1 Samel 14:13 - Maktub gə́ To gə Kəmee

¹³ Yen ŋga Jonatan ag gə jia gə gɔlee aw tar ləm, yeḛ gə́ njekodo nérɔje ləa kara aw gée’g ləm tɔ. Pilistije toso no̰ Jonatan’g ndá yeḛ gə́ njekodo nérɔje ləa lé tɔl dee gée’g gée’g tɔ.

1 Samel 14:13 ပူးပေါင်းရင်းမြစ်များ

Pakɔsje 18:29

Tɔgərɔ ya, i nja ar néndogó ləm ndogó ɔr jol-jol, Njesigənea̰, Ala ləm, maji kari ar loondul gə́ m’isi danee’g lé tel àr raŋg-raŋg ya.

Njé gə́ Rɔmə 8:31

See j’a pa ban dɔ ta’g neelé ɓəi wa. Ɓó lé Ala nai sə sí ndá see na̰ ɓa a koma̰ sə sí gə dɔrea wa.

Tel tura Godndu 28:7

Njesigənea̰ a kar sí unje baŋga dɔ njéba̰je’g lə sí gə́ d’a kḭ gə mba rɔ sə sí, d’a kunda loo teḛ gə rəw gə́ kára ba mba rɔ sə sí nɛ d’a kaḭ no̰ sí’g gə rəwje siri.

Tel tura Godndu 32:30

Ɓó lé yeḛ gə́ to mbal lə dee Uba dee ya̰ dee el ləm, Ɓó lé Njesigənea̰ ya̰ dee ji dee’g el ləm tɔ ndá, See dəw kára ba a tuba goo dəwje gə́ tɔl-dɔg (1.000) to gə́ ban wa, Esé see dəwje joo ba d’a kar dəwje gə́ tɔl-dɔg-loo-dɔg (10.000) d’aḭ to gə́ ban wa.

Ǝbrəje 11:34

Deḛ neelé tɔl pər gə́ o̰ bilim-bilim misi ləm, deḛ teḛ ta kiambas gə́ adə làm-làm’g ləm, lé d’oso gə rɔko̰ pid-pid kara d’aji ne kədərə ləma, d’wa rɔ dee kɔgərɔ loo-rɔ’g ləma, tuba ne njéboo-rɔje gə́ dɔ ɓeeje gə́ raŋg lé ləm tɔ.

Jujé 23:10

Dəw kára ba mbuna sí’g tuba dəwje gə́ tɔl-dɔg (1.000) ar dee d’aḭ nea̰’g, mbata Njesigənea̰, Ala lə sí rɔ gə mbata lə sí to gə́ yeḛ pa ne taree ar sí lé tɔ.

Njéga̰g-Rəwtaje 9:54

Léegəneeya yeḛ ɓar basa gə́ odo nérɔje ləa lé ulá pana: Ɔr kiambas ləi tɔlm ne, nà d’a pa dɔm’g pana: To dené ba tɔlm. Togə́bè ɓa basa neelé ɔsee ne gə kiambas tɔlee.

1 Samel 14:12

Njérɔje gə́ d’isi loo-si dee’g lé d’ula Jonatan gə yeḛ gə́ njekodo nérɔje ləa lé togə́bè pana: Tugaje loo reeje rɔ sí’g ndá j’a kar sí ooje né. Jonatan ula yeḛ gə́ njekodo nérɔje ləa lé pana: Tuga loo ree goom’g mbata Njesigənea̰ ɔm dee ji Israɛlje’g ya.

1 Samel 14:14

Dum gə́ deḛ dum dɔ dee gə́ dɔtar lé Jonatan gə njekodo nérɔje ləa tɔl dee as dəwje rɔ-joo dɔ naŋg’d gə́ tad as ges loo-ndɔ kára jén bèe.