1 Samel 14:14 - Maktub gə́ To gə Kəmee

¹⁴ Dum gə́ deḛ dum dɔ dee gə́ dɔtar lé Jonatan gə njekodo nérɔje ləa tɔl dee as dəwje rɔ-joo dɔ naŋg’d gə́ tad as ges loo-ndɔ kára jén bèe.

1 Samel 14:14 ပူးပေါင်းရင်းမြစ်များ

2 Samel 17:9

Aa oo, ɓasinè ya yeḛ iya rəa mee bwa’g əsé loo gə́ raŋg’d. Ɓó lé njé’g lə sí gə́ na̰je d’oso ji dee’g ndá dəw a ŋgina gə mba kulá taree el. Yee ɓa d’a pana: Koso-dəwje gə́ d’aw goo Absalɔm’g lé jeḛ n’tɔl deeje mba̰.

Njéga̰g-Rəwtaje 15:15

Yeḛ oo siŋga ka ta mulayḛ̀je gə́ to sigi ɓəi naŋg ndá yeḛ ula jia un tɔl ne dəwje tɔl-dɔg (1.000).

Njéga̰g-Rəwtaje 9:54

Léegəneeya yeḛ ɓar basa gə́ odo nérɔje ləa lé ulá pana: Ɔr kiambas ləi tɔlm ne, nà d’a pa dɔm’g pana: To dené ba tɔlm. Togə́bè ɓa basa neelé ɔsee ne gə kiambas tɔlee.

1 Samel 14:13

Yen ŋga Jonatan ag gə jia gə gɔlee aw tar ləm, yeḛ gə́ njekodo nérɔje ləa kara aw gée’g ləm tɔ. Pilistije toso no̰ Jonatan’g ndá yeḛ gə́ njekodo nérɔje ləa lé tɔl dee gée’g gée’g tɔ.

1 Samel 14:15

Ɓəl-boo taa loo-si dee pəl-pəl ləm, mee looje’g lai ləma, mbuna koso-dəwje’g ləm tɔ. Deḛ gə́ d’isi loo-si dee’g gə deḛ gə́ to njékaw waije lé kara ɓəl unda dee badə gaŋg dee keneŋ tɔ. Dɔ naŋg yə ɓugu-ɓugu, yee ɓa to gə́ ɓəl-boo lə Ala ya.