1 Samel 14:25 - Maktub gə́ To gə Kəmee

²⁵ Njérɔje lai teḛ mee kag-kɔr’d gə́ to loo gə́ ubu tə̰ji taa loo keneŋ pəl-pəl.

1 Samel 14:25 ပူးပေါင်းရင်းမြစ်များ

Teḛ-Raga 3:8

Bèe ɓa ma m’ree mba kɔr dee ji Ejiptəje’g ləm, gə mba kɔr no̰ dee teḛ sə dee mee ɓee gə́ maji gə́ tad yaa̰ ləm tɔ, to ɓee gə́ mbà to keneŋ yaa̰ ləm, ubu tə̰ji kara to keneŋ yaa̰ ləm tɔ, to loo-si Kana̰je ləm, gə Hetje ləm, gə Amɔrje ləm, gə Peresje ləm, gə Hebje ləma, gə Yebusje ləm tɔ.

Gosota-Kəmkàrje 25:16

Ɓó lé i iŋga ubu tə̰ji ndá o̰ aree asi gə́ kas ba ɓa Nà banelə məəi a kɔsi ŋgug kari tɔmé.

Bula lə Israɛlje 13:27

Aa ooje, ta gə́ deḛ ndaji d’ar Moyis ɓa nee: Jeḛ j’aw mee ɓee gə́ i ula sí keneŋ lé. Tɔgərɔ ya, ɓee neelé mbà gə ubu tə̰ji to keneŋ yaa̰, aa ooje, kandə néje lé ɓa to nee ya.

Tel tura Godndu 9:28

nà banelə dəwje gə́ mee ɓee gə́ i ar sí j’ḭ keneŋ j’unda loo n’teḛje lé d’a pana: To mbata siŋga Njesigənea̰ as mba kaw sə dee ɓee gə́ yeḛ un ndəa ar dee lé el ləm, to mbata yeḛ ə̰ji dee bəḭ-bəḭ ləm tɔ ɓa yeḛ ar dee d’unda ne loo teḛ gə mba kaw tɔl dee ne dɔdilaloo’g.

Njéga̰g-Rəwtaje 14:9

Yeḛ ɔr ubu tə̰ji lé jia’g o̰ ta-ta gə rəw, tɔɓəi loo gə́ yeḛ ree ne rɔ bɔbeeje’g gə kea̰je’g ndá yeḛ ar dee ubu tə̰ji lé ar dee d’o̰ tɔ. Nɛ yeḛ ula dee to gə́ yeḛ ɔr tə̰ji neelé mee yoo-toboḭ’g el.

1 Samel 14:24

Mee ndəa’g neelé loo moŋg Israɛlje kaŋ. Sawul ar dəwje manrɔ dee pana: Dəw gə́ sɔ né kédé ɓa kàrkemetag teḛ ɓəi əsé ra bèe ɓad ɓa ma m’dal ba̰ gə njéba̰je ləm ɓəi ndá maji kar ndɔl wa dəa ya. Togə́bè ɓa dəw kára kara sɔ né el ya tɔ.

1 Samel 14:26

Loo gə́ njérɔje lé teḛ mee kag-kɔr’g lé ndá d’oo ubu tə̰ji gə́ ndəi ula lururu-lururu ya nɛ dəw kára kara ula jia keneŋ ula təa’g el mbata njérɔje lé d’ila koji dɔ ndu manrɔ’g lé tɔ.