəi-mbaije ləm, Judaje kara d’ar ɓee-booje gə́ gə siŋga dee lé D’ḭ dɔ maree’d gə́ kédé-kédé ləm tɔ. Nɛ m’a kar pər roo ɓee-booje lə dee ləm, A roo kəi-mbaije lə dee ləm tɔ.

2 Timote 3:5

D’a ndaji néra gə́ ka̰ kwa Ala mée’g lə sí nɛ d’a kɔm meḛ dee dɔ siŋgamoŋ lə néraje neelé el.

Maktub gə́ Jak ula ne ar ngan-Allaje 4:8

Rəmje pər gə́ rɔ Ala’g ndá yeḛ a rəm pər gə́ rɔ sí’g tɔ. Seḭ kaiya-dəwje, togoje ji sí, seḭ gə́ meḛ sí bəŋgərə sí lé ɔrje won kaiya meḛ sí’g tɔ.

Njéga̰g-Rəwtaje 21:4

Bèlè lookàree ndá koso-dəwje d’ḭta gə ndɔ rad, deḛ ra loo-nékinjaməs lée’g neelé ndá d’inja nékinjanéməsje gə́ ka̰ roo ləm, gə nékinjanéməsje gə́ wɔji dɔ kɔm na̰’d ləm tɔ.

Njéga̰g-Rəwtaje 6:24

Gedeo̰ ra loo-nékinjaməs lée’g neelé ar Njesigənea̰ ndá yeḛ unda ria lə Njesigənea̰ gə́ Njemeelom, loo-nékinjaməs neelé to Opra, mee ɓee-boo’g lə gel-bɔje lə Abiejer saar teḛ mee ndəa gən lé tɔ.

1 Samel 14:34

Tɔɓəi yeḛ tel ila ta dɔ maree’g pana: Awje mbuna dəwje’g ula deeje pajena: Nana kara a ree gə bɔ maŋg ləa əsé badə ləa gə́ rɔm’g nee gə mba kinja gwɔsee loo gə́ nee’g. Gée gə́ gogo seḭ a sɔje gə mba kar sí raje ne kaiya kɔsje ne ta lə Njesigənea̰ rəw to gə́ seḭ sɔje ne da dɔ məsee’g to gə́ kédé lé el. Mee tilee’g neelé nana kara mbuna njérɔje’g wa bɔ maŋg ləa jia’g-jia’g ree ne mba kinja gwɔsee dɔ biri mbal’g lé.

1 Samel 7:12

Samel un mbal kára ila mbuna Mispa’g gə Seḭ’g ndá yeḛ ɓaree Eben-Ejer, mbata yeḛ pana: Njesigənea̰ la sə sí saar teḛ loo gə́ nee’g.

1 Samel 7:17

Tɔɓəi yeḛ tel ree Rama loo gə́ kəi ləa to keneŋ. Lée neelé yeḛ gaŋg rəwta lə Israɛlje keneŋ ləm, yeḛ ra loo-nékinjaməs keneŋ ar Njesigənea̰ ləm tɔ.

1 Samel 7:9

Samel wa ŋgon badə gə́ ta mbà’g, ḭjá bura gə́ nékinjaməs gə́ ka̰ roo ar Njesigənea̰. Yeḛ no̰ ɓar Njesigənea̰ mbata lə Israɛlje ndá Njesigənea̰ ilá keneŋ ya.