1 Samel 14:19 - Maktub gə́ To gə Kəmee

¹⁹ Loo gə́ Sawul aar wɔji ta gə njekinjanéməs bèe-bèe ndá ndu dəwje ɓar birim-birim loo-si Pilistije’d gə́ kédé-kédé ndá Sawul ula njekinjanéməs lé pana: Rəm gə jii gə́ rɔi’g.

1 Samel 14:19 ပူးပေါင်းရင်းမြစ်များ

Pakɔsje 106:13

Nɛ waga ndá d’ar meḛ dee unda pudum dɔ néraje’g lé ləm, Deḛ ŋgina néje gə́ yeḛ wɔji gə mba ra lé el ləm tɔ.

Esai 28:16

Gelee gə́ nee ɓa Mbaidɔmbaije gə́ Njesigənea̰ pa togə́bè pana: Aa ooje, ma m’unda mbal gə́ moŋg kəi mee ɓee gə́ Sio̰, To mbal gə́ neán, To mbal kunda dɔ kum kəi gə́ gadee to yaa̰ Gə́ d’unda d’aree to njaŋg, Ndá yeḛ gə́ ɔm mée dɔ’g ndá A ndəb-ndəb kaḭ el.

Bula lə Israɛlje 27:21

Yeḛ a ree kaar no̰ Eləajar gə́ to njekinjanéməs’g lé mba kar Eləajar aw no̰ Njesigənea̰’g gə mbata ləa mba karee gər ne né gə́ kəm ra gə goo né gə́ urim ɓa a tɔjee, togə́bè Josué ləm, gə Israɛlje lai ləma, gə koso-dəwje lai ləm tɔ d’a kaw gə goo ndukun lə Eləajar ləm, d’a tel ree gə goo ndukun ləa ləm tɔ.

Jujé 9:14

Koso-dəwje gə́ Israɛl lé taa ges nésɔje lə dee nɛ deḛ dəji Njesigənea̰ ta né gə́ kəm ra sə dee el.

1 Samel 13:11

Samel dəjee pana: See ɗi ɓa i ra bèe wa. Sawul ilá keneŋ pana: Loo gə́ m’oo to gə́ dəwje sanéna̰ rɔm’g kad-kad ləm, i kara ree gə kàr kwɔji gə́ i wɔji lé el ləma, Pilistije kara mbo̰ dɔ na̰ Mikmas ləm tɔ

1 Samel 14:20

Tɔɓəi Sawul gə njérɔje lai gə́ d’aw səa lé mbo̰ dɔ na̰ d’ɔr rɔ d’aw saar teḛ loo-rɔ’g ndá aa ooje, Pilistije nja tel tɔs na̰ gə kiambas, ar kaw gə́ d’aw dɔ na̰’d pum-pum lé al dɔ loo sula.

1 Samel 14:24

Mee ndəa’g neelé loo moŋg Israɛlje kaŋ. Sawul ar dəwje manrɔ dee pana: Dəw gə́ sɔ né kédé ɓa kàrkemetag teḛ ɓəi əsé ra bèe ɓad ɓa ma m’dal ba̰ gə njéba̰je ləm ɓəi ndá maji kar ndɔl wa dəa ya. Togə́bè ɓa dəw kára kara sɔ né el ya tɔ.

1 Samel 30:7

Yeḛ ula Abiatar, njekinjanéməs gə́ to ŋgolə Ahimelek lé pana: Ree gə kubu épod lé am! Ndá Abiatar ree gə kubu épod lé ar Dabid ya tɔ.