1 Samel 14:12 - Maktub gə́ To gə Kəmee

¹² Njérɔje gə́ d’isi loo-si dee’g lé d’ula Jonatan gə yeḛ gə́ njekodo nérɔje ləa lé togə́bè pana: Tugaje loo reeje rɔ sí’g ndá j’a kar sí ooje né. Jonatan ula yeḛ gə́ njekodo nérɔje ləa lé pana: Tuga loo ree goom’g mbata Njesigənea̰ ɔm dee ji Israɛlje’g ya.

1 Samel 14:12 ပူးပေါင်းရင်းမြစ်များ

Gḭ-Néje 24:42

Ɓogənè ma m’teḛ kəm-rəw-mán’g ndá ma m’pana: Njesigənea̰, Ala lə ɓémje gə́ Abrakam, ɓó lé i ndigi kar mbá ləm gə́ m’aw lé wam maji ndá

Gḭ-Néje 24:48

Ma m’ula dɔm naŋg m’unda barmba no̰ Njesigənea̰’g, ma m’pidi Njesigənea̰, Ala lə ɓémje gə́ Abrakam, yeḛ gə́ ɔr nɔm orəm més mba kam m’taa ŋgolə ŋgoko̰ ɓémje gə́ dené m’ar ŋgonee lé.

2 Samel 5:24

Loo gə́ i oo kaa gɔl dəw gə́ ɓar dɔ sém kag-kɔlje’g ndá ɔs rɔi ɓad mbata to Njesigənea̰ ɓa njaa nɔḭ’g mba tuji njérɔje lə Pilistije lé ya.

2 Mbaije 14:8

Yen ŋga Amasia ula njékaḭkulaje rɔ Joas, ŋgolə Joakas, gə́ to ŋgolə Jehu, mbai gə́ Israɛl mba kar dee d’ulá pana: Gə́ ree ar sí na̰je siŋga na̰ j’ooje.

Njéga̰g-Rəwtaje 4:14

Togə́bè Debora ula Barak pana: Ḭta mbata ɓogənè ɓa to ndɔ gə́ Njesigənea̰ a kuba Sisera kyá̰ jii’g lé kàree teḛ mba̰. See Njesigənea̰ ɓa a kaw kédé nɔḭ’g el wa. Ndá Barak ḭ dɔ mbal’d gə́ Tabɔr risi ur naŋg gə njérɔje gə́ tɔl-dɔg-loo-dɔg (10.000) gə́ d’aw gée’g lé.

Njéga̰g-Rəwtaje 7:14

Kuramaree lé tel ilá keneŋ pana: To né gə́ raŋg el, nɛ to kiambas lə Gedeo̰, ŋgolə Joas, dəw gə́ Israɛl lé ya, Ala uba Madianje gə boo-njérɔje lai ya̰ dee jia’g.

Njéga̰g-Rəwtaje 7:15

Loo gə́ Gedeo̰ oo sor ni gə gelee gə́ kɔr lé ndá yeḛ dəb kəmee naŋg. Tɔɓəi yeḛ tel ree loo-si Israɛlje’g ula dee pana: Ḭje tar mbata Njesigənea̰ uba Madianje gə boo-njérɔje lə dee ya̰ dee ji sí’g ya.

Njéga̰g-Rəwtaje 9:54

Léegəneeya yeḛ ɓar basa gə́ odo nérɔje ləa lé ulá pana: Ɔr kiambas ləi tɔlm ne, nà d’a pa dɔm’g pana: To dené ba tɔlm. Togə́bè ɓa basa neelé ɔsee ne gə kiambas tɔlee.

1 Samel 14:10

Nɛ ɓó lé d’ula sí pana: N’reeje rɔ neḛje’g wa tɔ ndá j’a tugaje loo kaw ya to mbata Njesigənea̰ ya̰ dee ji sí’g. Yee ɓa a to nétɔji kar sí ya.

1 Samel 14:13

Yen ŋga Jonatan ag gə jia gə gɔlee aw tar ləm, yeḛ gə́ njekodo nérɔje ləa kara aw gée’g ləm tɔ. Pilistije toso no̰ Jonatan’g ndá yeḛ gə́ njekodo nérɔje ləa lé tɔl dee gée’g gée’g tɔ.